மாரடைப்பால் துடிப்பவரை பிழைக்க வைக்கலாம்!

**ரிபாஸ்** · **ரிபாஸ்** Sun Apr 04, 2010 5:24 pm

மாரடைப்பால் துடிப்பவரை பிழைக்க வைக்கலாம்!

மருத்துவ ஆய்வில் தகவல்
பொதுவாக மாரடைப்பால்
பாதிக்கப்படுபவர்களின் உடல் குளிர்ந்துவிடும். அதன் பிறகு அவர்களின்
இதயத்துடிப்பு அடங்கி உயிரிழந்து விடுவார்கள். தற்போது அவ்வாறு
ஏற்பட்டாலும்கூட பாதிக்கப்பட்டவர்களை உயிர் பிழைக்க வைக்கமுடியும் என
மருத்துவ ஆய்வில் கண்டுபிடிக்கப்பட்டுள்ளது. மாரடைப்பு ஏற்பட்டவுடன்,
பாதிக்கப்பட்ட நபரின் மூக்கின் வழியாக "ரினோசில்" என்ற புதிய கருவியின்
மூலம் மூளையில் சிறிய அளவில் குளிர்ச்சியை ஏற்படுத்தி நின்றுவிட்ட இதயத்தை
மீண்டும் மருத்துவக் குழுவினர் இயங்க வைத்தனர்.

இந்த மருத்துவ
ஆராய்ச்சியை ஸ்டாக்ஹோமைச் சேர்ந்த மருத்துவ பேராசிரியர் மாரட்கேஸ்டிரனும்,
அவரது குழுவைச் சேர்ந்தவர்களும் மேற்கொண்டனர்.
ஐரோப்பாவிலுள்ள 14
வைத்தியசாலைகளில் மாரடைப்பால் பாதிக்கப்பட்டு சேர்க்கப்பட்டிருந்த 200
பேரிடம் இந்த ஆய்வை மேற்கொண்டனர். இவர்களில் 182 பேர் உயிர் பிழைத்தனர். 18
பேரை மட்டும் அவர்களால் காப்பாற்ற முடியவில்லை.