நபி மொழி தொகுப்பு நற்சிந்தனை - விருந்தாளியின் உரிமைகள்-24

சபீர் · சபீர் Sun 28 Mar 2010 - 22:35

அறிவிப்பாளர் : அப+ஹ{ரைரா (ரலி)

அண்ணல் நபியவர்கள் நவின்றார்கள்:

“அல்லாஹ்வின் மீதும் மறுமைநாளின் மீதும் நம்பிக்கை கொண்டவர்கள் தம் விருந்தாளிகளை உபசரிக்கட்டும்! ;” (புகாரி, முஸ்லிம்)

அறிவிப்பாளர் : குவைலத் பின் அம்ரு (ரலி)

அண்ணல் நபியவர்கள் நவின்றார்கள்:

“அல்லாஹ்வின் மீதும் மறுமைநாளின் மீதும் நம்பிக்கை வைத்திருப்போர் தம் விருந்தாளிகளை உபசரிக்கட்டும்! முதல் நாள் அன்பளிப்புக்குரிய தினமாகும். அதில் மிக உயர்ந்த உணவை (விருந்தாளிக்கு) ஊட்டிட வேண்டும். விருந்துபசாரம் மூன்று நாட்கள் வரை உண்டு. (அதாவது, இரண்டாவது -- மூன்றாவது நாட்களில் உபசரிப்பதற்கு அதிக சிரத்தை எடுத்;;துக் கொள்ள வேண்டியதில்லை) அதற்குப்பின் அவர் செய்யும் உபசாரம் அனைத்தும் அவருக்குத் தர்மமாகும். விருந்தாளி தனக்கு விருந்தளிப்பவரை நெருக்கடியிலும் கவலையிலும் ஆழ்த்தும் அளவிற்கு அவரிடம் தங்கியிருப்பதும் கூடாது. ;” (புகாரி, முஸ்லிம்)

விளக்கம் :

இந்த நபிமொழியில் விருந்தளிப்பவர், விருந்;தாளி இருவருக்கும் அறிவுரை அளிக்கப்பட்டுள்ளது. விருந்தளிப்பவருக்கு அவர் விருந்தாளியை உபசரிக்க வேண்டும் என்று அறிவுறுத்தப்பட்டுள்ளது. உபசரிப்பதன் பொருள்: உணவு, பானங்கள் கொண்டு உபசரிப்பது மட்டுமல்ல, சிரித்துப் பேசுவது, மலர்ந்த முகத்துடன் பழகுவது அனைத்தையும் அது குறிக்கும். ஒருவர் விருந்தாளியாகச் சென்றால் அங்கேயே முகாம் போட்டுக் கொண்டு விருந்தளிப்பவரை கவலையில் வீழ்த்திடும் அளவிற்குத் தங்கி விடுவது கூடாததாகும்.

“முஸ்லிம் ;” எனும் நபிமொழி நூலில் உள்ள ஓர் அறிவிப்பு இந்த நபிமொழியை நன்றாக விரித்துரைக்கின்றது. “தன் சகோதரனிடம் அவனைக் கவலையிலாழ்த்திடும் அளவிற்கு தங்கியிருப்பது கூடாது;” என்று அண்ணலார் கூறுகின்றார்கள். மக்கள், “அல்லாஹ்வின் தூதரே! விருந்தாளி எப்படி விருந்தளிப்பவரைக் கவலையிலாழ்த்தி விடுவார்? ;” என்று வினவ, அண்ணலார், “விருந்தாளியை உபசரிக்க எதுவுமே இல்லாத நிலையில் தங்கியிருப்பதன் வாயிலாக! ;” என்று பதிலளித்தார்கள்.

எஸ்.அஸ்லி · எஸ்.அஸ்லி Sun 28 Mar 2010 - 23:09

வளர்க சிந்தனைகள். நபி மொழி தொகுப்பு நற்சிந்தனை - விருந்தாளியின் உரிமைகள்-24 Icon_smile

நபி மொழி தொகுப்பு நற்சிந்தனை - விருந்தாளியின் உரிமைகள்-24

நபி மொழி தொகுப்பு நற்சிந்தனை - விருந்தாளியின் உரிமைகள்-24

Re: நபி மொழி தொகுப்பு நற்சிந்தனை - விருந்தாளியின் உரிமைகள்-24

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக