நபி மொழி தொகுப்பு நற்சிந்தனை -குழந்தைகள் உரிமைகள்-12

சபீர் · சபீர் Wed 24 Mar 2010 - 11:31

அறிவிப்பாளர் : ஸயீதுப்னுல் ஆஸ் (ரலி)
அண்ணல் நபி (ஸல்) அவர்கள் நவின்றார்கள்:
“தந்தை தன் மக்களுக்கு அளிக்கும் அன்பளிப்புகளில் மிகச் சிறந்தது அவர்களுக்கு அளித்திடும் நல்ல கல்வியும் நல்லொழுக்கப் பயிற்சியுமேயாகும். ”(மிஷ்காத்)
அறிவிப்பாளர் : அப+ஹ{ரைரா (ரலி)
நபிகள் நாயகம் (ஸல்) அவர்கள் நவின்றார்கள்:
“உங்கள் குழந்தை ஏழு வயதை எட்டிவிடும்போது தொழுகையை நிறைவேற்றும்படி அவர்களை ஏவுங்கள்! அவர்கள் பத்து வயதை எட்டிவிடும்போது தொழுகையைத் தவறவிட்டால் அவர்களை அடியுங்கள்! இந்த வயதை அடைந்ததும் அவர்களின் படுக்கையைத் தனித்து அமையுங்கள்! ” (முஸ்லிம்)
விளக்கம் :
இந்த நபிமொழியின் சாரம் இதுதான்: குழந்தைகள் ஏழு வயதை அடைந்துவிட்டால், அவர்களுக்குத் தொழுகையை நிறைவேற்றும்படி அறிவுறுத்த வேண்டும். அவர்கள் பத்து வயதை அடைந்ததும் தொழாவிட்டால் அதற்காக அவர்களை அடிக்கவும் செய்யலாம். “நீங்கள் தொழாமலிருப்பது, எங்களுக்கு உங்கள் மீது அதிருப்தியை உண்டாக்கிவிடும் ” என அவர்களுக்குத் தெளிவாக அறிவித்துவிட வேண்டும். மேலும், இந்த வயதை எட்டியவுடன் அவர்களின் படுக்கையைத் தனியாக அமைத்திட வேண்டும். பல பிள்ளைகள் ஒரே படுக்கையில் உறங்கக் கூடாது.