தேனீக் கடி தெரபி: சீனாவில் திடீர் மவுசு

தேனீக் கடி தெரபி:
சீனாவில் திடீர் மவுசு

மார்ச் 28,2010,00:00 IST





பீஜிங்:தேனீ 'சுருக்'கென கொட்டினால், அலறி
அடித்துக்கொண்டு மருத்துவமனைக்கு போவதை பார்த்திருக்கிறீர்கள்; ஆனால்,
மருத்துவமனையில் தேனீயை கடிக்க வைத்து சிகிச்சை அளிக்கும் முறை, சீனாவில் பிரபலமாக
உள்ளது.சீனாவின் இந்த மருத்துவ சிகிச்சைக்கு பெயர், தேனீ கடி தெரபி; பிஜீங் உட்பட
சில நகரங்களில் இந்த சிகிச்சை முறை மிகவும் பிரபலம். அக்குபங்சர் சிகிச்சை போன்றது
இது.அக்குபங்சர் சிகிச்சையில் நோயாளியின் உடலில் சில குறிப்பிட்ட பகுதியில் மெல்லிய
ஊசிகளை குத்தி சிகிச்சை அளிக்கப்படும். தேனீ தெரபியில், தேனீயை உடலின் சில
பகுதிகளில் கொட்ட வைக்கின்றனர் டாக்டர்கள்.

இதுகுறித்து, சீனாவின் பாரம்பரிய மருத்துவ முறைகளை
பின்பற்றும் காங் தாய் பீ கிளினிக்கை சேர்ந்த வாங் ஜிங் கூறியதாவது:சீனாவின்
பாரம்பரிய மருத்துவ முறை தான் இது; 2007ல் தான் சட்டப்படி அங்கீகாரம்
அளிக்கப்பட்டுள்ளது.எலும்பு மற்றும் மூட்டு நோய்கள் உடையவர்களுக்கு, தேனீ கொட்டும்
சிகிச்சை சிறந்த பலனை தருகிறது. தேனீ கொட்டுவதன் மூலம் அதன் விஷத்தன்மை ரத்த
ஓட்டத்தில் கலந்து, அதன் மூலம் வீக்கம் மற்றும் வலி ஏற்படுவது
தடுக்கப்படுகிறது.

இந்த சிகிச்சைக்கு இத்தாலி மற்றும் வளைகுடா நாடுகளின்
தேனீயை பயன்படுத்தி உருவாக் கப்பட்ட கலப்பின தேனீ பயன்படுத்தப்படுகிறது. தேனீயின்
கொடுக்கில், 0.3 மி.கி., விஷத்தன்மை காணப்படுகிறது.தேனீயை பிடித்து, அதை நோயாளியின்
உடலில் உள்ள குறிப்பிட்ட பகுதியில் டாக்டர்கள் வரிசையாக விடுவர். பின் தேனீ அந்த
பகுதியில் கடித்துவிட்டு இறந்து விடும். அதன் கொடுக்கு, அந்த பகுதியில் எவ்வளவு
நேரம் இருக்க வேண்டும் என்பதை, டாக்டர்கள் தீர்மானிப்பர்.இவ்வாறு வாங் ஜிங்
கூறினார்.இந்த சிகிச்சை பெறுவதற்காக, சீனாவின் பல்வேறு பகுதிகளில் இருந்தும்
நோயாளிகள் வந்த வண்ணம் உள்ளதாக மருத்துவர்கள் தெரிவித்தனர்.

அருமையான தகவல் நன்றி அண்ணா

தேனீயின் கொடுக்கில், 0.3 மி.கி., விஷத்தன்மை காணப்படுகிறது.தேனீயை பிடித்து, அதை நோயாளியின்
உடலில் உள்ள குறிப்பிட்ட பகுதியில் டாக்டர்கள் வரிசையாக விடுவர். பின் தேனீ அந்த பகுதியில் கடித்துவிட்டு இறந்து விடும்.

--------------------

நல்ல தகவல் வாழ்த்துகள்!!

மனித உடம்பு முழுவதுமே விஷம் தானே. பின்னர் எப்படி தேனீ கொட்டியவுடன் பிழைக்கும். இறக்க வேண்டியதுதான்.