இளம்பெண்ணை எரித்து கொன்ற எம்.எல்.ஏ. தீக்காயத்துடன் தப்பி

arularjuna · arularjuna Sat 20 Mar 2010 - 12:58

உத்தரபிரதேச மாநிலம் மகராஜ்கஞ்ஜ் மாவட்டத்தில் உள்ள காதர் தொகுதி சமாஜ்வாடி எம்.எல்.ஏ. ஸ்ரீபட் ஆசாத். இவருக்கும் இதே பகுதியைச்சேர்ந்த சாவித்திரி என்ற பெண்ணுக்கும் முன் விரோதம் இருந்தது. இதனால் அடிக்கடி தகராறு ஏற்பட்டது.

கடந்த திங்கட்கிழமை இருவருக்கும் தகராறு முற்றியதால் ஆத்திரம் அடைந்த எம்.எல்.ஏ. சாவித்திரி மீது விளக்கில் இருந்து மண்எண்ணையை எடுத்து ஊற்றி தீ வைத்தார். இதில் சாவித்திரி உடல் கருகினார். எம்.எல்.ஏ.க்கும் கையில் தீக்காயம் ஏற்பட்டது.

உடனே சாவித்திரியை ஆஸ்பத்திரியில் சேர்த்தனர். அங்கு சிகிச்சை பலனின்றி நேற்று பரிதாபமாக இறந்தார். இந்த சம்பவத்தை தொடர்ந்து எம்.எல்.ஏ. தீக்காயங்களுடன் தப்பி ஓடிவிட்டார். அவரை பிடிக்க 2 தனிப்படை அமைக்கப்பட்டுள்ளது.

சாவித்திரியின் மகன் மனிஷ் கூறுகையில், எம்.எல்.ஏ. விளக்கில் இருந்த மண்எண்ணையை அம்மா மீது ஊற்றி தீ வைத்தார். இதில் அவருக்கும் தீக்காயம் ஏற்பட்டது என்றார். சொத்து தகராறு காரணமாக இந்த சம்பவம் நடந்து இருக்கலாம் என்று தெரிகிறது.

ஸ்ரீபட் ஆசாத்துக்கு எம்.எல்.ஏ ஆகும் முன் சொந்த ஊரான ராம்பூரில் 2 அறைகளுடன் கூடிய சிறிய வீடுதான் இருந்தது. எம்.எல்.ஏ.ஆன பின்பு நிறைய சொத்துக்களை வாங்கி குவிந்தார். எம்.எல்.ஏ.வின் சொத்துக்களை முடக்க போலீசார் கோர்ட்டு மூலம் நடவடிக்கை எடுத்து வருகிறார்கள்.

சபீர் · சபீர் Sat 20 Mar 2010 - 13:39

இளம்பெண்ணை எரித்து கொன்ற எம்.எல்.ஏ. தீக்காயத்துடன் தப்பி 56667

இளம்பெண்ணை எரித்து கொன்ற எம்.எல்.ஏ. தீக்காயத்துடன் தப்பி 502589

உதயசுதா · உதயசுதா Sat 20 Mar 2010 - 13:42

இளம்பெண்ணை எரித்து கொன்ற எம்.எல்.ஏ. தீக்காயத்துடன் தப்பி 128872

mmani15646 · mmani15646 Sat 20 Mar 2010 - 14:24

சட்டத்தின் முன் அனைவரும் சமம். எனவே இந்த எம.எல்.எ உடனடியாகக் கைது செய்யப்படுவார்.ஆளும் கட்சி எம்.எல்.எ வாக இருந்தால் மிக விரைவாகத் தண்டிக்கப்படுவார்.

பகல் கனவு காண்பது எத்துனை சுகம். ம்ம்ம்.

இளம்பெண்ணை எரித்து கொன்ற எம்.எல்.ஏ. தீக்காயத்துடன் தப்பி 502589