சூரிய ஒளியில் தயாரான'முட்டை விளக்கு'

**இளமாறன்** · **இளமாறன்** Tue Mar 02, 2010 11:12 pm

சூரிய ஒளியில் தயாரான'முட்டை
விளக்கு'

பெங்களூரு:பல்முனைப் பயன்பாட்டுடன் கூடிய குறைந்த எடை
கொண்ட, "முட்டை விளக்கு,' கிராமப்புறங்களில் பயன்படக் கூடிய வகையில்
தயாரிக்கப்பட்டுள்ளது. இது முற்றிலும் சூரிய சக்தித்திறனால் எரியக்கூடியது."கோடக்
உர்ஜ் பிரைவேட் லிமிடெட்' என்ற தனியார் நிறுவனம் இந்த விளக்கைத் தயாரித் துள்ளது.
கிராமங்களில் பயன்படுத்தப்படும் மண்ணெண்ணெய் விளக்குக்குப் பதிலாக, இந்த விளக்கைப்
பயன்படுத்தலாம். இதில் வெளிச்சத்தைக் கூட்டிக் குறைக்கும் வசதி இருக்கிறது. இதனால்
இரவு விளக்காகவும், வீட்டு விளக்காகவும், படிப்பதற்காகவும் இதைப் பயன்படுத்திக்
கொள்ள முடியும்.இதற்கு, "முட்டை விளக்கு' (எக் லேம்ப்) என்று பெயரிட்டிருக்கிறது
கோடக் உர்ஜ் நிறுவனம். இந்த விளக்கின் மொத்த எடை 2.2 கிலோ மட்டுமே. இதனுடன் மொபைல்
போன் சார்ஜ் செய்யும் வசதியும் உண்டு. இதில் இணைக்கப்பட்டுள்ள, "ஸ்பீக்கர்' மூலம்
எப்.எம்., கேட்டு மகிழலாம்.

இந்த விளக்கை சுவரில், வீட்டின் உட்கூரையில்
பொருத்தலாம். ஏதாவது ஒரு கொக்கியில் மாட்டித் தொங்கவும் விடலாம். கையோடு எடுத் தும்
செல்லலாம். இதன் விலை 1,500 ரூபாய்க் கும் குறைவாக இருக்கும் என்று தெரிகிறது.இந்த
விளக்கு, பயன்பாட்டைப் பொறுத்து, ஆறிலிருந்து 12 மணி நேரம் வரை எரியும்.
கிராமப்புறங்களில் இந்த விளக்கை எமர்ஜென்சி விளக்காகப் பயன்படுத்தலாம். இந்த
விளக்கு 25 வோல்ட் பல்பின் மின்வெளிச்சத்தை போல இருக்கும். இது மண்ணெண்ணெய்
விளக்கைப் போல புகையைக் கக்கி அதனால் சுவாசப் பிரச்னையை அளிக்காது. சுகாதாரத்துக்கு
உகந்தது. இந்த விளக்கு இம்மாத இடையில் விற்பனைக்கு வரும் என்று தெரிகிறது.

கோவை ராம் · கோவை ராம் Wed Mar 03, 2010 1:25 pm

இது solar lantern என்ற பெயரில் 20 ,30 வருடங்களாக பயன்பாட்டில் இருந்து வருகிறது.கிட்ட தட்ட 100 நிருவனங்கள் இதனை தயார் செய்கின்றனர் .வேளை செய்வதும் 3,4 மணி நேரம் மட்டுமே