குளத்தில் மூழ்கி 6 குழந்தைகள் சாவு

செந்தில் · செந்தில் Tue 16 Mar 2010 - 10:29

குளத்தில் மூழ்கி 6 குழந்தைகள் சாவு

திருநெல்வேலி மாவட்டம், தேவர்குளம் அருகே உள்ள மடத்துப்பட்டியில் குளத்தில் மூழ்கி 6 பள்ளிக் குழந்தைகள் இறந்தனர்.

தேவர்குளம் அருகேயுள்ள மடத்துப்பட்டியைச் சேர்ந்த மாரித்தலைவர் மகன் கலைச்செல்வன்(8), காரிப்பாண்டி மகன் கெளதம்(8), முருகேஷ் மகன் கமல்(8), புலிக்குட்டி மகன்கள் பெரியராஜ்(8), அருள்பாண்டியன்(9), சின்னத்துரை மகன் சிவா(8) ஆகிய 6 பேரும் அங்குள்ள பள்ளியில் படித்து வந்தனர்.

இந்நிலையில், திங்கள்கிழமை மாலை இந்த 6 பேரும் அருகில் உள்ள குளத்துக்கு குளிக்கச் சென்றனராம்.

அவர்கள் வெகுநேரமாகியும் வீடு திரும்பாததால் குளத்துக்குச் சென்று பெற்றோர் தேடினர். குளத்தின் கரையோரத்தில் குழந்தைகளின் உடைகள் இருந்ததால் நீரில் மூழ்கி இறந்து இருக்கலாம் என பெற்றோருக்கு சந்தேகம் ஏற்பட்டது. இதையடுத்து தீயணைப்பு வீரர்கள் மற்றும் பொதுமக்கள் குளத்தில் இறங்கி குழந்தைகளை தேடும் பணியில் ஈடுபட்டனர். அப்போது, 6 குழந்தைகளின் சடலங்கள் மீட்கப்பட்டன என காவல்துறையினர் தெரிவித்தனர்