இழந்த கன்னி தன்மையை மறைக்க “ஆபரேஷன்” இளம்பெண்கள் ஆர்வம்

arularjuna · arularjuna Fri Mar 26, 2010 10:50 am

எந்த ஒரு ஆணும் தனக்கு வர வேண்டிய மனைவி கன்னித்தன்மையுடன் இருக்க வேண்டும் என்ற விரும்புவான். எனவே கணவரின் ஆசையை நிறைவு செய்ய கன்னி தன்மையை இழந்த பல இளம் பெண்கள் இப்போது அதை சீரமைக்கும் ஆபரேஷன்களை செய்து கொள்கிறார்கள்.

இப்போது உள்ள கலாச் சார சீரழிவால் சில பெண்கள் திருமணத்துக்கு முன்பே தாம்பத்திய உறவு வைத்து கொள்கிறார்கள். இதனால் கன்னி தன்மையை இழக்கின்றனர்.

விளையாட்டு துறையில் இருப்பவர்கள், அதிக உடற்பயிற்சி செய்பவர்கள், நடனம் ஆடுபவர்கள், சைக்கிள் ஓட்டுபவர்களுக்கும் கன்னி தன்மை தொடர்பான சதை பகுதி பாதிக்கப்படும் வாய்ப்பு உண்டு.

எனவே இந்த பாதிப்பு உள்ளவர்களும் கன்னி தன்மை இழந்தவர்களும் இத்தகைய ஆபரேஷன்களை செய்து கொள்கிறார்கள்.

இதற்கு “ஹைமென் பிளாஸ்டிக் சர்ஜரி” என்று பெயர். டெல்லி, மும்பை, சென்னை, ஐதராபாத், பெங்களூர் போன்ற நகரங்களில் இந்த ஆபரேஷன்கள் அதிக அளவில் நடக்கின்றன.

இந்த ஆபரேஷனில் புகழ் பெற்ற டாக்டரான அனுப்திர் கூறும்போது, முன்பு இது போன்ற ஆபரேஷன் செய்து கொள்ள வருவது மிக குறைவாக இருந்தது. ஆனால் இப்போது வருடத்துக்கு 20-ல் இருந்து 30 சதவீதம் அதிக ரித்து உள்ளது. 20 வயதில் இருந்து 30 வயதுக்குள்ளவர்கள் அதிகம் பேர் வருகின்றனர் என்றார்.

டாக்டர் அனிதா காந்த் கூறும்போது, கடந்த 3, 4 ஆண்டில் இந்த வகை ஆபரேஷன் செய்வது புதிய நாகரீகமாக மாறி இருக்கிறது. கன்னி தன்மையோடு இருந்தால் திருமண வாழ்க்கை நல்ல தொடக்கமாக அமையும் என்று பெண்கள் நினைக்கின்றனர் என்றார்.

கன்னி தன்மை ஆபரேஷனுக்கு நடுத்தர ஆஸ்பத்திரிகளில் ரூ.15 ஆயிரம் முதல் ரூ.20 ஆயிரம் செலவழியும். பெரிய ஆஸ்பத்திரிகளில் ரூ.50 ஆயிரம் முதல் ரூ.70 ஆயிரம் வரை கட்டணம் உள்ளது.