இரு சக்கர வாகனங்களுக்கு நீண்ட கால காப்பீடு

pgasok · pgasok Sat Apr 03, 2010 1:22 am

வாகனங்களுக்கு நீண்ட
கால காப்பீடு வசதி அளிக்கும் திட்டம்
விரைவில் அறிமுகப்படுத்தப்பட
உள்ளது. மூன்று ஆண்டுகள் அல்லது ஐந்தாண்டுகள் வரை காப்பீடு
பெறும் வசதி விரைவில் அறிமுகமாகும் என்று பொது காப்பீடு கவுன்சில் (ஜிஐசி)
பொது செயலாளர் எஸ்.எல். மோகன் தெரிவித்துள்ளார்.
பொது காப்பீடு
நிறுவனங்களின் கூட்டமைப்பு ஜெனரல் இன்ஷ்யூரன்ஸ் கவுன்சில். இதன் செயலாளர்
எஸ்.எல் மோகன் கூறும் போது, வாகனங்களுக்கு ஆண்டுதோறும் காப்பீடு பிரீமியம்
செலுத்த வேண்டியுள்ளது. குறிப்பாக இருசக்கர வாகன ஓட்டிகள் வாகன காப்பீடு செய்வதை
அதிக அளவில் தவிர்க்கின்றனர்.

காப்பீடு நிறுவன
முகவர்களும் இருசக்கர வாகன காப்பீடு
புதுப்பிப்பதில் ஆர்வம்
காட்டுவதில்லை. ஏனெனில் இதற்கான முகவர்களுக்கு கிடைக்கும் கமிஷன் மிக
குறைவாக இருப்பதே. அத்துடன் இரு சக்கர வாகனங்களின்
காப்பீடு பிரிமியம் வருவாயும் குறைவாக இருப்பதால், காப்பீடு நிறுவனங்களும்
அக்கறை செலுத்துவதில்லை. இதனால் காப்பீடு செய்து கொள்ளாத வாகனங்களின் எண்ணிக்கை
அதிகரித்து வருகிறது.ே இதைத் தவிர்க்க இருசக்கர வாகனக் காப்பீட்டை
ஐந்தாண்டுகளுக்கு வழங்குவது குறித்து பரிசீலிக்கப்படுகிறது.
காப்பீடு பிரிமியம் ஆலோசனை
குழுவின் புள்ளி விபரங்களின் படி, 2007-08 நிதி ஆண்டு வரை 2.5 கோடி
வாகனங்கள் மட்டுமே காப்பீடு செய்யப்பட்டுள்ளது. ஆனால் வாகன
உற்பத்தியாளர்கள் வெளியிட்டுள்ள புள்ளி விபரங்களின் படி கடந்த 7 ஆண்டுகளில்
4.5 கோடி வாகனங்கள் விற்பனையாகியுள்ளன. வருடத்திற்கு சராசரியாக 75 லட்சம்
இரு சக்கர வாகனங்கள் விற்பனையாகிறது. இந்த நிதி ஆண்டில் இது வரை 84 இரு
சக்கர வாகனங்கள் விற்பனையாகி உள்ளன என தெரிய வருகிறது என்று தெரிவித்தார்.