போதையாக பயன்படும் இருமல் மருந்துகள்

**இளமாறன்** · **இளமாறன்** Sat Mar 27, 2010 7:48 pm

போதையாக பயன்படும் இருமல்
மருந்துகள்:வடகிழக்கு மாநிலங்களில் பகீர்
புதுடில்லி:வடகிழக்கு மாநிலங்களில் இருமல்
மருந்துகளுக்கு இளைஞர்கள் அடிமையாகி உள்ளனர்.அசாம், மேகாலயா, திரிபுரா உள்ளிட்ட
வடகிழக்கு மாநிலங்களில் பென்சிடைல், கோரெஸ் இருமல் மருந்துகள் எல்லா கடைகளிலும்
சகஜமாக கிடைக்கிறது. இந்த மருந்தை இந்த மாநிலத்தை சேர்ந்த 8 வயது முதல் 20 வயதுள்ள
இளைஞர்கள் அதிகம் பயன்படுத்துகின்றனர்.

இதனால், இந்த இளைஞர்கள் தூக்கமின்மை, தோல் நோய்,
ஞாபகமறதி உள்ளிட்ட நோய்களுக்கு ஆளாகியுள்ளனர்.மாநில எல்லை பகுதியில் காவல் பணியில்
ஈடுபட்டுள்ள காவலர்கள் ஒவ்வொரு மாதமும் 20 லட்சம் மதிப்புள்ள இருமல் மருந்துகளை
பறிமுதல் செய்து வருகின்றனர். கடந்த வாரம் விமானம் மூலம் அகர்தலா விமான
நிலையத்துக்கு எடுத்து வரப்பட்ட 4,000 பாட்டில் இருமல் மருந்துகளை சுங்கத்துறையினர்
பறிமுதல் செய்துள்ளனர்.இந்த இருமல் மருந்து சாப்பிட்டதும் மந்த நிலை ஏற்படுவதால்
மயக்க நிலையில் இருப்பதை இளைஞர்கள் விரும்புகின்றனர்.

இந்த மருந்தை தயாரிக்கும் நிறுவனங்களான பிஷர், பிரமல்
ஹெல்த் கேர் தங்கள் மருந்துகள் தவறாக பயன் படுத்துவதை தடுக்க நடவடிக்கை
மேற்கொண்டுள் ளன.இந்த இருமல் மருந்துகள் போதை மருந்து பட்டியலில் இடம் பெறவில் லை.
எனவே, மருந்து மற்றும் அழகு சாதன தடுப்புசட்டத்தின் கீழ் இதன் விற்பனையை தடுக்க
நடவடிக்கைகள் மேற் கொள்ளப்படுகின்றன. கடுமையான சட்டம் இல்லாததால் குற்றம்
செய்பவர்கள் அபராதம் கட்டி விட்டு இந்த மருந்தை முறை கேடாக விற்பனை செய்து வருவதாக
போலீசார் தெரிவித்துள்ளனர்