பள்ளிக்கூடக் கல்வி, மார்க்கக் கல்வி இரண்டில் எது நமக்கு சிறப்பு..?

கேள்வி : நடைமுறை - பள்ளிக்கூடக் கல்வி, மார்க்கக் கல்வி இரண்டில் எது நமக்கு சிறப்பு..?

இஸ்லாம் கல்வியை நடைமுறைக் கல்வி, மார்க்கக் கல்வி என்றெல்லாம் எங்குமே வேறுபடுத்திப் பார்க்கவுமில்லை, காட்டவுமில்லை. 'கல்வி இரண்டல்ல ஒன்றே" என்பதுதான் இஸ்லாத்தின் நிலைப்பாடு. எங்கோ நடந்த தவறுகளின் காரணமாக இந்தியா போன்ற நாடுகளில் கல்வி இரண்டாகப் பிரிக்கப்பட்டு விட்டது. மேற்கத்திய கல்வி மோகத்தால் இஸ்லாமிய சமுகத்தில் ஏற்பட்டுள்ள கெடுதிகள் ஒரு விதம் என்றால் மார்க்கம் கற்கிறோம் என்ற பெயரில் மதரஸாக்களில் பல வருடங்களை வீணடித்து விட்டு வருபவர்களால் மார்க்கத்தின் பெயரால் நிறைய கெடுதிகள் உருவாகியுள்ளன.

மார்க்கக் கல்வி கற்றவர்களுக்கு உலகக் கல்வியின் மீது வெறுப்பு, 'இது மார்க்கத்திற்கு முரணான இறைவனின் கோபத்திற்குறிய கல்வி" என்பது இவர்களின் நிலைப்பாடு.

உலகக்கல்வி கற்றவர்களுக்கு மாரக்கக் கல்வி கற்று வெளி வருபவர்களை பார்க்கும் போதெல்லாம் 'இது என்ன கல்வி முறை.. உலகக் கல்வி அற்ற நிலையில் எங்காவது ஒரு மஸ்ஜிதில் குறைந்த வருமானத்திற்காக மார்க்க வியாபாரம் செய்யும் இந்த கல்விதான் இஸ்லாமியக் கல்வியா.. அது எங்களுக்கு வேண்டவே வேண்டாம்." என்பது அவர்களின் சிந்தனை

பனிப் போரான இந்த கல்விப் போராட்டத்தில் நம் சமூகத்தின் இளைய சமுதாயம் எண்ணிக்கையில் அடங்காத அளவுக்கு பாழ்படுத்தப்பட்டுள்ளது. இரு துருவங்களாக நிற்கும் இந்த கல்வி முறையை 'எது சரியான கல்வித் திட்டம்" என்ற நமது இணையத்தள தொடர் கட்டுரை அலசுகிறது. மேலதிக விளக்கம் அந்த கட்டுரைத் தொடரில் கிடைக்கும் இன்ஷா அல்லாஹ்.

பகிர்வுக்கு மிக்க நன்றி நண்பா