கொலம்பஸ்சுக்கு ஏன் விருந்து?

gayathiri · gayathiri Fri 2 Apr 2010 - 10:21

மேற்கிந்தியத் தீவுகளைக் கண்டறிந்ததன் மூலம் அமெரிக்க கண்டத்தையும்
கண்டுபிடித்தார்
கொலம்பஸ், அவருக்கான விருந்து உபசரிப்பு ஒன்றுக்கு ஏற்பாடு செய்யப்பட்டது.இதில் பெறாமை கொண்ட ஒருவர், ‘கொலம்பஸ் அப்படியென்ன சாதனை செய்து விட்டார்?
கடலில்
போனார், காற்றடித்தது; எங்கோ கரையில் ஒதுங்கினார்; அது, புதிய நிலப்பரப்பு
அவ்வளவுதானே?” என்று கேலி செய்தார். அதைக் கேட்ட கொலம்பஸ் அவரிடம் முட்டை
ஒன்றை
நீட்டி, “இந்த மேசையின் மீது இதை செங்குத்தாக நிறுத்துங்கள் பார்க்கலாம்”
என்றார்.முட்டையை கையில் வாங்கிக் கொண்டவரால் அதை மேசையில் நிறுத்த முயன்றார்.
முடியவில்லை
பலமுறை முயன்றும் முட்டையை நிறுத்த முடியாமல் தவித்தார்.அதைக் கண்டு சிரித்தபடி அவரிடமிருந்து முட்டையை வாங்கிய கொலம்பஸ், அதன்
கூர்மைப்
பகுதி மேசையின் மீது லேசாகத் தட்ட முட்டையில் ஓட்டுப்பகுதியில் சின்னதான
பள்ளம்
விழுந்தது. இந்த பள்ளத்தை ஆதாரமாகக் கொண்டு முட்டையை மேசையில் செங்குத்தாக
நிறுத்தினார் கொலம்பஸ்.அந்த நபருக்கு ஆச்சரியம் ஆனாலும் அதை வெளிக்காட்டிக் கொள்ளாமல், “அட...
இதென்ன
பிரமாதம்? நானும் தான் இதைச் செய்திருப்பேன்” என்று பொருமினார்.“இப்படித்தான்.. எந்த வொரு காரியத்தையும் நாமாகச் செய்யும்போது எந்த
வழியும்
கிடைக்காது. மற்றவர்கள் செய்து முடித்ததும், அட... இது சுலபமாச்சே! என்று
தோன்றும்”
என்று அமைதியாகச் சொன்னார் கொலம்பஸ். அந்த நபர் வாயடைந்து நின்றார்.