நபி மொழி தொகுப்பு நற்சிந்தனை -3

சபீர் · சபீர் Sat 20 Mar 2010 - 15:40

நபிகள் நாயகம் (ஸல்) அவர்கள் கூறினார்கள்:

“பகரம் செய்யும் வகையில் உறவைப் பேணக்கூடியவன் முழுமையாக உறவைப் பேணுபவன் அல்லன். பிற உறவினர்கள் தொடர்பறுத்துக் கொண்டாலும், அவர்களுடன் தொடர்பை ஏற்படுத்திக் கொண்டு அவர்களுடைய உரிமையை நிறைவேற்றுபவனே முழுமையான உறவுகளைப் பேணுபவன் ஆவான்.”(புகாரி)

விளக்கம் :

தன்னிடம் தன் உறவினர்கள் நல்லவிதமாக நடந்து கொண்டதற்குப் பகரமாக ஒருவன் நல்லவிதமாக நடந்து கொள்வது முழுமையான நன்னடத்தையின் உண்மை நிலை அல்ல. உறவினர்கள் தன் உறவைத் துண்டித்துக் கொண்டிருந்தும் அவர்களுடன் இணைந்திட முயல்பவன், மேலும், அவர்கள் தனது உரிமையை நிறைவேற்றாவிட்டாலும் அவர்களின் உரிமையை நிறைவேற்றுபவனே மிக அதிகமான உறவைப் பேணக்கூடியவன் ஆவான். இவ்வுயர்க்குணம் முழுமையான இறையச்சமின்றி சாத்தியப்படாது.

அறிவிப்பாளர் : அப+ஹ{ரைரா (ரலி)

ஒரு மனிதர் அண்ணல் நபி (ஸல்) அவர்களிடம் கூறினார்கள்:“அல்லாஹ்வின் தூதரே! எனக்குச் சில உறவினர்கள் இருக்கிறார்கள். அவர்களுடைய உரிமைகளை நான் நிறைவேற்றுகின்றேன். அவர்கள் என் உரிமைகளை நிறைவேற்றுவதில்லை. நான் அவர்களுடன் நல்லவிதமாக நடந்து கொள்கின்றேன். அவர்கள் என்னுடன் மோசமாக நடந்து கொள்கிறார்கள். நான் அவர்களுடன் பொறுமையோடும் சகிப்புத் தன்மையோடும் நடந்து கொள்கிறேன். அவர்கள் என்னுடன் அறிவீனமாக நடந்து கொள்கிறார்கள்.” அதற்கு நபி (ஸல்) அவர்கள் நவின்றார்கள்: “நீர் சொல்வதைப் போன்றே அவர்களுடன் நடந்து கொண்டிருந்தால், அது அவர்களின் முகத்தில் கரி ப+சுவது போன்றதாகும். அல்லாஹ் அவர்களுக்கு எதிராக எப்போதும் உமக்கு உதவிய வண்ணம் இருப்பான், நீர் இதே பண்பில் நிலைத்திருக்கும் வரை!”(முஸ்லிம்)

**ரிபாஸ்** · **ரிபாஸ்** Tue 1 Jun 2010 - 11:51

மன்னிக்க வேண்டும் தாமதத்துக்கு அருமையான தொகுப்பு நண்பா மேலும் தொடருங்கள்

மஞ்சுபாஷிணி · மஞ்சுபாஷிணி Tue 1 Jun 2010 - 11:59

மிக அருமை சபீர்....

நல்லவரல்லாதவரிடமும் நல்லவராய் அதே அன்போடு இருக்க முயலனும் என்பதை மிக அழகாய் விளக்கிய பகிர்வு இது....

தெய்வத்திற்கே ஒப்பானவராகிறார் இப்படி நடந்துக்கொள்வதால்....

அன்பு நன்றிகள் சபீர் பகிர்ந்தமைக்கு...

Sponsored content · Sponsored content

நபி மொழி தொகுப்பு நற்சிந்தனை -3

நபி மொழி தொகுப்பு நற்சிந்தனை -3

Re: நபி மொழி தொகுப்பு நற்சிந்தனை -3

Re: நபி மொழி தொகுப்பு நற்சிந்தனை -3

Re: நபி மொழி தொகுப்பு நற்சிந்தனை -3

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக