பெண்களுக்கு தனியாக தரிசனம் கிடையாது:துறவிகள் அதிரடி முடிவு

பெண்களுக்கு தனியாக தரிசனம்
கிடையாது:துறவிகள் அதிரடி முடிவு









லக்னோ:நித்யானந்தா போன்ற போலிச் சாமியார்களின்
விவகாரங்களையடுத்து, "இனி பெண்கள் தனியாக வந்தால் அவர்களுக்குத் துறவிகள் தரிசனம்
அளிக்கக் கூடாது' என்று துறவிகள் கூட்டமைப்பு அறிவித்துள்ளது.நித்யானந்தா, டில்லி
இச்சாதாரி சாமியார் பீமானந்தா, காசியாபாத் பாபா அனூப் போன்ற போலிச் சாமியார்கள்,
அடுத்தடுத்துப் பாலியல் வழக்குகளில் சிக்கியதையடுத்து, வடமாநிலங்களில் இயங்கும்
துறவிகள் கூட்டமைப்பு கவலையடைந்துள்ளது.


இதையடுத்து, அயோத்தி கோவிலில் நடந்த துறவிகள்,
மகந்துகள், சாதுக்கள் கூட்டத் தில், ராம ஜென்ம பூமி நியாஸ் தலைவரும் மணிராம்
சவோனியின் பிரபல மகந்துமான நிருத்ய கோபால் தாஸ்,"இனி ஆண் துணையில்லாமல் தனியாக
வரும் பெண்களுக்கு சாதுக்களும் மகந்துக்களும் தரிசனம் அளிக்கக் கூடாது' என்ற
தீர்மானத்தை நிறைவேற்றியுள்ளார்.


இதுகுறித்து, பா.ஜ., எம்.பி.,யும், பீடாதீஸ்வரருமான
ராம்விலாஸ் வேதாந்தி கூறுகையில், ஆன்மிகத்தின் பெயரால் மக்களைக் குறிப்பாகப்
பெண்களை ஏமாற்றும் போலிகளால் உண்மையான துறவிகளுக்கு அவப்பெயர் ஏற்படுகிறது. இதனால்,
போலிகளின் விஷயத்தில் கடுமையான நடவடிக்கைகள் எடுக்கப்பட வேண்டியது அவசியம்.
இப்போதிலிருந்து அதைத் துவக்கலாம்' என்று தெரிவித்தார்.


நித்யானந்தா, சமீபத்தில் வெளியிட்ட"சிடி'க்கள்
எங்கிருந்து வெளியிடப்பட்டன என்பது தெரியவராத நிலையில், அவரும் அவரது பெங்களூரு
பிடதி ஆசிரமமும் அவர் ஹரித்வாரில் நடந்து வரும் மகா கும்பமேளாவில் இருப்பதாகக் கூறி
வருகின்றனர். ஆனால், வட மாநிலங்களில் இயங்கி வரும் "அகாரா' என்ற துறவிகள்
கூட்டமைப்பான "அகில இந்திய அகாரா பரிஷத்' சமீபத்தில் நடத்திய கூட்டத்தில் இந்திய
அளவில் மிக முக்கியமான 13 துறவிகள் கூட்டமைப்புகள் கலந்து கொண்டன.


இவற்றில் எதிலும் நித்யானந்தா இல்லை என்பது
குறிப்பிடத்தக்கது.பரிஷத் தலைவர் மகந்த் ஞானதாஸ் கூறுகையில்,"போலிச் சாமியர்களால்
தொன்மையான சனாதன தர்மத்தின் மீது மாசு படிகிறது' என்றார். ஹரித்வாரில் தொடர்ந்து
இரண்டு நாட்கள் நடந்த துறவிகள் கூட்டத்தில் நித்யானந்தா மற்றும் அவர் போன்று
பாலியல் புகார்களில் சிக்கியவர்கள் குறித்து விவாதிக்கப்பட்டது.


கடந்த அக்டோபர் மாதம், ஹரித்வாரில் கும்பமேளாவில்
கலந்து கொள்ளும் துறவிகளுக்கு தனியாக இடம் ஒதுக்குவது குறித்து நித்யானந்தாவுக்குத்
தெரிய வந்தபோது, அவர் ஹர்-கி-பவுரி என்ற இடத்துக்கருகில் தனக்கு இடம் ஒதுக்கும்படி
கேட்டுக் கொண்டுள்ளார். ஆனால், மேளா நிர்வாகம் பவுரியிலிருந்து ஒன்றரை
கி.மீ.,தொலைவிலுள்ள கவுரிசங்கர் என்ற இடத்தை அவருக்காகப் பதிவு செய்துள்ளனர்.



நித்யானந்தாவுக்கு தடை: கும்பமேளாவில் இருப்பதாகக்
கூறிவரும் நித்யானந்தா இதுவரை அங்கு செல்லவில்லை. அதேநேரம், தமிழகத்தில் அவரின்
அந்தரங்கக் காட்சிகள் வெளியிடப்பட்ட மறுநாள் மார்ச் 3ம் தேதி, அவருக்காகப் பதிவு
செய்யப்பட்ட இடத்தின் பதிவு, மேளா நிர்வாகத்தால் ரத்து செய்யப்பட்டு
விட்டது.


மேளா கூடுதல் அதிகாரி தானிக்
கூறுகையில்,"நித்யானந்தாவின் விண்ணப்பத்தை உடனடியாக ரத்து செய்யும் படி அனைத்துத்
துறவிகளும் எங்களைக்கேட்டு கொண்டனர். இனி வரும் கும்பமேளாக்களிலும் அவர் கலந்து
கொள்ளத் தடை விதிக்கப் பட்டுள்ளது. இப்போது நித்யானந்தா அனைத்துத் துறவிகளாலும்
ஒதுக்கித் தள்ளப்பட்டு விட்டார்' என்று தெரிவித்தார்

மாப்பு! இந்த சன் டிவி நம்ம எல்லாருக்கும் வெச்சிட்டாண்டா பெரிய ஆப்பு! - சுவாமி சிவானந்தா (எ) சிவா அண்ணன்.

ஆமாம் சரியாய் சொன்னிங்க

பார்வதி wrote:ஆமாம் சரியாய் சொன்னிங்க

யார சொல்றீங்க?