கோவில்கள் பற்றி சில செய்திகள்

**சிவா** · **சிவா** Sun Jun 14, 2009 11:59 pm

First topic message reminder :

தோடுடை யசெவி யன்விடை யேறியோர்
தூவெண் மதிசூடிக்
காடுடை யசுட லைப்பொடி பூயென்
னுள்ளங் கவர்கள்வன்
ஏடுடை யமல ரான்முயை நாட்பணிந்
தேத்த அருள்செய்த
பீடுடை யபிர மாபுர மேவிய
பெம்மா னிவ னன்றே.
-தேவாரம்.

தமிழர்கள் பெரும்பாலோர் ”குலதெய்வ வழிபாடு” செய்வார்கள். நம் முன்னோர்களை வழிபடுவதே ”குலதெய்வ வழிபாடு”.

பண்டை காலத்தில் கோவில்கள் கீழ்காணும் வகையில் வகைப் படுத்தபட்டுள்ளன.

பெருங்கோயில் - மாடக் கோயில்

குன்றுகள் மேல் கட்டப்பட்டவை பெருங்கோயில்கள்.

கரக்கோயில்

தேரைப் போன்ற அமைப்புள்ளது.

ஞாழற் கோயில்

நறுஞ்சோலைகளின் நடுவே யமைந்தது ஞாழற்கோயில்.

இளங்கோயில்

பழமையான கோயில்களுக்கு மாறாகக் காலத்தால் பிற்பட்ட கோயில்கள் இளங்கோயில்கள்.

மணிக்கோயில்

மணிபோன்ற விமான அமைப்பைக் கொண்ட கோயில்.

கொகுடிக் கோயில்

முல்லைக் கொடிகள் படந்த சூழ்நிலையில் அமைந்தது.

ஆலக்கோயில்

ஆலமரத்தடியில் எழுந்த கோயில்கள் ஆலக்கோயில்கள்.

**சிவா** · **சிவா** Wed May 05, 2010 10:26 pm

* கும்பகோணம் அருகே உள்ள அம்மன் குடி எனும் இடத்தில் உள்ள ஸ்ரீபார்வதி உடனுறை ஸ்ரீகைலாசநாதர் ஆலயம் கிருஷ்ணராமன் எனும் மும்முடிச் சோழ பிரம்மாராயன் என்பவரால் கட்டப்பட்டது. இதற்கு ராஜராஜேச்வரம் என்றும் பெயர் உள்ளது. இவர் ராஜராஜசோழரின் அமைச்சர்.

* தஞ்சை பெரிய கோவிலைக் கட்டிய இராஜராஜ சோழரின் நமக்கையார் பெயர் குந்தவையார் . ஆழ்வார் பராந்தகன் குந்தவையார் எனப்படும் இவர். தஞ்சையில் சுந்தரசோழ விண்ணகர் ஆதுலர் சாலை எனும் மருத்துவமனையை நிறுவியுள்ளார்.

திரு அவிட்ட நட்சத்திரத்தில் பிறந்த குந்தவையர் இராசராசபுரம் என்று அழைக்கப்பட்ட தாதாபுரத்தில் (விழுப்புரம் அருகே திண்டிவனம் மாவட்டம்) ஸ்ரீரவிகுலமாணிக்கேஸ்வரர் என்ற சிவாலயத்தையும், குந்தவை விண்ணகரழ்வார் என்ற திருமால் கோயிலும் எழுப்பித்துள்ளார்.

குந்தவை பிராட்டி அதிகாரிகளுள் ஒருவர் ஐயாறள் தேவியம்மனார் . இவர் அரசி எடுத்த இரவிகுலமாணிக்க ஈஸ்வரத்தில் நந்தாவிளக்கு ஒன்று எரிக்க 90 ஆடுகளை முதற்பொருளாக வழங்கியுள்ளார்.

* பெரம்பலூர் மாவட்டம், ஏலாக்குறிச்சி எனுமிடத்தில் உள்ள கிறிஸ்துவ பேராலயம் வீரமாமுனிவரால் கட்டப்பட்டது.

* பூரி ஜகந்நாதர் ஆலயத்தில் ஜகந்நாதா, பலபத்திரா, சுபத்திரை ஆகியோர் திருமேனிகள் கைகளும், கால்களும் இல்லாமல் உடல் குறை திருமேனிகளாகப் படைக்கப்பட்டுள்ளன. மரப்பிரதிமைகள் கொண்டு அமைக்கப்பட்டுள்ளது சிலைகள்.

இந்த கோவிலில் ஜுன் - ஜுலை மாதத்தில் நடைபெறும் தேர்விழா மிகவும் பிரசித்தம் பெற்றது.

தேர்கள் ஒவ்வொரு ஆண்டும் வேப்பமரத்தாலான சட்டங்களால் உருவாக்கப்படுகின்றன. கயிறு வடங்கள் கேரளாவில் இருந்து வரவழைக்கப்படுகின்றன.

கோவில்கள் பற்றி சில செய்திகள்

கோவில்கள் பற்றி சில செய்திகள்

Re: கோவில்கள் பற்றி சில செய்திகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக