மரபுப் பா பயிலரங்கம்

தமிழநம்பி · தமிழநம்பி Wed Mar 03, 2010 11:16 pm

First topic message reminder :

எழுத்து

தமிழ் எழுத்துக்கள் அனைத்தும் நம் எல்லாருக்கும் தெரிந்தவையே. என்றாலும் பாட்டு எழுதுகையில் அவை பயன்படுமாறு அவற்றை வகைப்படுத்தி அறிந்து கொள்வோம்.

அ, ஆ, இ, ஈ, உ, ஊ, எ, ஏ, ஐ, ஒ, ஓ, ஒள – இவை பன்னிரண்டும் உயிர் எழுத்துக்கள்.

இவற்றில்,

அ, இ, உ, எ, ஒ – இவை ஐந்தும் குறில் எழுத்துக்கள்.

ஆ, ஈ, ஊ, ஏ, ஐ, ஓ, ஒள – இவை ஏழும் நெடில் எழுத்துக்கள்.

அடுத்து –

மெய் யெழுத்துக்கள் (புள்ளி வைத்தவை) 18.

க், ங் ச், ஞ், ட், ண், த், ந், ப், ம், ய், ர், ல், வ், ழ், ள், ற், ன்.

உயிர்க்குறில் எழுத்துக்களான அ, இ, உ, எ, ஒ – என்னும் ஐந்தும்

மேற்கண்ட 18 மெய்யெழுத்துக்களோடும் சேர்வதால் பிறக்கும் உயிர் மெய் எழுத்துக்களும் குறில் எழுத்துக்களே.

எடுத்துக்காட்டு :

க் உடன் அ, இ, உ, எ, ஒ சேர்ந்தால் – க, கி, கு, கெ, கொ என்ற உயிர்மெய்க் குறில் எழுத்துக்கள் பிறக்கும்.

இதே போல் ச், ..... ன் வரை ஐந்தைந்து குறில் எழுத்துக்கள் பிறக்கும்.

க் உடன் ஆ, ஈ, ஊ, ஏ, ஐ, ஓ, ஒள கூடினால் கா, கீ, கூ, கே, கை, கோ, கெள என்ற உயிர்மெய் நெடில் எழுத்துக்கள் பிறக்கும்.

இதே போல், ச்..... ன் வரை ஏழேழு நெடில் எழுத்துக்கள் கிடைக்கும்.

குறுகிய ஓசை உடைய எழுத்துக்கள் குறில் எனப்படும்.

நீண்ட ஓசை உடைய எழுத்துக்கள் நெடில் எனப்படும்.

புள்ளியை உடைய எழுத்துக்களும் ஆய்த எழுத்தும் ஒற்று எனப்படும்.

எழுத்துக்களில் இவற்றைத் தெரிந்தால் போதும் இப்போது.

இவற்றில், புரியாதது எதுவும் இருந்தால் தயங்காமல் உடனே பின்னூட்டத்தின் வழி கேளுங்கள்.

அடுத்து, அசை எனபதைத் தெரிந்து கொள்ளப்போகிறோம்.

தமிழநம்பி · தமிழநம்பி Thu Dec 02, 2010 10:17 pm

manithann wrote:

இந்தத் தலையசைப்பு என்ன கூறுகின்றதெனப் புரியவில்லை; எனினும் வந்து ஏதோ சொல்ல விழைந்ததற்காக நன்றி மாந்தனே!

தமிழநம்பி · தமிழநம்பி Thu Dec 02, 2010 10:28 pm

அன்பு கெழுமிய வாழ்த்துக்கு நன்றி நந்திதா,

ஏந்திசைச் செப்பலோசையில் உங்கள் குறளை எதிர்பார்க்கின்றேன்.

nandhtiha · nandhtiha Thu Dec 02, 2010 10:36 pm

பெருமதிப்புக்குரிய ஐயா
வணக்கம்

கற்றதனோ டோய்வின்றிக் காசினியி லுள்ளநாள்
மற்றவர்க்குமீன்றிடலே மாண்பு
என்றும் மாறா அன்புடன்
நந்திதா

**kirikasan** · **kirikasan** Thu Dec 02, 2010 10:47 pm

தமிழநம்பி wrote:அன்பார்ந்த கிரி,
உடனே எழுதிய முயற்சிக்குப் பாராட்டு.

மூன்றாம் பாடலில் முதற்சீர் கனிச்சீராக (தேமாங்கனி) உள்ளது. வெண்பாவில் கனிச்சீரே இடம்பெறக்கூடாதென்பதை நினைவில் நிறுத்துக. ஆறாம் சீர் கூவிளமாக உள்ளது. இவ் விரண்டையும் காய்ச்சீராக மாற்றுக. இறுதிச்சீர் ‘ஓடி’ என்பது நாள், மலர் வாய்பாட்டில் அமையாமை காண்க. இக்குறைகளை நீங்களே சரி செய்ய முடியும். செய்க. ஐயமிருப்பின் தயங்காது கேளுங்கள்.

நான்காம் பாடலில்,
மேகமென்று ஆடுமொரு – சேர்ந்தால் மேகமென் றாடுமொரு என்றாகும். மேகமென்-கூவிளமாகிவிடும். அதைத் திருத்துக. இறுதிச்சீர் நாள், காசு என்ற வாய்பாட்டில் அமைக்க. (தோகை – தேமா) இவையெல்லாம் நீங்களே எளிதில் திருத்தக் கூடியவையே. ஐயமிருப்பின் தயங்காது வினவுக.

உடனுக்குடன் நான்கு பாடல் எழுதியமைக்கு மீண்டும் பாராட்டு.
தொடர்ந்து எழுதுங்கள்.

நல்லது ஐயா,

விதிமுறைகள் தெளிந்திருந்தும் கவலயீனப் பிழைகளாக அவைகளை விட்டிருக்கிறேன். சரியான முறையில் திரும்ப சரிபார்க்கவில்லை இதோ தவறுகளைத் திருத்துகிறேன்.
மூன்றாவது

வீரமைந்தர் போர்முடித்து வீடடைவர் தென்றலது
சேரமுதல் மின்னலெனத் தான்

அல்லது

வீரமைந்தர் போர்முடித்து வென்றகதை தான்தொடர
தீரமுடன் நீயெழுந்து செய்

நான்காவது

கூடுமிவர் தீரநடை கொண்டதிடி மேகமென
ஆடுமழை யெண்ணிமயில் காண்

இப்போது சரியென நம்புகிறேன்.

தவறு இருப்பின் கூறுங்கள் ஐயா!

அன்புடன் கிரிகாசன்

தமிழநம்பி · தமிழநம்பி Thu Dec 02, 2010 10:48 pm

கற்றதனோ டோய்வின்றிக் காசினியி லுள்ளநாளில்
மற்றவர்க்கு மீன்றிடலே மாண்பு.

கேட்ட உடனே, சரியாக எழுதியிருக்கிறீர்கள். நன்றி.

nandhtiha · nandhtiha Thu Dec 02, 2010 10:51 pm

பெருமதிப்புக்குரிய ஐயா
பேராசிரியர் அடிகளாசிரியர், இலக்குமணன் செட்டியார் தாங்கள் போன்றோர்கள் இட்ட பிச்சை தான் இது
எல்லாம் உங்களுக்கே
என்றும் மாறா அன்புடன்
நந்திதா

**kirikasan** · **kirikasan** Thu Dec 02, 2010 10:51 pm

கூடுமிவர் தீரநடை கொண்டதிடி மேகமென
ஆடும்மழை யெண்ணிமயில் காண்

இப்படி எழுதுவது சரியானதோ ஐயா. முன்னையதில் கருத்து தெளிவற்றதோ?இப்படிவந்தால்பிழைத்துவிடுமே ஒரு நிமிடம் திருத்துகிறேன்

திருத்தம்
கூடுமிவர் தீரநடை கொண்டதிடி மேகமென
ஆடுமயி லெண்ணிமழை காண்

nandhtiha · nandhtiha Thu Dec 02, 2010 10:56 pm

பெருமதிப்புக்குரிய ஐயா
வணக்கம்
நான் எழுதியதில் குறை உளதாகத் தோன்றுகிறது, காசினியில் உள்ளநாள் என்று தான் இருக்க வேண்டும் என்று நினைக்கிறேன். சீர் தட்டுகிறது ஐயா.
என்றும் மாறா அன்புடன்
நந்திதா

தமிழநம்பி · தமிழநம்பி Thu Dec 02, 2010 10:58 pm

சரியாகத் திருத்தியிருக்கிறீர்கள், கிரி. பாராட்டு. திருக்குறள் பாக்களைப் படித்திருப்பீர்கள். இப்போது, மீண்டும் படித்துப் பழகி, உங்கள் கருத்தைக் குறள்வெண்பாவில் எழுதப் பயிலுங்கள்.

**kirikasan** · **kirikasan** Thu Dec 02, 2010 11:00 pm

தமிழநம்பி wrote:சரியாகத் திருத்தியிருக்கிறீர்கள், கிரி. பாராட்டு. திருக்குறள் பாக்களைப் படித்திருப்பீர்கள். இப்போது, மீண்டும் படித்துப் பழகி, உங்கள் கருத்தைக் குறள்வெண்பாவில் எழுதப் பயிலுங்கள்.

நல்லது ஐயா, செய்கிறேன்

Sponsored content · Sponsored content

மரபுப் பா பயிலரங்கம்

மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக