காதலாகி...கசிந்துருகி...

mohan-தாஸ் · mohan-தாஸ் Tue 6 Apr 2010 - 11:34

ஒரு சிறுவன் இருந்தான்...
யதார்த்தமானவன்
இயல்பை விட்டுக்கொடுக்கதவன்
அதிகம் கவலை பட தெரியாதவன்...
சந்தோஷமாகத்தான் இருந்தான்..
வெள்ளை சிறகுடன் தேவதை சிறுமி ஒருவள் வந்தாள்
என்ன வரம் வேண்டும் ? கேள் ..! என்றாள்..
எனக்கென்ன தேவை? தெரியவில்லை.. என்றான்..
சிறுமி சிரித்தாள்
அவன் தலை கலைத்தாள்
நிலா ரசிக்க சொல்லி கொடுத்தாள்
பட்டாம் பூச்சியுடன் விளையாட பழக்கப்படுத்தினாள்
உலகின் நீள அகலம் உணர்த்தினாள்
அவன் வயது குறைத்து குழந்தையாக்கினாள்
அவனின் இன்னொரு தாயானாள்
அன்பை குழைத்து பசி மறக்க செய்தாள்
அக்கறை மிகுந்தாள்
தினம் அவனோடு விளையாடினாள்
அவன் கடவுளால் ஆசிர்வதிக்கபட்டதை போலானான்.
அர்த்தம் உணர்ந்து முழுசாய் சிரித்தான்.
மழை பெய்தது.
அவன் கண்களில் உலகம் அழகானது.
சிறுமி ஒருநாள் வரவில்லை.
முதலாய் உடல் நடுக்கம் உணர்ந்தான்.
ஒருமுறை சரியாய் பேசவில்லை.
கோபம் என்கின்ற சாத்தான் அவனுள் வேதம் ஓதினான்.
உன்னோடு "கா" , 'இனி பேசாதே' என்றான்.
தேவதை சிறுமி கன்னம் கிள்ளி செல்லக் கொட்டினாள்
எல்லாம் மறந்தான்... தன்னையும் சேர்த்து..
இப்படி ஒவ்வொருமுறையும் 'கா' பழமானது...
கண்ணாம்பூச்சி விளையாடலாம் என்றான்..
சிறுமி 'நாளை ' என்றாள்.
இரவை வெறுத்து உடனே விடியல் கேட்டான்.
தாமதமாய் வந்த தேவதை மறந்துட்டேன் என்றாள்..
புதிதாய் இயல்பு தொலைத்தான்
சினம் மிகுந்தான்.
துரோகங்களை கூட மறக்க தெரிந்தவனுக்கு ....
ஏமாற்றங்களை மன்னிக்க தெரியவில்லை.
முதலாய்.. ஒரு துளி கண்ணீர் இழந்தான்.
எங்கும் போகதே.. என்னோடு மட்டும் விளையாடு என்றான்
"உலகம் பெரியது.. நான் எல்லோரையும் மகிழ்விக்க வேண்டும்" என்றது தேவதை.
இயலாமை உணர்ந்தான். மௌனமானான்.
"உன்னோடும் நான் இருப்பேன்" என்றது தேவதை.
அவன் தெளிவாகவில்லை.
சமாதானம் தெளிவாக இல்லை.
தேவதை தினம் வரும், புன்னகைக்கும் , போகும்.
ஏனோ அவன் பசிக்கு அது போதவில்லை.
இடைவெளி மிகுந்தது..
எதையும் இழக்கவில்லை அவன்,
அனால் எல்லாம் தொலைத்தது போலானான்.
மாற்றங்களின் நியதி அவனுக்கு புரிபடவில்லை,
ஏனோ, சிறுவன் இப்போது சந்தோஷமானவனாக இல்லை.

ஹாசிம் · ஹாசிம் Tue 6 Apr 2010 - 11:40

காதலை இப்படியும் விளங்கச்செய்யலாம் மிக்க நன்றி நன்பா அட்டகாசம் காதலாகி...கசிந்துருகி... 677196

கலைவேந்தன் · கலைவேந்தன் Tue 6 Apr 2010 - 11:52

அருமை அருமை தாஸ்... காதலாகி...கசிந்துருகி... 678642

mohan-தாஸ் · mohan-தாஸ் Tue 11 Jan 2011 - 23:56

நன்றி ஹாசிம் நன்றி கலை அண்ணா நன்றி நன்றி நன்றி மீண்டும் மீண்டுள்ளேன் சாதனைகள் தொடரும்!

kungumapottu gounder · kungumapottu gounder Wed 12 Jan 2011 - 0:01

mohan-தாஸ் · mohan-தாஸ் Wed 12 Jan 2011 - 0:17

kungumapottu gounder wrote:

**ரிபாஸ்** · **ரிபாஸ்** Wed 12 Jan 2011 - 10:59

சூப்பர் தாஸ் ஜி

arsad · arsad Wed 12 Jan 2011 - 13:21

நைஸ் நைஸ் தாஸ்..... காதலாகி...கசிந்துருகி... 154550

மஞ்சுபாஷிணி · மஞ்சுபாஷிணி Wed 12 Jan 2011 - 13:27

மிக அருமையான வரிகள் அன்பை போதிக்கும் நெறிகள் மோகன் தாஸ்... வேறு எங்கயோ இதே கவிதையை படித்தேன்.... ஈகரையில் என்றே நினைக்கிறேன்பா... மனம் ரொம்ப வருத்தத்துடன் இருந்தபோது இந்த கவிதை அப்ப படித்தத்தால் இன்னும் நினைவில் நிற்கிறதுப்பா.. அருமைப்பா...

எப்படி இருக்கீங்க சௌக்கியமாப்பா? அன்பு நன்றிகள் மோகன் தாஸ் பகிர்வுக்கு...

இந்த பதிவைத் துவங்கியவர் நன்றி கூறியுள்ளார் மஞ்சுபாஷிணி