கல்விச் செல்வம்.....

**Aathira** · **Aathira** Mon Mar 15, 2010 11:47 am

First topic message reminder :

கல்விச் செல்வம்.....

வாழ்கின்ற நாட்கள் வரையில்
வழித்துணை என்று எண்ணி
குவித்திடும் செல்வம் ஓர்நாள்
கள்வனால் கவரப் படலாம்!

மங்கைதான் மகிழ்ந்து அணியும்
தங்கமும் வைரமும் ஓர்நாள்
நங்கையின் உடலை விட்டே
நீங்கியும் போகக் கூடும்!

சீற்றமே காற்று கொண்டால்
கட்டிய ஆடை கூட
ஒட்டிய உறவை விட்டே
ஓடிடும் அவலம் உண்டு!

நாளுடன் கோளும் பார்த்து
ஆழமாய் அடிக்கல் நாட்டி
கட்டிய மனையும் கூட்
கட்டழல் உண்ணப் போமாம்!

பெருமழை பெய்யும் நாளில்
பெருகிடும் வெள்ளம் தானே
பெற்றுள்ள பொருளை எல்லாம்
பேயென இழுத்து போமாம்!

அமிழ்தினும் இனிமை பயக்கும்
அவயத்து முந்து மகனும்
அரிவையின் காதல் கூடி
பிரிவையும் கொள்ளக் கூடும்!

மாறிடும் கருத்து உணர்வால்
மங்களம் என்னும் மனையும்
வின்மீனும் பகலும் போல
விலகிடும் நிலையும் உண்டு!

நவில்தரும் நூல்நயம் போல்
பிரியலர் கொண்ட நட்பும்
இருவினை சேரும் காலை
செருமுனை ஆகு மன்றோ!

மானுடப் பையுள் அடையும்
உயிர்வளி என்னும் காற்றும்
காலனின் பாசக் கயிற்றால்
கட்டுடல் விட்டுப் போகும்!

கள்வனால் கவர முடியா
ஒருமையில் கற்ற கல்வி
எழுமையும் பெருமை தருமே
முழுமையும் பெறுவீர் அதனை!

வெள்ளந்தான் அடித்துச் செல்லா
விழுமிய செல்வம் கல்வி
வேண்டிய பொருளை ஈந்தும்
ஈண்டுவீர் அதனை இன்றே!

மலையென பெற்ற செல்வம்
அலையென கரைந்த போதும்
நல்வழி காட்டும் கல்வி
செல்வழி பீடு சேர்க்கும்!

கொடையெனும் உயர்ந்த பண்பால்
கொடுத்திடும் கல்வி மட்டும்
பெறுபவர் அன்றி கொடுப்பார்
இருவர்க்கும் இன்பம் பயக்கும்!

எண்ணுடன் எழுத்தும் வாழ்வின்
கண்களாய் வண்ணம் கூட்டும்..
இன்னலைத் தீர்க்கும் செல்வம்
கன்னலாம் கல்வி சேர்ப்பீர்!!!!

ஆதிரா..

சரவணன் · சரவணன் Mon Mar 15, 2010 12:48 pm

இளமாறன் wrote:
சரவணன் wrote:
இளமாறன் wrote: அருமை...

ஆண்களை விட பெண்கள் தான் இப்பொழுது அதிகம் படிக்கிறார்கள்...
பாரதியின் கனவு நினைவாகிறதே

ஆண்கள எங்க ஒழுங்கா படிக்க விடுறாங்க?.
ஓரக்கண்ணாலே ஒரே ஒரு பார்வை பாத்துபுட்டு அவங்க பாட்டக்கு வீட்டுல போயி படிக்க ஆரம்பிச்சிடுறாங்க.
நம்ம பயலுவோ அந்த பார்வையிலே மயங்கி அந்த பொண்ணுக்காக

நாயா அலைஞ்சி பரிட்ச்சைய கோட்டை விட்டுடுறான்.

உண்மை வழிமொழிகிறேன்

அசோகன் · அசோகன் Mon Mar 15, 2010 12:57 pm

உடையார்முன் இல்லார்போல் ஏக்கங்கற்றுங் கற்றார்
கடையரே கல்லா தவர்.

மகிழ்ச்சி

**Aathira** · **Aathira** Mon Mar 15, 2010 1:01 pm

asokan80 wrote:உடையார்முன் இல்லார்போல் ஏக்கங்கற்றுங் கற்றார்
கடையரே கல்லா தவர்.

நல்ல திருக்குறளை குறிப்பிட்டுக் காட்டியமைக்கு நன்றி.

கல்விச் செல்வம்..... - Page 3 678642

ஹனி · ஹனி Mon Mar 15, 2010 2:18 pm

kalaimoon70 · kalaimoon70 Mon Mar 15, 2010 3:58 pm

கேடில் விழுச் செல்வங் கல்வி யொருவற்கு
மாடல்ல மற்றை யவை.

கொடையெனும் உயர்ந்த பண்பால்
கொடுத்திடும் கல்வி மட்டும்
பெறுபவர் அன்றி கொடுப்பார்
இருவர்க்கும் இன்பம் பயக்கும்!

எண்ணுடன் எழுத்தும் வாழ்வின்
கண்களாய் வண்ணம் கூட்டும்..
இன்னலைத் தீர்க்கும் செல்வம்
கன்னலாம் கல்வி சேர்ப்பீர்!!!! :

விழிகள் போன்றது கல்வி!
கல்வி இல்லையெனில் நீ
வெறும் ஆவி!
கல்விக்கு ஒரு கவிதை!
கல்வியின் தேவையை,
அழகாய் சொல்லும் நிலை அருமை!
இந்த கவிதை ஒரு வைரக்கல்!
ஆதிராவின் அதிரடி ஆட்டம் ஆரம்பம்!
ஈகரையில் தொடரட்டும்,உங்கள்
வெள்ளோட்டம்!

மகிழ்ச்சி

சம்சுதீன் · சம்சுதீன் Mon Mar 15, 2010 4:06 pm

சிவா wrote:"ஒருமைக்கண் தான்கற்ற கல்வி ஒருவற்கு
எழுமையும் ஏமாப்பு உடைத்து"

என்ற வள்ளுவனின் கூற்றுக்கிணங்க கல்வியின் சிறப்பை மிக அழகாக உணர்த்தியுள்ளீர்கள், சிறப்பான கவிதை வரிகளுடன்!!!

அப்புகுட்டி · அப்புகுட்டி Mon Mar 15, 2010 4:10 pm

மண்ணில் இட்டாலும்
மங்காது மறையாது
நீரில் இட்டாலும்
அமிழாது கரையாது
கல்விக்கு கவி பாடிய
எங்கள் சிறப்புக்கவி
ஆதிரா மேடத்திற்க்கு
வாழ்த்துக்கள் நன்றி

**Aathira** · **Aathira** Mon Mar 15, 2010 4:42 pm

ஹனி wrote:

நன்றி தேனே தங்கள் வாழ்த்துக்கு கல்விச் செல்வம்..... - Page 3 154550

சரவணன் · சரவணன் Mon Mar 15, 2010 5:15 pm

"கேடில் விழிச்செல்வம் கல்வி ஒருவற்கு
மாடல்ல மற்றவை யவை".

இந்த குரல் நினைவிற்கு வந்துவிட்டது உங்கள் கவிதையை படித்தவுடன்.

**Aathira** · **Aathira** Mon Mar 15, 2010 5:25 pm

சரவணன் wrote: "கேடில் விழுச்செல்வம் கல்வி ஒருவற்கு
மாடல்ல மற்றை யவை".

இந்த குரள் நினைவிற்கு வந்துவிட்டது உங்கள் கவிதையை படித்தவுடன்.

ஆனா அதை மட்டும் சரியா எழுத மாட்டீங்க இல்லையா? திருவள்ளுவர் வர்ரார் கட்டையை எடுத்துகிட்டு. நன்றி சரண். கல்விச் செல்வம்..... - Page 3 154550

Sponsored content · Sponsored content

கல்விச் செல்வம்.....

கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக