கீரிப்பிள்ளை (Mangoose)-நம் அனைபேரும் தெரிந்திருக்க வேண்டிய ஒன்று

சபீர் · சபீர் Sun Mar 14, 2010 6:48 pm

First topic message reminder :

இந்த உலகத்தில் இறைவனால் படைக்கப்பட்ட எல்லா உயிரினங்களுக்கும் ஏதாவது ஒரு விதத்தில் தங்கள் எதிரிகளிடமிருந்து பாதுகாத்துக் கொள்ளக்கூடிய பல ஏற்பாடுகளை வைத்துத்தான் இறைவன் படைத்துள்ளான். ஒன்றின் பாதுகாப்பு அரணை மற்றது (இறைவனின் ஏற்பாட்டின் படி) மிகைத்து விடும் போது அதற்கு முடிவு ஏற்பட்டு விடுகின்றது. விலங்குகள், பறவைகள், ஊர்வன தவரங்கள் மற்றும் கண்ணுக்கு தெரியாத நுன்னுயிர்கள் உட்பட அனைத்தும் ஏதாவது ஒரு வழியில் தங்களைப் பாதுகாத்துக் கொள்ள பிரத்யேகமாக அமையப்பெற்ற ஒன்றை பயன்படுத்தி தங்களை அழிவிலிருந்துக் காத்துக் கொள்ளுகின்றன. உதாரணத்திற்கு சிலவற்றைப் இந்த கட்டுரையின் சில அவசியத்தை முன்னிட்டு பார்ப்போம்.
விலங்குகளைப் பொருத்தவரை பலவிதமான பாதுகாப்பு அரணை பெற்று விளங்குகின்றன. சிலவற்றிற்கு கொம்பு அமைப்பும், சிலவற்றிற்கு கூர்மையான நகங்களும், சிலவற்றிற்கு உடலைக் கிழித்து மாமிசத்தை உண்ணக்கூடிய ஆற்றல் மிக்க தாடையுடன் கூடிய பற்களும், சிலவற்றிற்கு உடலின் மேற்பரப்பில் வளரும் ஊசியைப் போன்ற முடிக்கற்றைகளும், சிலவற்றிற்கு வேகமாக ஓடக்கூடிய ஆற்றல் மிக்க கால்களும் பாதுகாப்பு சாதனமாய் விளங்குகின்றன.

சபீர் · சபீர் Sun Mar 14, 2010 7:00 pm

இவ்வளவு வீரியம் மிக்க இந்த பாம்பின் விஷத்தைத் தாங்கி இதனையே தோற்கடித்து உண்ணக்கூடிய சிறிய பாலூட்டியான கீரிப்பிள்ளையின் ஆற்றலை இப்போது விளங்கிக் கொள்ள வார்த்தை விரயம் தேவையில்லை.
நல்லப் பாம்புடைய வீரியம் மிக்க விஷத்தை தாங்கிக் கொள்ளக் கூடிய இந்த அம்சம்தான் மற்றவற்றிலிருந்து கீரிப்பிள்ளை வேறுபட்டு விளங்க காரணமாக அமைந்துவிடுகிறது.
அல்லாஹ் தான் நாடியவற்றிற்கு நம்மால் நம்ப முடியாத, நம் பகுத்தறிவால் விடைப் பகர முடியாத அளவிற்கு ஆற்றலை அதிகப் படுத்தக் கூடியவன். இறைவன் அனைத்தின் மீதும் ஆற்றல் நிறைந்தவன்.
பொதுவாக கீரிப்பிள்ளையும் நல்லப் பாம்பும் ஒன்றை ஒன்று சந்தித்துக் கெண்டால் நீ உன் வழியில் செல் நான் என் வழியில் செல்லுகின்றேன் நமக்குள் எந்த பிரச்சினையும் வேண்டாம் என்ற ரீதியிலே ஒன்றை ஒன்று தவிர்த்துக் கொண்டு செல்கின்றன. சில சந்தர்ப்பங்களில் எதிரிகள் ஒன்றுடன் ஒன்று சண்டையில் மோதும் நிலை வந்துவிட்டாலோ அந்த போட்டியின் முடிவு, இறந்த பாம்பை கீரிப்பிள்ளை தின்னுவதாகத்தான் முடிவடையும்.

சபீர் · சபீர் Sun Mar 14, 2010 7:09 pm

ஒரு எதிரியுடைய தன்மைகளையும் ஆற்றலையும் அறிந்துக் கொண்டால் அதைத் தோற்கடிக்கக் கூடிய ஒன்றின் ஆற்றலை அறிந்துக் கொள்ள நமக்கு அதிக சொற்றொடர்கள் தேவைப்படாது என்ற அடிப்படையில் நல்லப் பாம்பை பற்றியும் அதன் விஷத்தின் வீரியத்தை பற்றியும் முதலில் பார்த்தோம்.
கீரிப்பிள்ளையின் உடலை காயப்படுத்தி விஷத்தை பிரயோகம் செய்ய கூடிய அளவிற்கான கூறியப் பற்கள் நல்லப் பாம்பிற்கு நிச்சயமாக இருக்கத்தான் செய்கின்றது. இருப்பினும் அந்த விஷத்தை தாங்கக் கூடிய உடலமைப்புத்தான் அல்லாஹ்வின் அத்தாட்சியை பறைச்சாற்றி நிற்கும் அம்சமாகும். கீரிப்பிள்ளை மனிதர்களுக்கு இன்னல் விளைவிக்கக் கூடிய எலி மற்றும் பாம்பை முக்கிய உணவாக உட்கொள்ளுவதால் மனிதர்களுக்கு ஒரு விதத்தில் நன்மைப் பயப்பினும் கூட மனிதர்களுக்கு பயன் தரத்தக்க உயிரினங்களை சில வேளைகளில் இவைத் தாக்குவதனால் இதனால் பாதிப்பு ஏற்படவும் செய்கின்றது.
இத்தகைய மேற்கண்ட எல்லா அம்சங்களையும் நம் இறைவன் தக்க காரண காரியங்களுடன் திட்டமிட்டுதான் படைத்துள்ளான் என்பதை சிந்திக்கும் போது அல்லாஹ்வுடைய அத்தாட்சிகள் அவனுடைய தீனில் நம்முடைய நிலைப் பாட்டை உறுதிப் படுத்துகின்றது. அல்ஹம்துலில்லாஹ். எல்லாப் புகழும் இறைவனுக்கே.
வானங்களையும் மற்றும் பூமியையும் அவ்விரண்டிற்க்கும் இடைப் பட்டதையும் தக்க காரணத்துடனும், குறிப்பிட்ட காலக் கெடுவுடனும் தவிர நாம் படைக்கவில்லை. (நம்மை)மறுப்போர் தமக்கு எச்சரிக்கப்பட்டதைப் புறக்கணிக்கின்றனர். (26:03)

Sponsored content · Sponsored content

கீரிப்பிள்ளை (Mangoose)-நம் அனைபேரும் தெரிந்திருக்க வேண்டிய ஒன்று

கீரிப்பிள்ளை (Mangoose)-நம் அனைபேரும் தெரிந்திருக்க வேண்டிய ஒன்று

Re: கீரிப்பிள்ளை (Mangoose)-நம் அனைபேரும் தெரிந்திருக்க வேண்டிய ஒன்று

Re: கீரிப்பிள்ளை (Mangoose)-நம் அனைபேரும் தெரிந்திருக்க வேண்டிய ஒன்று

Re: கீரிப்பிள்ளை (Mangoose)-நம் அனைபேரும் தெரிந்திருக்க வேண்டிய ஒன்று

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக