ஆணும் பெண்ணும் அறிந்து கொள்ள வேண்டிய ரகசியங்கள்!

ஒவ்வொரு ஆணும் பெண்ணும் தினசரி வாழ்வில் செய்ய வேண்டியவற்றை முறையாக செய்து வந்தால் அவர்களுக்குப் பிறக்கும் குழந்தையும் நல்ல குணத்துடன் அமைகிறது.

அவ்வாறு செய்யாமல் தன் விருப்பத்திற்கு ஏற்றபடி நடந்து வந்தால் பிறக்கும் குழந்தையும் வேண்டாத குணங்களுடனும், உடல் ஊனத்துடனும் பிறக்கிறது.

எனவே ஆணும், பெண்ணும் என்ன செய்ய வேண்டும், என்ன செய்யக் ஊடாது என்பதையும், ஆண் பெண் குழந்தை பிறக்கும் காரணம் மற்றும் குழந்தை ஊனமுடனும், குள்ளமாயும், நோயுடனும் பிறப்பதற்குரிய காரணங்களும் இங்கு விளக்கவுள்ளேன்!

இதனால் நோய் இல்லாத நல்ல அறிவுடன் கூடிய ஆண், பெண் குழந்தைகள் உருவாகும். வீடு நலம் பெறுவதுடன் நாடும் நலம் பெறும். குற்றங்கள் குறையும்.

இன்றைய அவசர உலகில் கணினி யுகத்தில் கிடைத்ததை உண்டு, இருக்கின்ற இடத்திற்கு தகுந்தார் போல் வாழ்ந்து, குழந்தைகள் பெற்று அவற்றைப் படிக்க வைத்து கை நிறைய சம்பாதிக்க வேண்டும் என்ற மனப்பான்மையே முன்னணியில் உள்ளது. இதில் தவறு ஏதும் இல்லை.

செல்வத்தை இகழக் ஊடாது. செல்வம் சேர்க்க வேண்டும். சேர்க்கத்தான் வேண்டும். ஆனால் அதுவே வாழ்க்கை ஆகிவிடாது. வாழ்க்கையில் தெரிந்து கொள்ள வேண்டியவை மிக அதிகம். ஆனால் அவற்றை எல்லாம் தெரிந்து கொள்ள வாழ்நாள் போதாது. எனினும் தெரிந்து கொள்ள வேண்டிய முக்கியமான சிலவற்றை தெரிந்து கொண்டே ஆகவேண்டும். அதன் சுருக்கம்தான் இந்தக் கட்டுரை ஈகரை தமிழ் களஞ்சியத்தில் என் இனிய உறவுகளுக்காக எழுத என்னைத் தூண்டியது.
இது பழங்கதை அல்ல. முற்காலத்தில் நம் முன்னோர்கள் பலவித பழக்க வழக்கங்களை ஏற்படுத்தி உள்ளார்கள். இவை விஞ்ஞான பூர்வமனவை. சுகாதரத்தை அடிப்படையாக கொண்டவை.

நெருப்பும் தண்ணீரும் அண்டப் பகுதியில் ஆண், பெண் தன்மை உடையது என்பார்கள். நெருப்பானது ஜீவாம்சமான தன்மையில் ஆணாகவும், தண்ணீர் சரீராம்சமான (உடல்) தன்மையில் பெண்ணாகவும் அமைந்து நின்று நெகடிவ், பாசிடிவ் என்ற இரண்டு பெரிய சக்தி உடையவைகளாகி இயங்குகின்றன.

வைத்தியர்கள் நாடி பிடித்துத் தாது பார்க்கும் போது நெகடிவ், பாசிடிவ் என்ற காந்த சக்தி ஆண் பெண் பேதத் தன்மையில் அமைந்திருப்பதை கருதியே ஆண்களுக்கு வலது கையையும், பெண்களுக்கு இடது கையையும் பிடித்துப் பார்க்கின்றனர்.

மேலும் திருமண காலத்தில் ஆணின் வலது கையையும், பெண்ணின் இடது கையையும் ஒன்று சேர்ப்பது இந்த நெகடிவ், பாசிடிவ் என்ற காந்த சக்தியின் தன்மையை உணர்ந்து செய்கின்ற காரியமே ஆகும். திருமணத்தில் இந்த சடங்கு "பாணிக்கிரகணம்" எனப்படுகிறது.

திருமணத்தின் போது "மாங்கல்ய தாரணம்" ஆனவுடன் அதாவது தாலி கட்டி முடிந்தவுடன் திருமணம் முடிந்து விட்டதாக சிலர் நினைக்கின்றனர். ஆனால் இது சரியல்ல. உண்மையில் திருமணம் எப்பொழுது நிறைவுபெறுகிறது தெரியுமா? அடுத்து வரும் "பாணிக்கிரகணம்", "சப்தபதி" ஆகிய இரண்டு சடங்குகள் முடிந்த பிறகுதான்.

நம் முன்னோர்கள் மிக நல்ல வாழ்விற்கு தேவையான வழக்க வழக்கங்களை ஏற்படுத்தி வைத்தார்கள். மனிதர்கள் புதிதாக ஆரம்பிக்கும் எந்தக் காரியமும் "பழக்கம்" ஆகும். அப் பழக்கத்தை தொடந்து செய்து வருவது "வழக்கம்". எனப்படும். இதுவே பழக்க வழக்கம் என ஆனது. அதில் இரு சிலவற்றை மட்டும் அடுத்து வரும் பகுதிகளில் எழுதுகிறேன்.