ஈரோடு அருகே பரிதாபம் 3 குழந்தையை கொன்று இளம்பெண் தற்கொ

arularjuna · arularjuna Mon Mar 29, 2010 6:14 pm

ஈரோடு, : ஈரோடு மாவட்டம் செக்குமேட்டை சேர்ந்தவர் சோமு(35). சேலம் மாவட்டம் எடப்பாடியைச் சேர்ந்த ரேவதி (30)யை காதலித்து திருமணம் கொண்டார். இவர்களுக்கு கண்ணன்(4), இரட்டையர்களான ராமன், லட்சுமணன்(2) என 3 குழந்தைகள். ஒரு ஆண்டுக்கு முன், சோமு திடீரென விஷம் குடித்து தற்கொலை செய்துகொண்டார். இதையடுத்து, பனைமரத்து தோட்டம் பகுதியில் ஒரு தோட்டத்தில் குடிசை போட்டு குழந்தைகள் மற்றும் மாமியார் நல்லம்மாளுடன் ரேவதி வசித்து வந்தார். ரேவதியும், நல்லம் மாளும் கூலி வேலைக்கு சென்று வாங்கும் கூலியைக் கொண்டு வயிற்றை அரைகுறையாகத்தான் நிரப்ப முடிந்தது. குழந்தைகளுக்கு அடிக்கடி உடல் நலக்குறைவு ஏற்பட்டதால் மருத்துவ செலவுக்கு பணமில்லாமல் திண்டாடினார் ரேவதி.

நேற்று முன்தினம் காலை ரேவதியின் கொழுந்தனார் கந்தசாமி, குழந்தைகளை பால்வாடிக்கு அழைத்து செல்வதற்காக வந்தார். உடல்நல குறைவு என்று கூறி குழந்தைகளை ரேவதி அனுப்பவில்லை. மாமியார் வேலைக்கு சென்றுவிட்டார். மாலை நல்லம்மாள் வேலை முடிந்து திரும்பியபோது, வீட்டில் யாரும் இல்லை. உறவினர் வீடுகளில் தேடியும் கிடைக்கவில்லை.இந்நிலையில், நேற்று அங்குள்ள ஒரு விவசாய கிணற்றில் ரேவதி, குழந்தைகள் கர்ணன், ராமன், லட்சுமணன் ஆகிய 4 பேரும் பிணமாக மிதந்தது கண்டுபிடிக்கப்பட்டது. ஈரோடு போலீசார் அங்கு வந்து, சடலங்களை மீட்டு நல்லம்மாளிடம் விசாரணை நடத்தினர். போதுமான வருமானம் இல்லாததால், குடும்பம் நடத்த முடியாமல் விரக்தியடைந்து, 3 குழந்தைகளை கிணற்றில் வீசி கொன்று, தானும் கிணற்றில் குதித்து ரேவதி தற்கொலை செய்துகொண்டது விசாரணையில் தெரியவந்தது. போலீசார் சென்ற சிறிது நேரத்தில் வீட்டுக்கு சென்ற நல்லம்மாள் திடீரென பூச்சிமருந்தை குடித்து மயங்கினார். அருகில் உள்ளவர்கள் மீட்டு ஈரோடு அரசு மருத்துவமனை கொண்டுசெல்லும் வழியில் அவர் இறந்தார்.

ஈரோடு அருகே பரிதாபம் 3 குழந்தையை கொன்று இளம்பெண் தற்கொ

ஈரோடு அருகே பரிதாபம் 3 குழந்தையை கொன்று இளம்பெண் தற்கொ

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக