வீட்டில் வளர்ப்பு பிராணிகள் ....

கேள்வி - வீட்டில் வளர்ப்பு பிராணிகள் வைத்துக் கொள்ளலாமா? நாங்கள் ஒரு ப+னை வளர்த்து வந்தோம் அது எங்கோ போய் விட்டது. இப்போது ஒரு கூண்டில் கிளி வளர்க்கிறோம். இது சரியா? தவறா? ஏன்று ஹதீஸ் ஆதாரத்துடன் விளக்கவும்.
ஆடு - மாடு - கோழி போன்றவற்றை வளர்க்கலாம் என்ற பொதுவான அனுமதியிலிருந்தே தடை செய்யப்படாத பிராணிகள் வீட்டில் இருக்கலாம் என்பதை விளங்கலாம். செல்லப்பிராணியாக வீட்டில் இருக்கக் கூடாது என்ற தடை நாய்க்கு மட்டுமே வந்துள்ளது.
வேட்டை நாய் - பயிர்களை காக்கும் நாய் - கால் நடைகளை காக்கும் நாய் இவற்றிர்க்கு தவிர வேறு எதற்காகவும் வீட்டில் நாய் வளரக்கக் கூடாது. இந்த தேவைகளின்றி நாய் வளர்த்தால் வளர்ப்பவர்கள் தினமும் தங்கள் நன்மையிலிருந்து ஒரு கிராத் (மிகப்பெரிய அளவில்) நன்மையை இழக்கிறார்கள் என்பது நபிமொழி. (அப்துல்லாஹ் பின் முகப்பல்(ரலி) புகாரி, திர்மிதி, அபூதாவூத், நஸயி)
நாய்கள் இருக்கும் வீட்டில் (அருள் வளம் மிக்க) மலக்குகள் வரமாட்டார்கள் என்பதும் நபிமொழி (அபூஹ_ரைரா(ரலி) அபூதாவூத் - புகாரி)
எனவே நாயை தவிர்த்து பூனை - கிளி போன்றவற்றை வளர்க்க தடையில்லை. ஆனாலும் அந்த உயிரினங்கள் மீதான அக்கறை இருக்க வேண்டும்.
உணவு கொடுக்காமல் ஒரு பூனையை கட்டிப்போட்டு சித்திரவதை செய்த கிழவி ஒருத்தி இறைவனால் தண்டிக்கப்பட்டாள் என்று நபி(ஸல்) கூறிவிட்டு அந்த பூனைக்கு அவள் உணவும் கொடுக்கவில்லை. அதுவாக புழு பூச்சிகளை தேடி பசியை போக்குவதற்கும் அனுமதிக்கவில்லை என்றார்கள். (புகாரி)
அதே போன்று கால் நடைகளுக்கு வடுக்களை ஏற்படுத்துவதையும் நபி(ஸல்) தடுத்துள்ளார்கள்.
பசி - தாகம் - வேதனை இவற்றை முறையிட முடியாமல் படைக்கப்பட்டுள்ள பிராணிகளை வளர்ப்பவர்கள் அவற்றை முறையாக பராமரிக்கும் மனப்பக்குவத்தைப் பெற்றிருக்க வேண்டும். அவ்வாறு இருந்தால் செல்ல பிராணிகளை வைத்துக் கொள்வதை இஸ்லாம் தடுக்கவில்லை. பறவைகளுக்கும் இதே அளவு கோல்தான். பாதுகாப்பிற்காக கூண்டில் அடைக்கலாம் ஆனால் அது தண்டனையாக மாறிவிடக் கூடாது. கவனம் தேவை.