செந்தணலில் குளிக்கின்றாள்.....

**Aathira** · **Aathira** Sun Mar 28, 2010 4:11 am

First topic message reminder :

செந்தணலில் குளிக்கின்றாள்.....

சங்கமொழி என்றுரைப்பார்; தரணியெங்கும் தமிழ்பரப்ப
சுங்கவரி பெற்றிடுவார் அவர்பிழைக்க எம்மினத்தார்!
இங்கிவரைச் சுமந்தவள்தான் தமிழ்மகளோ? என்செய்வோம்
தங்கிவிட்ட நெஞ்சமதின் தன்னலத்து வேரறுக்க?

ஆதிமொழி எம்மொழிதான் என்றுரைப்பார்! ஆலயத்தில்
வேதமொழி சொல்கின்ற வழக்கந்தான் மாறவில்லை!
பாதியிலே வந்தவளைப் பந்தியிலே உண்ணவிட்டு
வீதியிலே தாயைவிட்டு வேடிக்கைப் பார்கின்றார்!

செந்தணலில் குளிக்கின்றாள் எந்தாய் சந்தனத்தைப்
பூசுவதார்? தமிழர்களின் மணவிழாவில் தமிழ்இல்லை!
மணிவிழாவில் தமிழ்இல்லை! எம்மண்ணில் தவழ்கின்ற
மழலைகளின் பேசுமொழி தமிழ்என்றோ மறைந்ததையோ!

ஆட்சிமொழி தமிழ்என்பார் அங்கோர் சாட்சிக்கும்
தமிழில்லை! தெருவெங்கும் ஊர்ப்பலகை பேர்ப்பலகை
தமிழெழுத்து கண்டதில்லை! துமியளவும் வேற்றுமொழி
கலவாத தமிழ்நாட்டை காண்பதுதான் எந்நாளோ?

ஆன்மீகப் பாதையெல்லாம் அடைத்ததந்த வடககுமொழி!
வளர்கல்விச் சாலையெல்லாம் மேற்குமொழி அரசாட்சி!
தெள்ளுதமிழ்க் கல்வியதைத் திண்ணையிலே கற்றதெல்லாம்
பல்லுடைந்த பாட்டிசொன்ன பழங்கதையாய் போனதையோ!

உருப்படத்தான் தமிழில்லை! திரைப்படமும் தமிழ்மொழியில்
கொடுப்பதற்கு மனமின்றி யூத்தென்றும் நியூவென்றும்
காதலாகும் கனிரசத்தை டூயட்டென்றும் பெயரிடுவார்!
உள்நாட்டில் உணவருந்த மேல்நாட்டுத் திருவோடு!

அயல்ஆசை சுயநலத்தில் பயணம் செய்தால்
ஊர்கூடி செக்கிழுத்த கதையாகும் தமிழ்ப்பயணம்!
சுகம்பெறவே துறைதோறும் தமிழ்நீரைப் பாய்ச்சி
விட்டால் பயனடைவாள் அவளன்று! தமிழரன்றோ!!!

ஆதிரா..

ஹாசிம் · ஹாசிம் Thu Apr 01, 2010 3:55 pm

அருமை உள்ளம் நெகிழும் வரிகள் நன்றி

**Aathira** · **Aathira** Thu Apr 01, 2010 6:55 pm

kalaimoon70 wrote:அயல்ஆசை சுயநலத்தில் பயணம் செய்தால்
ஊர்கூடி செக்கிழுத்த கதையாகும் தமிழ்ப்பயணம்!
சுகம்பெறவே துறைதோறும் தமிழ்நீரைப் பாய்ச்சி
விட்டால் பயனடைவாள் அவளன்று! தமிழரன்றோ!!!

தமிழே!உன் படைப்புகள சொல்லும் தமிழை!
தமிழே!உன் வரிகள் வழங்கும் தமிழ் அழகை!
தமிழே!ஈகரைக்கு ,உன் கவிகள் தரும் ஈகை !
தமிழே!தமிழோடு நீ வாழும் இந்த வாழ்க்கை,
தமிழும், உன் புகழ்ப் பாடி வலம் வரும் இந்த உலகை!

தங்கள் பாராட்டுக்கு மிக்க நன்றி நண்பரே... செந்தணலில் குளிக்கின்றாள்..... - Page 3 154550

**Aathira** · **Aathira** Fri Apr 02, 2010 4:44 pm

ஹாசிம் wrote:அருமை உள்ளம் நெகிழும் வரிகள் நன்றி

மிக்க நன்றி நெகிழ்வான தங்கள் பாராட்டுக்கு ஹாசிம்.. செந்தணலில் குளிக்கின்றாள்..... - Page 3 154550

செந்தணலில் குளிக்கின்றாள்..... - Page 3 678642

அப்புகுட்டி · அப்புகுட்டி Fri Apr 02, 2010 4:45 pm

Aathira wrote:
Appukutty wrote:தமிழ் என் பேச்சு
தமிழ் என் மூச்சு
மரபுக்கவிதையில் நான்
கொஞ்சம் வீக்கு
கவிதை அருமை மேடம்

வீக்கு வீக்குன்னு சொல்லிட்டே நீங்க எழுதர கவிதையெல்லாம் நானும் படிச்சிட்டுத்தான் இருக்கேன் அப்பு. வாழ்த்துக்கு நன்றி அப்பு.

கலைவேந்தன் · கலைவேந்தன் Fri Apr 02, 2010 7:30 pm

Aathira wrote:
சங்கத்தமிழ் மகளுக் கங்கமெலாம் குளிர்ந்துவிடும்
திங்கள் முகத்தாளே உன்பண்கள் குவிந்துவிட்டால்
எங்கும் தமிழ்மணக்க எழுந்து வந்த தாரகையே
எங்கள் மனம் குளிரக் கவிஎழுதிச் சிறப்பித்தாய்...

வார்த்தை வித்தகியே வாயடைத்துப் பார்த்து நின்றேன்
சீர்மிகு இவ்வரி போல் சிறப்பாக எழுதாமோ
பார்புகழத் தமிழுக்கு மகுட்மாய் வந்தவளே
தேர்சிறந்த திருவாரூ ராதிரையே நீ வாழி...

முத்துத் தெளித்தால்போல் சிதறிவிட்ட வார்த்தைகளால்
சித்துக் கலையாக சிறப்பிக்கும் வார்த்தைவளம்
எத்துனை முயன்றாலும் என்னாலும் ஏலாது
பத்துவிரல் அத்தனையும் என்னாளும் போதாது...

தமிழமுது படைத்திடவே அட்சயக் குடமேந்தி
துமியளவும் பிழையில்லா கவியமுதம் படைத்தவளே
இமையதனை அசைக்காமல் இன்றெல்லாம் படித்திடவே
உமைமகனின் தமிழ்வரமும் பெற்றவளே ஆதிரையே..

இனியும் இவ்வாறே இனியமுக் கனிச்சுவையை
கனியும் மொழியதுவாம் கன்னித் தமிழினிலே
நனியும் பிறழ்வின்றி நற்கோவைச் சரமாக
தனியொரு சிறப்புட்னே தருவாயா என் தோழி...!

என் இனிய வாழ்த்துகளும் பாராட்டுகளும் தோழி...!

கலை இத்தனை அழகான வாழ்த்து. இதற்கு எனக்குத் தகுதி இல்லை என்பதை நான் நன்கு அறிவேன். இதில் தங்கள் அன்புள்ளத்தையே காண்கிறேன். அதனால் இக்கவிதையை என் கண்களில் ஒற்றி இதயத்தில் வைத்து பூட்டிக்கொள்கிறேன்.

அன்புடன்
ஆதிரா.

பாரதிப்பிரியன் · 08/04/2010

அருமை அருமை...
தங்கள் சிந்தனை போன்று யாவரும் நினைந்து,
ஒடிந்து போன தமிழன்னைதன் சோகம்தன்னைத் தீர்த்துவிட்டால்,
எங்கும் தமிழ்
எதிலும் தமிழென்று உறுதி கொண்டால்...
தமிழ் மெல்ல மெல்லச் சாகாது...
மீண்டும் ஒரு முறை தங்கள் தமிழ்ப் பற்றுக் கவிதைக்கு தலை வணங்குகின்றேன்..மேலும் தமிழைக் காக்கும் கவிதையைப் படைப்பீர்களாக...

செந்தணலில் குளிக்கின்றாள்..... - Page 3 677196

செந்தணலில் குளிக்கின்றாள்..... - Page 3 677196

**T.N.Balasubramanian** · **T.N.Balasubramanian** Sun Apr 11, 2010 7:21 pm

தமிழ்மொழி நிலை பற்றி, எழுதிய கருத்து ,தங்கள் ஆதங்கம்
யாவராலும் வழிமொழிய வேண்டிய ஒன்று. எந்த வரி சிறந்தது என்று கூறமுடியாத படி எல்லா வரிகளும் முத்தாக,வைரமாக ,ஜொலிகின்றது. எவ்வளவு புகழ்தாலும், உங்கள் கவிதைக்கு ஈடு ஆகாது.
அதற்கு மகுடம் சூட்டும் அளவிற்கு திரு கலை அவர்களின் பதிலும் அமைந்துள்ளது .
எங்களுக்கு ஒரு கல்லில் இரு மாங்காய்கள்.

உங்களுக்கும் வாழ்த்துக்கள்.
திரு கலை அவர்களுக்கும் வாழ்த்துக்கள்.
ramaneeyan
அன்பு மலர்

**Aathira** · **Aathira** Tue Apr 13, 2010 10:57 pm

kalaimoon70 wrote:அயல்ஆசை சுயநலத்தில் பயணம் செய்தால்
ஊர்கூடி செக்கிழுத்த கதையாகும் தமிழ்ப்பயணம்!
சுகம்பெறவே துறைதோறும் தமிழ்நீரைப் பாய்ச்சி
விட்டால் பயனடைவாள் அவளன்று! தமிழரன்றோ!!!

தமிழே!உன் படைப்புகள சொல்லும் தமிழை!
தமிழே!உன் வரிகள் வழங்கும் தமிழ் அழகை!
தமிழே!ஈகரைக்கு ,உன் கவிகள் தரும் ஈகை !
தமிழே!தமிழோடு நீ வாழும் இந்த வாழ்க்கை,
தமிழும், உன் புகழ்ப் பாடி வலம் வரும் இந்த உலகை!

தாங்கள் கவிதை பாடி எனை வாழ்த்தியமைக்கு என் மனமார்ந்த நன்றி கலைநிலா அவர்களே.. செந்தணலில் குளிக்கின்றாள்..... - Page 3 154550

Sponsored content · Sponsored content

செந்தணலில் குளிக்கின்றாள்.....

செந்தணலில் குளிக்கின்றாள்.....

Re: செந்தணலில் குளிக்கின்றாள்.....

Re: செந்தணலில் குளிக்கின்றாள்.....

Re: செந்தணலில் குளிக்கின்றாள்.....

Re: செந்தணலில் குளிக்கின்றாள்.....

Re: செந்தணலில் குளிக்கின்றாள்.....

Re: செந்தணலில் குளிக்கின்றாள்.....

Re: செந்தணலில் குளிக்கின்றாள்.....

Re: செந்தணலில் குளிக்கின்றாள்.....

Re: செந்தணலில் குளிக்கின்றாள்.....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக