அறிவுத்துறை ஈடுபாடு

எஸ்.அஸ்லி · எஸ்.அஸ்லி Sun Apr 04, 2010 7:56 pm

இஸ்லாத்தின் தோற்றக் காலத்தில் ஆண்கள் மார்க்க விவகாரங்களில் கூடுதலாகப் பணியாற்றியதையும் அல் குர்ஆனை ஒன்று திரட்டுதல் அதனை மனனமிடுதல், நபி (ஸல்) அவர்களது ஹதீஸ்களை அறிவிப்புச் செய்தல் போன்ற அறிவுப் பணிகளில் ஈடுபடுவதையும் கவனித்த முஸ்லிம் பெண்கள், இத்துறையில் ஆர்வம் கொள்ளலாயினர். ஆண்கள் தமக்கென்று அல்குர்ஆன் வசனங்களை எழுதி வைத்துக் கொள்வது போன்றே ஆயிஷா (ரலி), ஹப்ஸா (ரலி), உம்மு ஸல்மா (ரலி) போன்றோர் தமக்கென முஸ்ஹப் (குர்ஆன்)களை வைத்துக் கொண்டனர்.

எஸ்.அஸ்லி · எஸ்.அஸ்லி Sun Apr 04, 2010 7:56 pm

பல பெண் நபித்தோழியர்கள் நபியவர்களிடமிருந்து ஏராளமான ஹதீஸ்களை அறிவிப்புச் செய்துள்ளனர். ஆயிஷா (ரலி) அவர்கள் 2000 க்கும் அதிகமான ஹதீஸ்களை அறிவித்துள்ளதாக இமாம் நவவி குறிப்பிடுகின்றார். இமாம் புஹாரீ, அஸ்மா பின்த் அபூபக்கர் (ரலி) இடமிருந்து பதினாறு ஹதீஸ்களைப் பதிந்துள்ளார்கள். பெண் நபித்தோழியர்களிடம் பல அறிஞர்கள் மாணவர்களாக இருந்து மார்க்க விவகாரங்கள் பற்றி அறிவைப் பெற்றிருக்கின்றனர்.

எஸ்.அஸ்லி · எஸ்.அஸ்லி Sun Apr 04, 2010 7:57 pm

புகழ் பெற்ற வரலாற்றாசிரியர் இப்னு அஸாகிரின் ஆசிரியர்களாக எழுபது பெண்கள் இருந்ததாக இப்னு அஸாகிரின் வாழ்க்கை வரலாற்றை எழுதிய அறிஞர் யாகூத் குறிப்பிடுகிறார்.

பல முஸ்லிம் பெண்கள் கற்பித்தல் துறையில் ஈடுபாடுடையவர்களாக இருந்துள்ளனர். இந்த வகையில் ஆண்களில் பலர் இவர்களிடம் மாணவர்களாக இருந்துள்ளனர். உம்முல் முஅய்யித் ஸைனப் எனும் பெண்மணி பெரும் அறிஞராக இருந்தவர். இவர் தனது மாணவரான வரலாற்றாசிரியர் இப்னு கல்லிகானுக்கு 'இஜாஸா" (கல்விச் சான்றிதழ்) வழங்கினார்

எஸ்.அஸ்லி · எஸ்.அஸ்லி Sun Apr 04, 2010 7:57 pm

நபீஸா எனும் அலி (ரலி) அவர்களின் சந்ததியில் தோன்றிய பெண்மணியிடமிருந்து இமாம் ஷாபிஈ எகிப்துக்குச் சென்ற போது ஹதீஸ்களைப் பெற்றுள்ளார். இவ்வாறு முஸ்லிம் பெண்கள் வரலாற்றில் அறிவுப் பணியில் ஈடுபாடுடையவர்களாக இருந்திருப்பதைக் காணலாம். ஆனால் தற்கால முஸ்லிம் பெண்கள் தமது வாழ்வுக்கவசியமான அடிப்படை மார்க்க அறிவைப் பெறுவதில் கூட சிரத்தையற்றிருப்பதைக் காண முடிகிறது. பெண்களுக்கென்றே பிரத்யேக மார்க்க போதi நடத்தப்படும் ஏற்பாடுகள் செய்யப்படல் வேண்டும். வீண் வெட்டிப் பேச்சுக்களில் ஈடுபாடு காட்டுவது கிராமப்புற முஸ்லிம் பெண்களது பொதுவான மரபாக இருந்து வருவது கவலைக்குரியது. எனவே, மஸ்ஜிதுகளினூடாக பெண்களுக்கான மார்க்க போதனைகள் நடத்தப்படுவதும் அறிவு பெறத் தூண்டுவதும் அவிசயமானதாகும். வானொலி, தொலைக் காட்சி, நூல்கள், சஞ்சிகைகளினூடாகவும் இதற்கான ஒழுங்குகள் திட்டமிட்டு மேற்கொள்ளப்படுவது காலத்தின் தேவையாகும்.

Sponsored content · Sponsored content

அறிவுத்துறை ஈடுபாடு

அறிவுத்துறை ஈடுபாடு

Re: அறிவுத்துறை ஈடுபாடு

Re: அறிவுத்துறை ஈடுபாடு

Re: அறிவுத்துறை ஈடுபாடு

Re: அறிவுத்துறை ஈடுபாடு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக