மீனவர் மனைவியை பலாத்காரம் செய்த மூவர் கைது

arularjuna · arularjuna Tue Mar 23, 2010 10:40 am

கரூர் :கரூர் அருகே மீன் பிடிக்கச் சென்ற தம்பதியரில், கணவனை தாக்கி விட்டு, மனைவியை பாலியல் பலாத்காரம் செய்த மூன்று பேர் கைது செய்யப்பட்டனர்.

நாமக்கல் மாவட்டம், பரமத்தி வேலூர் பழனியப்பன் காலனியைச் சேர்ந்தவர் சக்திவேல்(40). இவர், மனைவி லட்சுமியுடன்(35) நேற்று முன்தினம் மாலை 6 மணியளவில், கரூர் மாவட்டம் வேலாயுதம்பாளையத்தில் காவிரியில் மீன் பிடிக்கச் சென்றனர். காவிரியில் டி.என்.பி.எல்., நீரேற்று நிலையம் அருகில் இருவரும் மீன் பிடித்துக் கொண்டிருந்தனர். அப்போது அங்கு வந்த மூன்று பேர், தாங்கள் போலீஸ் எனக் கூறி, இருவரையும் மிரட்டி அழைந்து வந்தனர். ஆற்றின் அருகில் இருந்த கொட்டகை ஒன்றில் இருவரையும் தாக்கி, சக்திவேலை கட்டிப்போட்டுவிட்டு, லட்சுமியை மூன்று பேரும் பாலியல் பலாத்காரம் செய்தனர். 'இது குறித்து வெளியே கூறினால் கொன்றுவிடுவோம்' என, கூறி மிரட்டிச் சென்றனர். பலத்த காயமடைந்த இருவரும், வேலாயுதம்பாளையம் போலீஸ் ஸ்டேஷனில் புகார் செய்தனர்.

போலீஸ் விசாரணையில், கட்டியபாளையத்தைச் சேர்ந்த செல்வராஜ் மகன் பிரகாஷ்(25), தவிட்டுப்பாளையத்தை சேர்ந்த மதிவாணன் மகன் மோகன்ராஜ்(24), அதே பகுதியை சேர்ந்த ராஜேந்திரன் மகன் தனபால்(18) ஆகியோர் பாலியல் பலாத்காரத்தில் ஈடுபட்டது தெரியவந்தது. பிரகாஷ் வீட்டில் மூவரும் மது அருந்திக்கொண்டிருந்த போது, போலீசார் சுற்றிவளைத்து கைது செய்தனர். பிரகாஷ், டி.என்.பி.எல்., ஒப்பந்த தொழிலாளி என்பதும், மோகன்ராஜ், பொதுப்பணித்துறை அலுவலர் என்பதும் விசாரணையில் தெரியவந்தது. இருவரும், பல இடங்களில் தங்களை போலீஸ் என கூறியே, மிரட்டி காரியம் சாதிப்பதை வழக்கமாகக் கொண்டுள்ளதாக விசாரணையில் தெரியவந்துள்ளது.