உடலுறுப்பு தானம் மூலம் தந்தைக்கு மறுவாழ்வு கொடுத்தார் சிறுமி!

**இளமாறன்** · **இளமாறன்** Sat Mar 20, 2010 12:03 am

உடலுறுப்பு தானம் மூலம் தந்தைக்கு
மறுவாழ்வு கொடுத்தார் சிறுமி!

சென்னை: விபத்தில் சிக்கி மூளைச்சாவு நிலையை அடைந்த
சிறுமியின் உடலுறுப்புகள் தானமாக பெறப்பட்டன. சிறுநீரகங்கள், அவரது தந்தைக்கு
பொருத்தியதன் மூலம் மறுவாழ்வு கொடுத்துள்ளார் சிறுமி. அரக்கோணம் தர்மராஜா கோவில்
தெருவைச் சேர்ந்தவர் சந்திரசேகர். இவரது மகள் ஜனனி(5). இரண்டு நாட்களுக்கு முன்
சாலையில் நடந்து சென்றபோது, வாகனம் மோதி தலையில் பலத்த காயமடைந்தார். ஆபத்தான
நிலையிலிருந்த ஜனனி, சென்னை அரசு பொது மருத்துவமனையில் சிகிச்சைக்காக
அனுமதிக்கப்பட்டார். டாக்டர்கள் தீவிர சிகிச்சை அளித்தும் எந்த முன்னேற்றமும்
இல்லை. ஜனனி மூளைச்சாவு நிலையை அடைந்ததை டாக்டர்கள் உறுதி செய்தனர்.

இதையடுத்து சிறுமியின் பெற்றோரிடம் உடல் உறுப்புக்கள்
தானம் குறித்து டாக்டர்கள் ஆலோத்தனர். அவரது உடல் உறுப்புக்களை தானம் செய்ய
பெற்றோர் முன்வந்தனர். நேற்று முன்தினம் சிறுநீரகங்கள், கல்லீரல், இதயம், கண்கள்
ஆகிய உறுப்புக்கள் அறுவைச் சிகிச்சை மூலம் தானம் பெற்றனர். உடல் உறுப்பு தானம்
கொடுத்த ஜனனியின் தந்தை சந்திரசேகரின் சிறுநீரகம் பாதிக்கப்பட்டிருப்பது தெரிந்தது.
இதையடுத்து, ஜனனியின் இரு சிறுநீரகங்களையும் சந்திரசேகருக்கு பொருத்த டாக்டர்கள்
குழு முடிவு செய்தது.

நேற்று சிறுநீரக மாற்று அறுவைச் சிகிச்சையை சென்னை அரசு
பொது மருத்துவமனை டாக்டர்கள் வெற்றிகரமாக செய்து முடித்தனர். கல்லீரல், டில்லியில்
உள்ள தனியார் மருத்துவமனைக்கும், இதயம் சென்னை மருத்துவக் கல்லூரிக்கும், கண்கள்
எழும்பூர் கண் மருத்துவமனைக்கும் அனுப்பி வைக்கப்பட்டுள்ளன. விபத்தில் சிக்கி
உயிரிழந்த சிறுமி, தனது சிறுநீரகங்கள் மூலம் தந்தைக்கு மறுவாழ்வு கொடுத்தது
பரபரப்பை ஏற்படுத்தியுள்ளது.

ஹனி · ஹனி Sat Mar 20, 2010 12:15 am

உடலுறுப்பு தானம் மூலம் தந்தைக்கு மறுவாழ்வு கொடுத்தார் சிறுமி!

உடலுறுப்பு தானம் மூலம் தந்தைக்கு மறுவாழ்வு கொடுத்தார் சிறுமி!

Re: உடலுறுப்பு தானம் மூலம் தந்தைக்கு மறுவாழ்வு கொடுத்தார் சிறுமி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக