கல்லூரி மாணவிக்கு மிரட்டல் லெஸ்பியன் புகாரில் 3 பேர் கைது

First topic message reminder :

திருநெல்வேலி:ஓரினச்சேர்க்கைக்கு அழைத்தும் வராத கல்லூரி மாணவி படத்தைக் காட்டி மிரட்டிய பெண் உட்பட மூன்று பேர் கைது செய்யப்பட்டனர்.திருநெல்வேலி மாவட்டம், பாவூர்சத்திரத்தை சேர்ந்த காளிமுத்து மகள் சத்யா(27); கல்லூரி படிப்பு முடித்தவர். சேர்ந்தமரம், கடையாலுருட்டியை சேர்ந்த சேர்மநாதனுடன் திருமணம் நடந்தது. இரண்டு குழந்தைகள் உள்ளனர்.

சத்யா, தந்தை வீட்டிற்கு வரும்போது அருகில் வசிக்கும் பொன்ராஜ் மகள் பொன் செரீனாவுடன் பழக்கம் ஏற்பட்டது.பொன் செரீனா, அங்குள்ள இன்ஜினியரிங் கல்லூரியில் மூன்றாம் ஆண்டு படிக்கிறார். செரீனா படிப்பு செலவிற்கு 30 ஆயிரம் ரூபாய் கொடுத்து உதவிய சத்யா, அவரை ஓரினச்சேர்க்கைக்கு கட்டாயப்படுத்தியுள்ளார். எனவே, செரீனாவின் பெற்றோர், கடனை திருப்பி கொடுத்து விட்டனர்.

இதற்கிடையே, செரீனா வீட்டிற்கு மேலப்பாவூரை சேர்ந்த உறவினர் பையன் ஒருவர் அடிக்கடி வந்து செல்வதை அறிந்த சத்யா, இருவரது போட்டோக்களையும் ஒட்டி நிர்வாணமாக இருப்பதுபோல கிராபிக்ஸ் படம் தயாரித்தார். பின், அந்த படத்தை காண்பித்து, 'லெஸ்பியனுக்கு வராவிட்டால், ஊரெல்லாம் அந்த படத்தை போஸ்டர் ஒட்டிவிடுவேன்' என மிரட்டியுள்ளார்.

இது குறித்து, செரீனா தந்தை பொன்ராஜ், பாவூர்சத்திரம் போலீசில் புகார் செய்தனர். போலீசார், லெஸ்பியனுக்கு அழைத்து மிரட்டியதற்காக சத்யா, அவருக்கு உடந்தையாக இருந்த கணவர் சேர்மநாதன், கிராபிக்ஸ் படம் வரைந்து கொடுத்த கம்ப்யூட்டர் ஆபரேட்டர் சுரேஷ் ஆகியோரை கைது செய்தனர். மிரட்டலுக்கு உடந்தையாக இருந்த சேர்மநாதன் தம்பி சீனிவாசனை தேடி வருகின்றனர்.