தலைவர் சிவா 23000 பதிவுகளை தாண்டி வீர நடை

Aathira wrote:அன்புத்தம்பி சிவா,
ஈகரையின் தன்னிகரில்லா தலைவா,
உன் சீரியத் தமிழ்த்தொண்டிற்கு ஒரு சிறு பரிசாக என் அன்னைத்தமிழின் சார்பிலும், நம் ஈகரை அன்பு உற்வுகளின் சார்பிலும் ஒரு வாழ்த்துப்பா. ஏற்பாயா??



நினைக்காத போதில்லை உன்னை!
என்அன்னைத் தமிழை
நினைக்கின்ற போதெல்லாம்
நீவந்து நிற்கின்றாய் முன்னை!

தமிழ் வளர்க்கத் தான்வந்தாய்!
தரணியிலே எங்கெங்கோ தங்கிவிட்ட
தமிழரையும் வளர்க்கின்றாய் தாய்அன்புத்
தனிப்பாலை தயவுடனே நீஊட்டி!

கோடையிலே இளைப்பாற்றும் உதகையல்ல நீதான்!
குளிர்கையிலும், சமுதாய அவலங்கண்டு கொதிக்கையிலும்,
பாசப்பிணைப்புகளை சந்திக்க நினைக்கையிலும்
வேடிக்கை விநோதமென்று சாதிக்கப் புகுகையிலும்
குளிர்தருவாய் இளைப்பாற்றும் தாய்இல்லம் இதுவென்று
தரணியினோர் தேடிவரும் ஈகரையின் தலைவா!
கோடையிலே இளைப்பாற்றும் உதகையல்ல நீதான்!

ஆலையில்லா ஊருக்கு இலுப்பைஅல்ல நீதான்
அலைகளென வலைத்தளங்கள் பெருகிவிட்ட போதும்
சுளைபலாவின் தேனூறும் கனிச்சுவையைச் சேர்த்து
கலையென்பாய் கவிதையென்பாய் கட்டுரைகள் விதம்விதமாய்
வண்ணப் படமென்பாய் வார்த்தை சாலமென்பாய் மலையளவு சர்க்கரையைச் சுமந்துவரும் இனித்தசுவை தலைவா!
ஆலையில்லா ஊருக்கு இலுப்பைஅல்ல நீதான்!

இக்கரைக்கும் அக்கரைக்கும் பாலமொன்று கண்டாய்
எளிதாகப் பயணம் செய்ய வழிமுறையும் செய்தாய்
அக்கரையாய்க் கரம்பிடித்து ஏற்றி விடுகின்றாய்! என்போல்
மக்கரையும் தினம்மதித்து மாண்புகளைத் தந்தாய்
என்னென்பேன் உன்அன்பு உன் கருணை உன்தயவு

இனிதாக வாழ்த்த எண்ணி வார்த்தை வரம் கேட்டேன்.
வெறுங்கை யோடுதனி நின்றுதேம்பி அழுகின்றேன்.
என்றாலும் வாழ்த்தொன்று சொல்ல விழைகின்றேன்.
ஈகரையின் உறவெல்லாம் உறைகின்ற உயிரே
வாழ்கநீ வாழ்க.நீ வையம் உள்ள வரையில்!!!!!...




இணயத்தமிழ் வரலாற்றில் உன் பெயரும் பொன்னெழுத்துக்களால் பொறிக்கபட வேண்டுமென வாழ்த்தும்...

அன்புடன்
ஆதிரா..

இந்த பதிவைத் துவங்கியவர் நன்றி கூறியுள்ளார் kalaimoon70