பிரபாகரனின் உடல் கிடைத்தது : ராணுவம்

**Tamilzhan** · **Tamilzhan** Tue May 19, 2009 1:36 pm

பிரபாகரனின் உடல் கிடைத்தது-ராணுவம்

பிரபாகரனின் உடல் கிடைத்தது : ராணுவம் 19prabhakaranbody200

கொழும்பு: விடுதலைப் புலிகளின் தலைவர் பிரபாகரனின் உடல் இன்று காலை கிடைத்ததாக இலங்கை ராணுவம் அறிவித்துள்ளது.

அவரது தலையில் குண்டு பாய்ந்த நிலையில் கிடக்கும் வீடியோவையும் ராணுவம் வெளியிட்டுள்ளது.

நந்திக்குளம் என்ற இடத்தில் அவரது உடல் இன்று காலை கண்டுபிடிக்கப்பட்டதாக ராணுவ செய்தித் தொடர்பாளர் உதய நயனகாரா கூறியுள்ளார்.

தனது இயக்க உடையில் உள்ள பிரபாகனின், தலையில் குண்டு பாய்ந்துள்ளது. அதை மறைக்க தலையில் ராணுவத்தினர் ஒரு தொப்பியை வைத்துவிட்டு வீடியோவை எடுத்துள்ளனர்.

நந்திக்குளம் என்ற ஒரு சிறிய தீவுத் திட்டில் நீர் நிறைந்த புல் வெளியில் அவரது உடல் கிடந்ததாகவும் ராணுவம் கூறியுள்ளது. உடலை ஸ்ட்ரெச்சரில் வைத்து எடுக்கப்பட்ட அந்த வீடியோவை இலங்கை அரசின் தொலைக்காட்சி ஒளிபரப்பி வருகிறது.

இது குறித்து இந்தியத் தொலைக்காட்சிக்கு பேட்டியளித்த ராணுவ செய்தித் தொடர்பாளர் உதய நயனகாரா, நேற்றே பிரபாகரன் சுட்டுக் கொல்லப்பட்டுவிட்டதாகவும் இன்று தான் உடல் மீட்கப்பட்டதாகவும் கூறினார்.

நேற்று பிரபாகரன் ஒரு வேனில் தப்ப முயன்றபோது இடைமறித்து தாக்குதல் நடத்திக் கொன்றதாகவும் உடலை மீட்டதாகவும், டிஎன்ஏ சோதனைக்காக ஹெலிகாப்டரில் கொழும்பு கொண்டு சென்றுள்ளதாகவும் கூறிய ராணுவம், இன்று தான் உடல் மீட்கப்பட்டுள்ளதாகக் கூறுவது ஏன் என்று நயணகாராவிடம் கேட்டதற்கு,

அப்படிப்பட்ட செய்தியை நேற்று ராணுவம் கூறவே இல்லை. சில மீடியாக்கள் தான் அப்படி செய்தி வெளியிட்டன. உடல் இன்று தான் மீட்கப்பட்டது என்றார்.

செய்திகள் : தட்ஸ்தமிழ்

பிரபாகரனின் உடல் கிடைத்தது : ராணுவம்

பிரபாகரனின் உடல் கிடைத்தது : ராணுவம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக