பொய் பேசக் கூடிய குழந்தைகளை அதிகமாக விமர்சிக்காதீர்கள்

எஸ்.அஸ்லி · எஸ்.அஸ்லி Sun Apr 04, 2010 11:09 pm

First topic message reminder :

ஒரு குழந்தை பொய் பேசி விட்டால், அதனை எப்பொழுதும் பொய்யன் என்று அழைக்காதீர்கள். பெற்றோர்களாகிய உங்களது கடமை என்னவென்றால், அந்தத் தவறு எங்கிருந்து ஆரம்பிக்கின்றது என்று கண்டுபிடித்து, அந்தக் குழந்தை செய்யக் கூடிய அந்தச் செயல் சரியா அல்லது தவறா என்று அதற்கு பிரித்தறிவிப்பது ஒன்றே, அவர்களைச் சீர்திருத்துவதற்கான சிறந்த வழிமுறையாகும். இதன் மூலம் அந்தக் குழந்தை தன்னைத் தானே சீர்திருத்திக் கொள்கின்றது என்று சொன்னால், நீங்கள் அந்தக் குழந்தையிடமிருந்து பொறுப்பானதொன்றை எதிர்பார்க்கின்றீர்கள் என்பதையும், அந்தப் பொறுப்புடனேயே நாம் நடந்து கொள்ள வேண்டும் என்றும் அது உணர்ந்து கொள்ளும். இது தான் அந்தக் குழந்தை பொய் பேசுவதனின்றும் தடுக்கக் கூடிய, நீங்கள் செய்கின்ற மிகப் பெரிய செயலாகும். இது குழந்தைகளுக்கும் பெற்றோர்களுக்குமிடையே இருக்கக் கூடிய பரஸ்பர புரிந்துணர்வு இல்லாததன் காரணமாகத் தான் இத்தகைய நிலைகள் ஏற்பட முடியும்.

மஞ்சுபாஷிணி · மஞ்சுபாஷிணி Thu Jun 10, 2010 11:45 pm

மிக மிக அருமையான கருத்துக்கள் அடங்கிய பகிர்வுகள்பா அஸ்லி...

சின்ன குழந்தைகள் குட்டி குட்டி பொய் சொல்லும் அம்மா அப்பாவுக்கு பயந்து அடிக்கு பயந்து டீச்சருக்கு பயந்து....

அந்த பயம் என்று ஒன்றை குழந்தையின் மனதில் புகுந்துவிட்டாலே பொய்கள் சரளமாய் வந்துவிடும்...

பொய் பேசாதே என்று கண்டிக்காமல் உண்மை சொன்னால் உனக்கு என்னிக்கும் பரிசு என்று சொல்லி உற்சாகப்படுத்தலாம்...

ஆனாலும் என் குட்டிப்பையன் சொன்ன ஒரு பொய்யை இங்கே பகிர விரும்புகிறேன்....

இன்னும் ஸ்கூல் போகும் வயதில்லாத சமயத்தில் நர்சரியில் சேர்த்துவிட்டோம்.. ஒரு நாள் பாட்டர் பாட்டில் மறந்துட்டான்... எங்கடான்னு கேட்டால் ஒரு கதையே சொன்னான்... நான் உட்கார்ந்து எழுதிட்டு இருந்தேன்.. அப்ப ஒரு எலி வந்து என்னையே பார்த்துட்டு இருந்திச்சு... தண்ணி கேட்டிச்சு தாகமா இருக்குன்னு நான் தரலை உடனே எடுத்து குடிச்சிட்டு வேகமா ஓட ஆரம்பிச்சுது வாட்டர் பாட்டிலோடு ஆனால் கீழே சிந்திய நீரில் வழுக்கி விழுந்து பின் ஒரே ஓட்டமா போய்ருச்சும்மா வாட்டர் பாட்டிலை எடுத்துக்கிட்டு...

என்னவோ எனக்கு கோவமே வரலை அவன் சொன்னதை கேட்டு... ஏன்னா அப்ப தான் அவனுக்குள் இருக்கும் க்ரியேட்டிவிட்டி தெரிஞ்சுது எனக்கு ஆச்சர்யமா பார்த்தேன்.. ஆஹா இப்படி எல்லாம் கூட சிந்திக்குமா குழந்தைகள் என்று எலி வழுக்கி எப்படி விழுந்தது நீர் குடித்து அதில் சிந்தி அதில் வழுக்கி விழுந்தது....

நான் அமைதியாக பார்த்துக்கொண்டிருந்தேன் அவனுக்கே சிரிப்பு வந்துவிட்டது.... மறந்து வைத்துவிட்டேன் என்று சொன்னான்..

உண்மையே குழந்தைகளை அடிக்காமல் கண்டிக்காமல் அன்பால் சரி செய்ய முயற்சித்தால் அருமையான குழந்தை நாளை நாட்டையே கூட ஆளலாம் யாருக்கு தெரியும் புன்னகை

அன்பு நன்றிகள் பயனுள்ள பகிர்வு பகிர்ந்தமைக்கு அன்பு அஸ்லி...

உதயசுதா · உதயசுதா Thu Jun 10, 2010 11:48 pm

பயனுள்ள கட்டுரை அஸ்லி.பகிர்ந்ததுக்கு நன்றி

கலைவேந்தன் · கலைவேந்தன் Fri Jun 11, 2010 12:34 am

அருமையான கட்டுரை அஸ்லி...பகிர்ந்தமைக்கு நன்றிகள் தங்கச்சி...!

கலைவேந்தன் · கலைவேந்தன் Fri Jun 11, 2010 12:39 am

இபானேஷ் ராஜின் குறும்பை முன்பே அறிந்திருந்தாலும் மிகவும் ரசித்தேன் மஞ்சு...!

எப்படி இபானேஷ் போன்ற புத்திசாலி பிள்ளை.... அது வும் உனக்கு....?

ஹிஹி....

மஞ்சுபாஷிணி · மஞ்சுபாஷிணி Fri Jun 11, 2010 2:44 am

கலை wrote:இபானேஷ் ராஜின் குறும்பை முன்பே அறிந்திருந்தாலும் மிகவும் ரசித்தேன் மஞ்சு...!

எப்படி இபானேஷ் போன்ற புத்திசாலி பிள்ளை.... அது வும் உனக்கு....?

ஹிஹி....

அட எங்க அம்மா சொல்வதையே நீயும் எப்படி சொல்றே கலை? இபானுக்கு அம்மா அப்பாவாய் இருக்க நீங்க லாயக்கே இல்லன்னு நல்ல்ல்ல்ல்லா டோஸ் விடுவாங்க அம்மா... பொய் பேசக் கூடிய குழந்தைகளை அதிகமாக விமர்சிக்காதீர்கள் - Page 2 838572