நபி மொழி தொகுப்பு நற்சிந்தனை -குழந்தைகள் உரிமைகள்-14

சபீர் · சபீர் Wed Mar 24, 2010 7:07 pm

அறிவிப்பாளர் : இப்னு அப்பாஸ் (ரலி)
அண்ணல் நபி (ஸல்) அவர்கள் நவின்றார்கள்:
“எந்த மனிதனுக்கு ஒரு பெண் குழந்தை பிறந்து, அவன் அதை அறியாமைக்கால வழக்கப்படி உயிரோடு புதைக்கவில்லையோ, அதனை இழிவாகக் கருதவில்லையோ, அதை காட்டிலும் ஆண் குழந்தைகளுக்கு முன்னுரிமை வழங்கவில்லையோ அத்தகையவணை அல்லாஹ் சுவனத்தில் புகுத்துவான்.” (அப+தாவ+த்)
அறிவிப்பாளர் : ஆயிஷா (ரலி)
என்னிடம் ஒரு பெண்மணி வந்தார். அவருடன் இரண்டு பெண் குழந்தைகள் இருந்தன. அவர் என்னிடம் ஏதேனும் கேட்டுப்பெறுவதற்காக வந்திருந்தார். அந்த நேரத்தில் என்னிடம் ஒரு பேரீத்தம் பழத்தைத் தவிர வேறெதுவும் இல்லை. அதனையே நான் அவரிடம் கொடுத்துவிட்டேன். அப்பெண் அந்தப் பேரீத்தம் பழத்தைத் தன் இரு பெண் குழந்தைகளிடையே பங்கிட்டு விட்டாள்! தான் எதுவும் உண்ணாமலிருந்து விட்டாள். அதற்குப் பிறகு அண்ணலார் என்னிடம் வருகை தந்தார்கள். நான் அந்தப் பெண்ணின் (அந்தப் பெண் பசியோடிருந்தும், தன்னைவிட தன் இரு பெண் குழந்தைகளுக்கு முன்னுரிமை அளித்த அவளது) செயலை எடுத்துரைத்தேன்.
இதனைச் செவியுற்று, “எவர் தம் பெண் குழந்தைகளின் மூலமாக சோதனையில் ஆழ்த்தப்பட்டு, அவர்களுடன் நல்ல முறையில் நடந்து கொண்டாரோ அவருக்கு அக்குழந்தைகள் நரகத்தை விட்டுக் காக்கும் திரையாகிவிடும்” என்று அண்ணலார் நவின்றார்கள். (புகாரி, முஸ்லிம்)
விளக்கம் :
எவருக்கு அல்லாஹ் வெறும் பெண் குழந்தைகளையே கொடுக்கின்றானோ அவையும் அவனுக்கு இறைவனின் அன்பளிப்புகளாகவே திகழ்கின்றன. தமக்குச் சம்பாதித்துத் தராத, தமக்கு நிரந்தரமாகப் பணிவிடை புரிய முடியாத அந்தப் பெண்; குழந்தைகளுடன் அவர்களின் பெற்றோர் எப்படி நடந்து கொள்கின்றனர் என்று இறைவன் பார்க்க விரும்புகின்றான். அப்படியிருந்தும் அவர்களிடம் - அவர்களின் பெற்றோர் நல்ல முறையில் நடந்து கொண்டால், அக்குழந்தைகள் தம் பெற்றோர்கள் பாவமன்னிப்பும், பெரும் நற்கூலியும் பெற்றிடக் காரணமாக விளங்கிடுவர்.
அறிவிப்பாளர் : லுஃமான் பின் பஷீர் (ரலி)

எஸ்.அஸ்லி · எஸ்.அஸ்லி Fri May 21, 2010 3:10 pm

நபி மொழி தொகுப்பு நற்சிந்தனை -குழந்தைகள் உரிமைகள்-14 678642

நபி மொழி தொகுப்பு நற்சிந்தனை -குழந்தைகள் உரிமைகள்-14 154550

சபீர் · சபீர் Tue May 25, 2010 2:35 pm

நன்றி அஸ்லி

Sponsored content · Sponsored content

நபி மொழி தொகுப்பு நற்சிந்தனை -குழந்தைகள் உரிமைகள்-14

நபி மொழி தொகுப்பு நற்சிந்தனை -குழந்தைகள் உரிமைகள்-14

Re: நபி மொழி தொகுப்பு நற்சிந்தனை -குழந்தைகள் உரிமைகள்-14

Re: நபி மொழி தொகுப்பு நற்சிந்தனை -குழந்தைகள் உரிமைகள்-14

Re: நபி மொழி தொகுப்பு நற்சிந்தனை -குழந்தைகள் உரிமைகள்-14

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக