மரபுப் பா பயிலரங்கம்

தமிழநம்பி · தமிழநம்பி Wed Mar 03, 2010 11:16 pm

First topic message reminder :

எழுத்து

தமிழ் எழுத்துக்கள் அனைத்தும் நம் எல்லாருக்கும் தெரிந்தவையே. என்றாலும் பாட்டு எழுதுகையில் அவை பயன்படுமாறு அவற்றை வகைப்படுத்தி அறிந்து கொள்வோம்.

அ, ஆ, இ, ஈ, உ, ஊ, எ, ஏ, ஐ, ஒ, ஓ, ஒள – இவை பன்னிரண்டும் உயிர் எழுத்துக்கள்.

இவற்றில்,

அ, இ, உ, எ, ஒ – இவை ஐந்தும் குறில் எழுத்துக்கள்.

ஆ, ஈ, ஊ, ஏ, ஐ, ஓ, ஒள – இவை ஏழும் நெடில் எழுத்துக்கள்.

அடுத்து –

மெய் யெழுத்துக்கள் (புள்ளி வைத்தவை) 18.

க், ங் ச், ஞ், ட், ண், த், ந், ப், ம், ய், ர், ல், வ், ழ், ள், ற், ன்.

உயிர்க்குறில் எழுத்துக்களான அ, இ, உ, எ, ஒ – என்னும் ஐந்தும்

மேற்கண்ட 18 மெய்யெழுத்துக்களோடும் சேர்வதால் பிறக்கும் உயிர் மெய் எழுத்துக்களும் குறில் எழுத்துக்களே.

எடுத்துக்காட்டு :

க் உடன் அ, இ, உ, எ, ஒ சேர்ந்தால் – க, கி, கு, கெ, கொ என்ற உயிர்மெய்க் குறில் எழுத்துக்கள் பிறக்கும்.

இதே போல் ச், ..... ன் வரை ஐந்தைந்து குறில் எழுத்துக்கள் பிறக்கும்.

க் உடன் ஆ, ஈ, ஊ, ஏ, ஐ, ஓ, ஒள கூடினால் கா, கீ, கூ, கே, கை, கோ, கெள என்ற உயிர்மெய் நெடில் எழுத்துக்கள் பிறக்கும்.

இதே போல், ச்..... ன் வரை ஏழேழு நெடில் எழுத்துக்கள் கிடைக்கும்.

குறுகிய ஓசை உடைய எழுத்துக்கள் குறில் எனப்படும்.

நீண்ட ஓசை உடைய எழுத்துக்கள் நெடில் எனப்படும்.

புள்ளியை உடைய எழுத்துக்களும் ஆய்த எழுத்தும் ஒற்று எனப்படும்.

எழுத்துக்களில் இவற்றைத் தெரிந்தால் போதும் இப்போது.

இவற்றில், புரியாதது எதுவும் இருந்தால் தயங்காமல் உடனே பின்னூட்டத்தின் வழி கேளுங்கள்.

அடுத்து, அசை எனபதைத் தெரிந்து கொள்ளப்போகிறோம்.

குணமதி · குணமதி Mon Jul 05, 2010 10:52 pm

;ljhந்தப

தமிழநம்பி · தமிழநம்பி Mon Jul 05, 2010 11:29 pm

யாதுமானவர்க்கு,

உங்கள் ஆர்வத்தைப் பாராட்டுகின்றேன்.

உங்கள் (முதல்) பாடலில் இரண்டிற்கு மேல் அசைகளை உடைய சீர்களைக் கீழே காண்க.

இளங்/கா/லை - மூவசைச் சீர்

நே/ரம்/பா/யு - நான்கசைச் சீர்

கா/ணுவ/தால் - மூவசைச் சீர்

டா/னந்/தமும் - மூவசைச் சீர்

பெரும்/பே/றும் - மூவசைச் சீர்

பெறு/வா/யே - மூவசைச் சீர்

வா/ழும்/போ/தே - நான்கசைச்சீர்

நாம் இப்போது எழுதும் பாடலில் நிரைநிரை என்ற வாய்பாட்டில் இரண்டசைச் சீர்கள் மட்டுமே வரவேண்டும்,

கடைசியில் ஓரசைச்சீர் அமைய வேண்டும்.

நீங்கள் முன்பு எழுதிய பாடல்-

சிறுமல ரொடுகனி குலுங்கிடும் மலையினில்
கருங்குயி லொடுமயி லினங்களும் சுவைத்திட
நறுவிருந் துகளதி லுண்டு.

மிகச்சரியாக அமைந்திருந்தது.

அன்பு கூர்ந்து இதைப்போலவே இரண்டசையில் எழுதுங்கள்.
தவறிருப்பின் நானே சரியாக அமைக்க உதவுகிறேன்.

கவலைப்படாமல் எழுதுங்கள். சரியாக வரும்.

தமிழநம்பி · தமிழநம்பி Mon Jul 05, 2010 11:38 pm

வழிப்போக்கனார்க்கு,

உங்கள் பாடல்...

சிறுநடை பயின்றிடும் மழலையின் அடியினைத்
தொடர்ந்திட மனமது மயங்கிடக் குறும்பொடு
குறுநகை புரிந்திடும் சேய்.

அருமை!

அசை பிரித்துக் காட்டி உள்ளதும் சிறப்பு.

தொடர்ந்து எழுதுக. மற்றவர்களையும் எழுத ஊக்கப் படுத்துக.

.

தமிழநம்பி · தமிழநம்பி Mon Jul 05, 2010 11:48 pm

குணமதியார்க்கு,

வரவேற்கிறேன்.

உங்கள் பாடல்...

பலநிலை களிலுமே பயனிலா வினையெலாம்
உலகினில் இயற்றியே உழன்றிடும் உலுத்தரும்
மலர்மண மிலததும் ஒன்று.

நன்றாக இருக்கிறது.

தொடர்ந்து எழுதுக. நண்பர்களையும் எழுத ஊக்கம் தருக.

வழிப்போக்கன் · 18/02/2010

குணமதி wrote:பாலன்,

உங்கள் பாடலும் நீங்கள் அசை பிரித்துக் காட்டியுள்ளதும் சரியாக உள்ளன.

பாராட்டுகிறேன்.

மிக்க நன்றி குணமதி அவர்களே

வழிப்போக்கன் · 18/02/2010

தமிழநம்பி wrote:வழிப்போக்கனார்க்கு,

உங்கள் பாடல்...

சிறுநடை பயின்றிடும் மழலையின் அடியினைத்
தொடர்ந்திட மனமது மயங்கிடக் குறும்பொடு
குறுநகை புரிந்திடும் சேய்.

அருமை!

அசை பிரித்துக் காட்டி உள்ளதும் சிறப்பு.

தொடர்ந்து எழுதுக. மற்றவர்களையும் எழுத ஊக்கப் படுத்துக.

.

மிக்க நன்றி ஐயா தொடர்ந்திடுவேன்

யாதுமானவள் · யாதுமானவள் Wed Jul 07, 2010 2:19 pm

வணக்கம் அய்யா! தங்கள் நலம் காப்பீர்!

பலவித மனநிலை அழுத்திடும் நிலையினில்

இலக்கணப் பிழையுடன் படைப்புகள் கொடுத்ததிவ்

இளமக ளெனைப்பொறுப் பாய்!

********

உலவிடும் மழலைகள் அமுதுணும் அழகிணை

உலகினில் அழகிய பொருளென நினைத்திடும்

நிலவுமிழ் ஒளியிலும் இல்லை.

***********

நிலத்தினில் விழுந்திடும் நிலவொளி இனித்திட

நிலவினை படைத்தது இருளினில் எவரென

பலவித வியப்பொடு நான்.

************

மனமொடு நினைவென நினைவொடு சுகமென

தனமொடு வளமென வளமொடு மகிழ்வென

உனக்கொரு வழிவரும் காண்!

*********

அன்புடன்

யாதுமானவள்

(சகோதரர் வழிப்போக்கனார்க்கு,

தனிமடலில் என் தவறுகள் சுட்டிக்காட்டிய தங்கள் கண்ணிய முறைக்கு என் நன்றிகள்.)

குணமதி · குணமதி Wed Jul 07, 2010 6:11 pm

எதுவுமா கினவரின் இனியபா வெலாமுமே
புதுதமிழ்ப் பொலிவுறும் மதுவென உரைப்பனே!
விதுப்புற புகழுவன் யான்.

தமிழநம்பி · தமிழநம்பி Wed Jul 07, 2010 6:35 pm

யாதுமானவர்க்கு,

அருமை! மிக மகிழ்ச்சி!

சரியாகப் புரிந்து கொண்டுத் திருத்தமாக, அதுவும் விடைகூறும் கருத்தமைத்து எழுதி வியப்பிலாழ்த்தி விட்டீர்கள். மற்ற மூன்று பாடல்களும் கருத்தொடு அமைந்து பொலிகின்றன.

பலவித மனநிலை அழுத்திடும் நிலையினில்

இலக்கணப் பிழையுடன் படைப்புகள் கொடுத்தயிவ்

இளமக ளெனைப்பொறுப் பாய்!

********

உலவிடும் மழலைகள் அமுதுணும் அழகிணை

உலகினில் அழகிய பொருளென நினைத்திடும்

நிலவுமிழ் ஒளியிலும் இல்.

***********

நிலத்தினில் விழுந்திடும் நிலவொளி இனித்திட

நிலவினை படைத்தது இருளினில் எவரென

பலவித வியப்பொடு நான்.

************

மனமொடு நினைவென நினைவொடு சுகமென

தனமொடு வளமென வளமொடு மகிழ்வென

உனக்கொரு வழிவரும் காண்!

மிக்க மகிழ்ச்சி!
நன்றி.

தமிழநம்பி · தமிழநம்பி Wed Jul 07, 2010 6:39 pm

குணமதியார்க்கு, * எதுவுமா கினவரின் இனியபா வெலாமுமே
புதுதமிழ்ப் பொலிவுறும் மதுவென உரைப்பனே!
விதுப்புறப் புகழுவன் யான்.

அழகுற கருத்தமைத்து நன்றாக எழுதியிருக்கிறீர்கள். பாராட்டு.

Sponsored content · Sponsored content

மரபுப் பா பயிலரங்கம்

மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

மறுபடி முயன்றது.... :)

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

Re: மரபுப் பா பயிலரங்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக