சிறுநீர் எரிச்சலா? கீரை சாப்பிடுங்க

இளவரசன் · இளவரசன் Thu Jun 11, 2009 11:56 am

கீரைத்தண்டின் சுவை விளைகின்ற இடத்திற்கு ஏற்றபடி அமையும். இதில் சில நார் உள்ளவைகளாக இருக்கும்.

அந்த நாரை எடுத்துவிட்டு சமையல் செய்ய வேண்டும். கீரைத் தண்டின் தடிப்பான வேர்களிலும் சத்து இருக்கிறது.

அதனால் மேல் தோலை மட்டும் சீவி விட்டு நறுக்கி சமையலில் பயன்படுத்தலாம்.

கீரைத் தண்டின் சுபாவம் குளிர்ச்சி ஆகும். இது மலத்தை நன்றhக இளக்குவதுடன் சிறுநீரையும் பெருக்கும். கீரைத் தண்டினை பருப்புடன் சேர்த்து சாப்பிடுவது நலம். கடலை, பட்டாணி, காராமணி, மொச்சை ஆகியவற்றை சேர்த்தும் சமைக்கலாம்.

கீரைத் தண்டு சாப்பிட்டால் சிறுநீர் எரிச்சல் காணாமல் போகும். வெள்ளை, குருதிக் கழிச்சல், வயிற்றுக் கடுப்பு ஆகியவையும் நீங்கி விடும்.

**சிவா** · **சிவா** Fri Jun 12, 2009 3:25 am

13.04.05 அன்று ஈகரை சித்த மருத்துவம் என்ற வலைப்பதிவில் நான் வெளியிட்ட இந்த கட்டுரை வெப்துனியாவில் மறுபதிப்பு செய்யப்பட்டுள்ளது இளவரசன்.

எனவே அவர்களின் பெயரை நீக்கிவிடுங்கள், ஏனெனில் இது நமக்கு சொந்தமான கட்டுரை..

ஆதாரம்: http://eegarai.blogspot.com/2005/04/blog-post_111338123694507446.html