நபி மொழி தொகுப்பு நற்சிந்தனை -1

சபீர் · சபீர் Thu Mar 18, 2010 10:19 am

பெற்றோர்கள், உறவினர்களுக்கு ஆற்றவேண்டிய கடமைகள்

1 அறிவிப்பாளர் : அப+ஹ{ரைரா (ரலி)

ஒரு மனிதர் நபிகள் நாயகம் (ஸல்) அவர்களிடம் வினவினார் :

“அல்லாவின் தூதரே! நான் நல்லவிதமாக நடந்துகொள்ள அனைவரையும் விட அதிக உரிமை பெற்றவர் யார்?” நாயகம் (ஸல்) அவர்கள் “உம்முடைய அன்னையே மிகவும் உரிமை பெற்றவர்கள்” என்று கூறினார்கள். அதற்கு அம்மனிதர் “அவருக்குப் பிறகு யார்?” என்று கேட்டார். நாயகம் அவர்கள் “உம்முடைய அன்னைதான்!” என்று பதிலளித்தார்கள். அம்மனிதர் “பிறகு யார்?” என்று மீண்டும் வினவினார். “உம்முடைய தந்தை. அதற்கு அடுத்து படிப்படியாக உமது நெருங்கிய உறவினர்கள் உம் நன்னடத்தைக்கு உரியவர்கள்”என நாயகம் (ஸல்) அவர்கள் பதிலளித்தார்கள். (புகாரி, முஸ்லிம்)

விளக்கம் :

தாயின் தகுதி தந்தையைவிட உயர்ந்தது என்று இந்த நபிமொழியிலிருந்து தெரியவருகிறது. திருக்குர்ஆனில் இருந்தும் இதுவே நமக்கு புலப்படுபகிறது. 31-ஆவது அத்தியாயமான லுக்மானில் “நாம் மனிதனுக்கு, தாய் தந்தையருக்கு நன்றி செலுத்தும்படி கட்டளையிட்டோம்”என்று இறைவன் கூறுகின்றான். அதை அடுத்து உடனே “அவனுடைய அன்னை துன்பத்திற்கு மேல் துன்பங்களைச் சகித்து, ஒன்பது மாதங்கள் வரை அவனைத் தன் வயிற்றில் சுமந்தாள், பிறகு இரண்டு ஆண்டுகள் வரை தன் உதிரத்தால் அவனை வளர்த்;தாள்” என்று கூறுகின்றான். இதனால்தான் மனிதனின் சேவைக்கும் பணிவிடைக்கும் தாயே அதிக உரிமை பெற்றவள் என்றும், மனிதன் செலுத்த வேண்டிய கண்ணியத்திற்கும் மரியாதைக்கும் தந்தையே அதிக உரிமை பெற்றவர் என்றும், அறிஞர் பெருமக்கள் கருத்து தெரிவித்துள்ளார்கள்

அறிவிப்பாளர் : அப+ஹ{ரைரா (ரலி)