வஞ்சி(ச) மகள்

**Aathira** · **Aathira** Mon Mar 01, 2010 10:31 am

வஞ்சி(ச) மகள்...

வருந்தி அழைத்தாலும்
வழக்கிட்டுக் கேட்டாலும்
கன்னடத்து நஞ்சையதில்
தங்கிவிட்ட
வஞ்சி(ச)மகள் காவிரிதான்
என்நெஞ்சத்துக்
கவிமகளோ!
சிந்தித்துப் பார்த்துவிட்டேன்
நிந்தித்தும் பார்த்துவிட்டேன்
சந்தத்தில் வந்தவளோ
சரளமாக வருவதில்லை!!

திட்டிஅழைத்தாலும் நடுவர்மன்ற
தீர்ப்பென்ன சொன்னாலும்
தீரேன்உன் வேட்கையென
கொட்டி முழக்கமிடும்
கர்(நாடக)ப் பத்தினிபோல்
பழந்தமிழே நீயிருந்தால்
பட்டுடுத்திப் பார்த்தவள்நான்
கட்டழகிதான் உனக்கு
சல்வாரும் கம்மீசும்
கால்சட்டயாம் ஜீன்சோடு
குதிகாலில் ஹைஹீல்சும்
சேர்த்தழகு செய்வதெவன்????

கட்டுக்குள் அவளஅடங்கி
கதிகலங்க வேண்டாமே
க(ன்)னித்தமிழ் நிலங்கடந்து
காலாற நடைபயின்று
கடல் அடைய நாம் நினைத்தால்
அணைக்கட்டில் அடங்குவதே
ஆத்மாசுகம் என்றுரைக்கும்
காவிரிபோல்
பைந்தமிழே!!
சங்கத்தில் நீ இருந்தால்
சாதனைகள் செய்வதெவன்??
சிறகுனக்கு செய்தளிப்பேன்
சிட்டாகநீ பறக்க
எதுகை மோனை முரணென்ற
தளை(டை)யில்லாத் தேரேற்றி
தொடுவானம் செலுத்திடுவேன்

அளவின்றி அதிகமாக
அவள்மடிதான் சுரந்துவிட்டால்
அன்பின்றி அவிழ்த்துவிடும்
அரக்கர்களை அரவணைத்து
அமுதள்ளித் தருவதுவே
குடகுமலைக் கொடி(ய)அவளின்
குலப்பெருமை என்பதுபோல்
கன்னல்மொழி கவிப்பெண்ணே!
எழுதிக்குவிக்கின்ற கவிஞர்களே
உறவென்று இசைக்கின்றாய்
எழுகின்ற புதுக்கவிஎன்
இழுப்புக்கு எதிர்நின்றாய்!!

கொங்கைவடி சுவையமுதை
அங்குமிங்கும் காட்டிவிட்டு
பருகுமுன்னே பறந்துவிடும்
காவிரிதத பாவை(வி)யைப்போல்
புதுமைஎன்ற கவிமகளே நீ
உத்திகளால் எனைக்கவர்ந்தாய்
எண்ணுகின்ற போதெல்லாம்
புத்தியிலே வட்டமிட்டாய்
ஏடெடுத்து எழுதிவிட
நான் துணிந்தேன்
இரக்கமின்றி வரமறுத்தாய்!!!!

ஆதிரா

prabumurugan · prabumurugan Mon Mar 01, 2010 10:38 am

கடைசியா வரமாட்டால்னு சொல்லிடிங்களே வஞ்சி(ச) மகள் 67637

**Aathira** · **Aathira** Mon Mar 01, 2010 10:40 am

prabumurugan wrote:கடைசியா வரமாட்டால்னு சொல்லிடிங்களே

அது எனக்குத்தான் நண்பா. நீங்க அழாதீங்க
நன்றி

சபீர் · சபீர் Mon Mar 01, 2010 10:41 am

அக்கா உங்கள் கவிதை எல்லமே அருமையிளும் அருமை

prabumurugan · prabumurugan Mon Mar 01, 2010 10:46 am

Aathira wrote:
prabumurugan wrote:கடைசியா வரமாட்டால்னு சொல்லிடிங்களே

அது எனக்குத்தான் நண்பா. நீங்க அழாதீங்க
நன்றி

என்ன உங்களுக்குத்தான் காவிரி வரமறுத்தால்
நான் மட்டும் அல்ல
என்மக்களும் அழுவார்கள்

இந்தகவிதையின் கருத்தென்ன

**Aathira** · **Aathira** Mon Mar 01, 2010 10:48 am

சபீர் wrote:அக்கா உங்கள் கவிதை எல்லமே அருமையிளும் அருமை

ரசிக்கற உள்ளத்தைவிட எதுவும் அழகாக அமைந்துவிடுவதில்லை அன்புத்தம்பி சபீர். உங்கள் ரசிக மனத்திற்கு, வாழ்த்துக்கும் நன்றி. வஞ்சி(ச) மகள் 154550

ஆதிரா

**Aathira** · **Aathira** Mon Mar 01, 2010 10:53 am

காவிரி
மாதிரியே என் அன்னைத் தமிழ் கவிதையும் என்னுடன் பிணக்கு கொள்கிறது என்று
குறிக்கிறேன். காவிரி தமிழகத்துக்கு வர மறுக்கிறது கவிதை ஆதிராவுக்கு வர
மாறுகிறது தண்டாயுதபாணி விளக்கம்போதுமா?

சரவணன் · சரவணன் Mon Mar 01, 2010 10:56 am

.

**ராஜா** · **ராஜா** Mon Mar 01, 2010 11:38 am

அருமை அருமை ஆதிரா அவர்களே , சிறு வயதில் ஓடி விளையாடிய காவிரி கரைகளை , தற்போது google earth-தில் தான் பார்க்க முடிகிறது என்னால். உங்கள் கவிதை என்னுடைய சில நினைவுகளை தட்டி எழுப்பிவிட்டது. வஞ்சி(ச) மகள் 678642

**Aathira** · **Aathira** Mon Mar 01, 2010 11:48 am

ராஜா wrote:அருமை அருமை ஆதிரா அவர்களே , சிறு வயதில் ஓடி விளையாடிய காவிரி கரைகளை , தற்போது google earth-தில் தான் பார்க்க முடிகிறது என்னால். உங்கள் கவிதை என்னுடைய சில நினைவுகளை தட்டி எழுப்பிவிட்டது.

காவிரிக்கரையில் சிந்து பாடிய தங்கள
பழைய நினைவுகளைத தூண்டி கானல்வரி படசெய்து விட்டேனோ . நினைவுகள் அதுவும்
பழைய நினைவுகள் இன்பமாக உலாவர உதவும் இனிய தேர் அல்லவா? சற்று நேரம
உலாவி சுகம் கொள்ளுங்கள் ராஜா வஞ்சி(ச) மகள் 154550

அன்புடன்
ஆதிரா

Sponsored content · Sponsored content

வஞ்சி(ச) மகள்

வஞ்சி(ச) மகள்

Re: வஞ்சி(ச) மகள்

Re: வஞ்சி(ச) மகள்

Re: வஞ்சி(ச) மகள்

Re: வஞ்சி(ச) மகள்

Re: வஞ்சி(ச) மகள்

Re: வஞ்சி(ச) மகள்

Re: வஞ்சி(ச) மகள்

Re: வஞ்சி(ச) மகள்

Re: வஞ்சி(ச) மகள்

Re: வஞ்சி(ச) மகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக