பிறகேன் இத்தனை வாதம்?

சண்முகம்.ப · சண்முகம்.ப Mon Jan 27, 2020 10:13 am

மனிதனைப் போலே உருவம் கொண்டக்

கடவுள் பலரைப் படைத்தோம்;

ஆளாளுக்கு ஒருபுத்தகத்தைக்

கடவுள் வாக்கெனப் படித்தோம்;

ஒன்றாய் இருந்த மனிதகுலம் நாம்

மதமென இனமெனப் பிரிந்தோம்;

மதங்களின் போதனை அன்பே என்ற

மூல உண்மையை மறந்தோம்!

உன்னையும் போலே பிறரையும் நேசி

என்றார் அண்ணல் ஏசு;

ஒன்றே கடவுள் அனைவரும் ஓர்குலம்

என்றார் நபிகள் அன்று;

ஒன்றே உண்மை பெயர்கள் பலவென

சொன்னது நம் ரிக் வேதம்;

மூவர் சொன்னதில என்ன விரோதம்

பிறகேன் இத்தனை வாதம்?

பரந்த பூமி நிறைந்த செல்வம்

எல்லாம் உண்டு இங்கே;

பரம்பொருளை நம் வாழ்வில் உணரப்

பாதைகள் பலப்பல இங்கே;

கற்றுக் கொள்ள ஆயிரம் வழிகள்

ஆயிரம் நூல்கள் இங்கே;

ஆனாலும் ஏன் இத்தனை சண்டை

இத்தனை வெறுப்பு இங்கே?

விஞ்ஞானத்தால் அதிசயம் கோடி

கண்முன் நிகழச் செய்தோம்;

கையளவுள்ளக் கருவியின் துணையால்

உலகை தினம் வலம் வந்தோம்;

நிலவைத் தொட்டோம், வானை அளந்தோம்,

விண்ணுலகை நாம் ஆண்டோம்;

இத்தனை செய்தோம் ஒற்றுமை என்னும்

பலத்தை நாம் ஏன் மறந்தோம்?

**T.N.Balasubramanian** · **T.N.Balasubramanian** Mon Jan 27, 2020 4:50 pm

இத்தனை செய்தோம் ஒற்றுமை என்னும்

பலத்தை நாம் ஏன் மறந்தோம்?

நல்ல கேள்விதான்.
மதத்தின் பெயரால், தலைவனின்பெயரால் குளிர் காய நினைக்கும்
அடிவருடிகள் செய்கின்ற அட்டகாசம்தான்.

அருமையான கவிதை ப சண்முகம் அவர்களே.

ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

Anthony raj · Anthony raj Sun Jan 07, 2024 6:31 pm

சிந்தனை செயல் படுத்தாமல் வெறும் படிப்பு மட்டுமே. அதனால் தான் இப்படி செய்கின்றார்கள் என்று நினைக்கிறேன்

பிறகேன் இத்தனை வாதம்? 3838410834

**Dr.S.Soundarapandian** · **Dr.S.Soundarapandian** Sun Jan 07, 2024 10:42 pm

"ஏன் இத்தனை சண்டை

இத்தனை வெறுப்பு இங்கே?" - சூப்பர் ப.சண்முகம்!

"மதத்தின் பெயரால், தலைவனின்பெயரால் குளிர் காய நினைக்கும்
அடிவருடிகள் செய்கின்ற அட்டகாசம்தான்." - சூப்பர் இரமணியன் !

அண்மைக்காலத்தில் , ‘வெறுப்பு’ என்ற போக்கை நாம் அதிகமாகக் காண்கிறோம் ! மண்டையில் அடி

Sponsored content · Sponsored content

பிறகேன் இத்தனை வாதம்?

பிறகேன் இத்தனை வாதம்?

Re: பிறகேன் இத்தனை வாதம்?

Re: பிறகேன் இத்தனை வாதம்?

Re: பிறகேன் இத்தனை வாதம்?

Re: பிறகேன் இத்தனை வாதம்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக