பாலியல் பலாத்கார வழக்கில் தண்டனை பெற்றவர் 8 ஆண்டுகள் கழித்து கைது

arularjuna · arularjuna Wed Mar 17, 2010 2:55 pm

பாலியல் பலாத்கார வழக்கில் 7 ஆண்டு தண்டனை பெற்றவர், 8 ஆண்டுகளுக்குப் பிறகு நேற்று கைது செய்யப்பட்டார்.
சென்னை ராயப்பேட்டை சுதந்திரா நகர் முதல் தெருவை சேர்ந்தவர் நரசிம்மன் (33). இவர், 1999ம் ஆண்டு மே 12ம் தேதி இரவு 10 மணிக்கு பக்கத்து வீட்டில் தனியாக இருந்த 19 வயது பெண்ணை பாலியல் பலாத்காரம் செய்துள்ளார்.

இதுகுறித்து ஐஸ்ஹவுஸ் போலீசில் புகார் செய்யப்பட்டது. போலீசார் நரசிம்மனை கைது செய்தனர்.அவர் ஜாமீனில் வெளியில் வந்த பிறகு தலைமறைவாகி விட்டார். இதற்கிடையில் இந்த வழக்கு செஷன்ஸ் நீதிமன்றத்தில் நடந்து வந்தது.

பின்னர் 2002ம் ஆண்டு ஆகஸ்ட் 26ம் தேதி தீர்ப்பு வழங்கப்படும் என்று அறிவிக்கப்பட்டது. நீதிமன்றத்தில் ஆஜராக நரசிம்மனுக்கு சம்மனும் அனுப்பப்பட்டது. அவர் ஆஜராகாததால் அவருக்கு வாரன்ட் பிறப்பிக்கப்பட்டது.

இதையடுத்து, நரசிம்மனுக்கு 7 ஆண்டு கடுங்காவல் தண்டனையும், ரூ.7,000 அபராதமும் விதித்து நீதிபதி உத்தரவிட்டார்.

ஆனால் நரசிம்மன் தலைமறைவாகவே இருந்தார். அவரை பிடிக்க உதவி கமிஷனர் வசந்தகுமாரி, இன்ஸ்பெக்டர் இருதயம் ஆகியோர் கொண்ட தனிப்படை அமைக்கப்பட்டது. தனிப்படையினர் தீவிர விசாரணை நடத்தி, தலைமறைவாக இருந்த நரசிம்மனை கைது செய்தனர்.

பின்னர் அவர் நீதிமன்றத்தில் ஆஜர்படுத்தப்பட்டு புழல் சிறையில் அடைக்கப்பட்டார்.

செந்தில் · செந்தில் Wed Mar 17, 2010 2:59 pm

விதி வலியது பாலியல் பலாத்கார வழக்கில் தண்டனை பெற்றவர் 8 ஆண்டுகள் கழித்து கைது 733974

பாலியல் பலாத்கார வழக்கில் தண்டனை பெற்றவர் 8 ஆண்டுகள் கழித்து கைது

பாலியல் பலாத்கார வழக்கில் தண்டனை பெற்றவர் 8 ஆண்டுகள் கழித்து கைது

Re: பாலியல் பலாத்கார வழக்கில் தண்டனை பெற்றவர் 8 ஆண்டுகள் கழித்து கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக