மலேசியாவில் மாமாக் கடைகள் மறைந்து போகுமா?

வேலையின்போதும் ஓய்வாக இருக்கும்போதும் மாமாக் கடைக்குச் சென்று ஒரு‘தே தாரிக்’ அடிப்பது மலேசியரின் வாழ்க்கைமுறையாகி விட்டது.

இந்த வழக்கம் இன்னும் எவ்வளவு காலத்துக்கு? அரசாங்கம் அந்நிய தொழிலாளர் விசயத்தில் விடாப்பிடியாக இர்க்குமானால், மாமாக் கடைகளும் அவற்றுடன் ‘தே தாரிக்’கும் மறைந்து போகலாம்.

கடந்த ஆண்டு ஜனவரியில், சேவைத்துறையிலும் தியாரிப்புத் துறையிலும் வெளிநாட்டுத் தொழிலாளர்கள் வேலை செய்வதற்கு அரசு தடை விதித்தது. அத்தடைவிதிப்பு இன்னமும் நடைமுறையில் உள்ளது.

ஐந்தாண்டுகளுக்குமேல் வேலை செய்யும் வெளிநாட்டுத் தொழிலாளர்களின் வேலை அனுமதியை மேலும் நீட்டிப்பதில்லை என்ற கொள்கையும் கடைப்பிடிக்கப்படுகிறது..

அரசாங்கத்தின் இந்த நடவடிக்கையை முதலில் வரவேற்ற மலேசிய முஸ்லிம் உணவக உரிமையாளர்கள் சங்கம் (பிரிஸ்மா) இதனால் நாடு முழுவதுமுள்ள அதன் 6,000 உணவகங்களில் ஏற்படும் தொழிலாளர் பற்றாக்குறையைச் சமாளிக்க உள்நாட்டவர் 25,000 பேரை வேலைக்கு அமர்த்தவும் முன்வந்தது.

ஆனால். ஓராண்டாகியும் மாமாக் கடைகளில் வேலை செய்ய முன்வருவோர் எண்ணிக்கை 250-ஐத் தாண்டவில்லை என்று சங்கத்தின் துணைத் தலைவர் காதர் ஷா அப்துல் ரசாக் மலேசியாகினியிடம் தெரிவித்தார்.

“நாங்கள் எங்களால் முடிந்தவரை முயன்றோம். ஆனால், உள்நாட்டவர் எங்கள் கடைகளில் வேலை செய்ய விரும்பவில்லை”, என்று காதர் ஷா கூறினார்.

இப்போது தங்கள் தொழிலே ஆட்டம் கண்டிருப்பதாக அவர் குறிப்பிட்டார்.

“அரசாங்கம் மறுபரிசீலனை செய்யாவிட்டால், எங்கள் முதலீடு எல்லாம் விரயமாகிவிடும்”.

உள்ளூர்க்காரர்கள் மாமாக் கடைகளில் அல்லது நாசி காண்டார் கடைகளில் வேலை செய்வதைவிட விரைவு உணவகங்களில் வேலை செய்வதைத்தான் விரும்புகிறார்கள்.

இந்நிலை தொடருமானால் இன்னும் ஓராண்டுக்காலத்தில் அதன் உணவகங்களில் பல, மூடப்படும் அபாயம் இருப்பதாக அவர் எச்சரித்தார்.

இப்படிப்பட்ட இக்கட்டான நிலைக்குத் தள்ளப்பட்டிருக்கும் உணவகங்களில் ஒன்று பங்சாரில் உள்ளது. ஐந்தாண்டுகளுக்குமேல் வேலை செய்யும் அதன் ஏழு பணியாளர்களின் வேலை அனுமதி அடுத்த மூன்றிலிருந்து ஆறு மாதங்களில் முடிவுக்கு வரும்.

அவர்களின் இடத்தில் உள்ளூர் ஆட்களை வேலைக்கு அமர்த்த அதன் உரிமையாளர் கடுமையாக முயன்றும் பலன் இல்லை.

“வேலைக்கு ஆள் தேவை என்று அறிவிப்புப் போட்டு இரண்டு வாரமாகிறது. ஒருவரும் வரவில்லை”, என்று வருத்தம் கொண்டிருக்கிறார் அவர்.

பணியாளர்களுக்கு ரிம800 சம்பளமும் உணவும் தங்கும் இடமும் ஏற்பாடு செய்துகொடுக்கிறார் அவர். இருந்தும் எவரும் அதில் ஆர்வம் காண்பிக்கவில்லை.

பிரிக்பீல்ட்ஸில் உள்ள ஒரு மாமாக் கடையும் இதே பிரச்னையை எதிர்நோக்குகிறது.

அதன் கண்காணிப்பாளரான சுலைமான், கடையின் 20 பணியாளர்களில் பாதிப்பேர் இந்தியாவிலிருந்து வந்தவர்கள் என்றும் அவர்களில் ஐவர் வேலை அனுமதி காலாவதியானதால் திரும்பிச் சென்றுவிட்டனர் என்றும் கூறினார்.

“எஞ்சியுள்ள இன்னும் ஐந்து பேர் ஒன்றிலிருந்து மூன்றாண்டுகள் வரை இருப்பார்கள் என்பதால் இப்போதைக்கு பெரிய பிரச்னை இல்லை.ஆனால், வேலைத்தான் கடுமையாக உள்ளது”, என்றாரவர்.

உள்ளூர் ஆட்களின் வேலையும் திருப்திகரமாக இல்லை, அத்துடன் வெளிநாட்டுத் தொழிலாளர்களைக் காட்டிலும் இவர்களுக்கு ரிம300-இலிருந்து ரிம500 வரை கூடுதலாகவும் கொடுக்க வேண்டியுள்ளது என்று அவர் சொன்னார்.

பங்சாரில் உள்ள ஒரு ‘நாசி சம்போர்’கடையின் உரிமையாளர் காக் வதி. அவரின் 16 பணியாளர்களில் 14 பேர் வங்காள தேசம், இந்தோனேசியா, தாய்லாந்து ஆகிய நாடுகளைச் சேர்ந்தவர்கள்.

உள்நாட்டவரை வேலைக்கு வைத்துக்கொள்வதுதான் நல்லது என்றாலும் வெளிநாட்டுத் தொழிலாளர்களுக்குத் தடைப்போடும் கொள்கையைத் தாம் எதிர்ப்பதாகக் கூறினார்.

“எங்களின் இந்தோனேசிய ஊழியர்கள் கடும் உழைப்பாளிகள்.உள்ளுர் ஆட்கள் கடுமையாக உழைக்கத் தயாராக இல்லை. அவர்களை வேலைக்கு வைத்தால், சில நாள் இருந்துவிட்டு மறைந்து விடுகிறார்கள்”, என்றாரவர்.

இந்நிலை தொடருமானால், எதிர்காலத்தில் தமக்கும் பிர்சனை உண்டாகலாம் என்றவர் குறிப்பிட்டார்.

கடந்த மாதம், மலேசிய இந்திய வர்த்தக, தொழிலியல் சங்கச் சம்மேளன (மைக்கி)த் தலைவர் கே.கே.ஈஸ்வரன், சங்க உறுப்பினர்களிடம் வேலை செய்யும் 90,000 வெளிநாட்டுத் தொழிலாளர்களின் வேலை அனுமதி நீட்டிக்கப்பட வேண்டுமென்று அரசுக்கு வேண்டுகோள் விடுத்தார்..

அந்த வேண்டுகோளைப் பரிசீலிப்பதாக பிரதமர் நஜிப் அப்துல் ரசாக்கும் கூறினார். ஆனால், அதிகாரிகளுடன் நடைபெறும் பேச்சுக்கள் அதிகம் நம்பிக்கை தரவில்லை என்கிறார் காதர் ஷா.

இந்தப் பிரச்னை, மாமாக் கடைகளுக்கும் மட்டும் உரியது என்று சொல்ல முடியாது. பர்மியர்களையும் தாய்லாந்துக்காரர்களையும் வேலை வைத்துள்ள சீனர் உணவகங்களும் மற்றவர்களின் உணவகங்களும்கூட இப்பிரச்னையை எதிர்நோக்குகின்றன.

" தே தாரிக் " இது என்ன தல ??

தகவல்க்கு நன்றி

பிச்ச wrote:

ஏன் பிச்ச சோகம் அந்த ஏரியாவில் எதுவும் கிடைக்க வில்லையா இல்லை அந்த கடையில் எதுவும் போட வில்லையா

" தே தாரிக் " இது என்ன தல ??
ராஜா.....
இது டி தான் ஆனால் ரொம்ப னல்லா இருக்கும்

ராஜா wrote:" தே தாரிக் " இது என்ன தல ??

தமிழ்ல Tea -ன்னு சொல்லுவாங்க தல!

சிவா wrote:

ராஜா wrote:" தே தாரிக் " இது என்ன தல ??

தமிழ்ல Tea -ன்னு சொல்லுவாங்க தல!

இப்படி புரியுற மாதிரி டமில்ல சொல்ல வேண்டியது தானே.

ஆனால். ஓராண்டாகியும் மாமாக் கடைகளில் வேலை செய்ய முன்வருவோர் எண்ணிக்கை
250-ஐத் தாண்டவில்லை என்று சங்கத்தின் துணைத் தலைவர் காதர் ஷா அப்துல்
ரசாக் மலேசியாகினியிடம் தெரிவித்தார்.
நம்ம நாட்டு ஆளுங்க அங்க போயி.....

வேலை இருந்தும் வேலைக்கு போக மாட்டேங்குறாங்க அவ்வளவு கஷ்டமான வேலை 800 ரிம க்கு யரு போவாஙக