பாலிக் அமிலம் - Folic acid

**சிவா** · **சிவா** Sun Jun 07, 2009 2:59 am

பாலிக் அமிலம் மூளை மற்றும் தண்டுவடம் அல்லது நியூரல் டியூப் ஆகியவற்றில் பிறவிக் குறைகள் ஏற்படுவதை தடுக்கும் திறன் படைத்தது. இதனால் கர்ப்பமாக இருக்கும் பெண்மணிகள் பாலிக் அமிலம் அதிகமாக உள்ள பசும்இலைகளுடன் கூடிய காய்கறிகள், கொட்டைகள், பீன்ஸ், சிட்ரஸ் பழங்கள், தானியங்கள் அல்லது இந்த சத்துக்கள் அடங்கிய வைட்டமின்கள் ஆகியவற்றை சாப்பிட வேண்டும் என்று மருத்துவர்களும், பெரியவர்களும் வற்புறுத்தி வருகின்றனர்.

இந்த நிலையில் பாலிக் அமிலம் பெண்களுக்கும் மட்டுமல்ல, ஆண்களுக்கும் தேவை என்று மருத்துவ நிபுணர்கள் கூறியுள்ளனர். ஒரு ஆணின் உடலில் போதுமான அளவுக்கு பாலிக் அமிலம் இருந்தால் தான் அவனால் வலுவான, ஆரோக்கியமான விந்தணுக்களை உற்பத்தி செய்ய முடியும். அதன் மூலம் குறைகள் இல்லாத குழந்தைகளை பெற முடியும் என்று அவர்கள் தெரிவித்தனர். வலுவற்ற விந்தணுக்கள் மூலம் உருவாகும் குழந்தைகள் பல்வேறு துன்பங்களை அனுபவிக்க நேரிடும் என்பது நிதர்சனமான உண்மை.

அப்படி இருக்கும்போது உடலில் பாலிக் அமிலத்தின் வீரியத்தை குறைக்கும் குடிப்பழக்கம், புகைப்பழக்கம் ஆகியவை உள்ள ஆண்களுக்க எப்படி ஆரோக்கிய மான குழந்தைகள் பிறக்க முடியும்? ஆகையால் தங்களுடைய எதிர்கால சந்ததி ஆரோக்கியமாகவும், பிறவிக் குறைபாடுகள் இன்றி இந்த உலகத்தில் வாழ வேண்டும் என்று நினைத்தால் முதலில் மேற்குறிப்பிட்ட பழக்கங்களை உடனடியாக விட்டொழிப்பது நல்லது.

நல்லக் குழந்தையை உருவாக்குவதில் ஒரு பெண்ணுக்கு எவ்வளவு பங்கு இருக்கிறதோ, அதே அளவு பொறுப்பு ஆணுக்கும் உள்ளது என்பதையே இது காட்டுகிறது.

பாலிக் அமிலம் - Folic acid

பாலிக் அமிலம் - Folic acid

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக