சானியாமிர்சா இனி இந்தியரே அல்ல..! – பால்தாக்கரே கொதிப்பு..!

mohan-தாஸ் · mohan-தாஸ் Sun Apr 04, 2010 10:14 am

First topic message reminder :

சானியாமிர்சா இனி இந்தியரே அல்ல..! – பால்தாக்கரே கொதிப்பு..! - Page 3 Tu_9982

ஒரு பச்ச மண்ணை இன்னும் எத்தனை பேர்தான் இப்படி மிதிப்பார்களோ தெரியவில்லை..? டென்னிஸில் வேகமாக வரும் சர்வீஸ் பந்துகளைக்கூட சானியா சமாளித்திருப்பார். ஆனால் பாவம்.. இந்த அரசியல்வாதிகள், மதவாதிகளை எப்படி சமாளிக்கப் போகிறாரோ தெரியவில்லை...

பாகிஸ்தான் என்றவுடன் சுடுதண்ணியைக் காலில் ஊற்றிக் கொணடு பதைபதைக்கும் இந்தியாவின் கலாச்சாரக் காவலன் சிவசேனா, சானியாவின் கல்யாண அறிக்கையைப் பார்த்து கோபமானதில் ஆச்சரியமில்லைதான்.

வழக்கம்போல சிவசேனா தலைவர் பால்தாக்கரே இது தொடர்பாக `சாமனா` பத்திரிகையில் நேற்று தலையங்க கட்டுரை எழுதி உள்ளார். அதில் சானியாவை வறுத்து எடுத்திருக்கிறார்.

“சானியா இனி இந்தியப் பெண்ணே அல்ல. அவர் இதயத்தால் ஒரு இந்தியர் என்றால், அவரது இதயம் ஒரு பாகிஸ்தானியருக்காக துடித்திருக்காது. அவர் இந்தியாவுக்காக விளையாட விரும்புகிறார் என்றால் அவர் ஒரு இந்தியரைத்தான் வாழ்க்கைத் துணைவராக தேர்ந்தெடுத்திருக்க வேண்டும்.

அவர் டென்னிஸ் மைதானத்தில் வெற்றி பெற்று பிரபலமானதைவிட, குட்டைப் பாவாடை, இறுக்கமான மேல்சட்டை அணிந்தும், பேஷன் மற்றும் காதல் விவகாரங்களாலும்தான் பிரபலமானார். மக்களுக்கு அவரது விளையாட்டைவிட அவரது அசைவுகளில்தான்(மேனரிசம்) அதிக கவனம் இருக்கிறது.

சோயிப்பை பொருத்தமட்டில் அவர் இந்தியாவின் எதிரி. விளையாட்டில் மட்டுமல்ல. போர்க்களத்திலும்தான். சோயிப்பின் இந்திய லீலைகள் பற்றி பலவாறாக நாம் கேள்விப்படுகிறோம். திருமணம் செய்து கொள்கிறேன் என்று அவர் பல பெண்களுக்கு வாக்கு கொடுத்திருக்கிறார்.

லதாமங்கேஷ்கர் போன்ற ஒரு பாடகிக்குக்கூட பாகிஸ்தானிய விசா கிடைப்பது எவ்வளவு அரிதாக இருக்கிறது. ஆனால் சானியா குடும்பத்தினருக்கு இவ்வளவு துரிதமாக விசா வழங்கி இருக்கிறார்கள் என்பதை நினைத்தால் வியப்பாகத்தான் இருக்கிறது..” என்று தனது பாராட்டை பத்தி பத்தியாக எழுதியிருக்கிறார் பால்தாக்கரேஜி..!

தடைகளைத் தாண்டி ஜெயிப்பதில்தான் காதலின் சுவையே இருக்கிறது.. சானியா தாண்டிரும்மா..!