பிரபாகரன் வீடு சிங்களவர்களால் உடைப்பு!

பிரபாகரன் வீடு சிங்களவர்களால் உடைப்பு!




விடுதலைப்புலிகளின் தலைவர் பிரபாகரனின் வல்வெட்டித்துறையில் அமைந்துள்ள வீட்டை திட்டமிட்ட முறையில் உடைத்து அழிக்கும் நடவடிக்கைகள் முன்னெடுக்கப்பட்டு வருவதாக தகவல்கள் வெளியாகி உள்ளன. இது குறித்து இலங்கை தமிழர் ஆதரவு இணையதளங்களில் கூறப்பட்டுள்ளதாவது,


போர் நடைபெற்ற காலத்திலும், அதன் பின்னரும் அந்த பிரபாகரனின் வீட்டினை மிகப்பெரிய பொக்கிசமாகவே தமிழ் மக்கள் மதித்து வந்தார்கள். போருக்குப் பின்னர் யாழ்ப்பாணத்திற்கு செல்கின்ற தென்பகுதி மக்கள் அனைவரும் வல்வெட்டித்துறைக்குச் சென்று அந்த வீட்டில் இருந்து மண் எடுத்துச் செல்வதும், புகைப்படம் எடுத்துச் செல்வதுமான செயற்பாடுகள் இடம்பெற்று
வந்தன.


இந்த நிலையில் கடந்த சில நாட்களாக இரவு வேளைகளில் வீட்டினை உடைக்கும் நடவடிக்கை இடம்பெற்றுவருவதாக தகவல்கள் தெரிவிக்கின்றன.



தமிழர் தாயகத்தில் ஆக்கிரமிப்பு நடவடிக்கையின் தொடர்ச்சியாக, தமிழர் தாயகத்தில் உள்ள மாவீரர் நினைவாலயங்கள் அனைத்தும் சிங்களப் படைகளால் அழிக்கப்பட்டன.


கிழக்கு மாகாணத்தில் அழிக்கப்பட்ட மாவீரர் துயிலும் இல்லங்களில் இராணுவ நிலையங்களும், தென்னைத் தோட்டங்களும் அமைக்கப்பட்டன.



இதனை விடவும் வன்னியில் துயிலுமில்லங்களை அழித்ததுடன், அவற்றில் சிலவற்றில் இருந்து மண் அகழ்வுகளும் மேற்கொள்ளப்பட்டு வீதிப் புனரமைப்பிற்கு அந்த மண் பயன்படுத்தப்பட்டுள்ளன.



வன்னியில் அழிக்கப்பட்ட துயிலும் இல்லங்களுக்கு மேலாக விடுதிகளை அமைப்பதற்கான முனைப்புகள் முன்னெடுப்படுவதாக வன்னித் தகவல்கள் தெரிவிக்கின்றன.



இதனைவிட யாழ்ப்பாணம், வன்னிப் பகுதிகளில் காணப்படும் தமிழீழ விடுதலைப் போராட்டத்தின் நினைவுச் சின்னங்கள், தூபிகள், நினைவிடங்கள் அனைத்தும் சிங்களப் படையினரால் அழிக்கப்பட்டு சர்வதேச போரியல் தர்மங்களை மீறி அவர்களது காடைத்தனங்கள் வெளிப்படுத்தப்பட்டுவருவதாக
தமிழர்கள் குமுறலுடன் தெரிவித்து வருகின்றனர்.

இதெல்லாம் ஏற்கனவே எதிர்பார்தது தானே.............,

செத்த பாம்பை அடிக்கிற கூட்டம்.

பிரபாகரனின் கால் பட்ட மண்ணுக்குகூட வீரம் உண்டு என்ற
பயத்தால் விளைந்த செயல் இது

ராஜா wrote: இதெல்லாம் ஏற்கனவே எதிர்பார்தது தானே.............,

ஏன் இப்படி உள்ளார்கள்

manoj_23 wrote:பிரபாகரனின் கால் பட்ட மண்ணுக்குகூட வீரம் உண்டு என்ற
பயத்தால் விளைந்த செயல் இது

இதெல்லாம் ஏற்கனவே எதிர்பார்தது தானே.............,

மரத்தால் விழுந்தவனை மாடு மிதித்த கதை
இச் செயலால் யாருக்கு என்ன பயன்

mohan-தாஸ் wrote:பார்ப்போம் எவ்வளவுதான் அவர்கள் செய்தாலும் உள்ளத்தில் கட்டி இருக்கும் மாளிகையை உடைக்க முடியுமா என்று

மிகச்சரியாக சொன்னீர்கள் தல...!

mohan-தாஸ் wrote:பார்ப்போம் எவ்வளவுதான் அவர்கள் செய்தாலும் உள்ளத்தில் கட்டி இருக்கும் மாளிகையை உடைக்க முடியுமா என்று