சென்றதை நினைத்து கவலை எதற்கு?

சென்றதை நினைத்து கவலை எதற்கு? -
சாய்பாபா





*
ஆடம்பரமின்றி எந்தச் செயலையும் செய்ய வேண்டும். ஆடம்பரம் என்பது அரக்க குணம்.
பொருள் உள்ளவன் செய்யும் ஆடம்பரத்தைக் கண்டு, இல்லாதவன் ஏக்கம் கொள்கிறான். இதனால்
விருப்பு வெறுப்பு உண்டாகிறது.
* பிறருக்கு நம்மால் முடிந்த சேவைகளைச் செய்வதால்
மனஅமைதி உண்டாகிறது. தன்னலத்தை மட்டும் கருத்தில் கொண்டு பொருள் சேர்ப்பவர்களுக்கு
வாழ்வில் சுகம் உண்டாகலாம். ஆனால், ஆத்மசுகம் என்னும் தெய்வீக நிலை சேவையால்
மட்டுமே கிடைக்கிறது.
* சென்றதைப் பற்றிக் கவலைப்படாமல் இருக்க வேண்டும்.
கடந்ததை மீண்டும் பெற இயலாது. வருங்காலம் என்பது நம் கையில் இல்லாதது. நிகழ்காலம்
ஒன்று தான் நம்கையில் இருப்பது. அதை பயனுள்ள வகையில் கழிப்பதே அறிவுடைய
செயலாகும்.
* வேறொன்றையும் நீங்கள் செய்ய வேண்டாம். அன்பை மட்டும் வளர்த்துக்
கொள்ளுங்கள். மனிதன்
ஒவ்வொருவனும் கடவுளின் குழந்தை என்ற உண்மையை உணர்ந்து
யாருக்கும் சிறுதீங்கு கூட எண்ணாதீர்கள். பிறருடைய கருத்துக்களுக்கு மதிப்பு
கொடுங்கள். அவர்களுடைய சுதந்திரத்தில் தலையிடாமல் இருப்பது தான் மேலான பண்பு.
*
உங்களிடம் அன்பின் ஊற்று இல்லையென்றால், பூசை வழிபாடு போன்ற கருவிகளைக் கொண்டு
உள்ளத்தில் பள்ளம் தோண்டுங்கள். அன்பு ஊற்றெடுக்கும். உங்களைச் சுற்றிலும்
தெய்வீகமணம் கமழத் தொடங்கும்.
* அன்பினை நெஞ்சில் விதையுங்கள். அன்பையே எங்கும்
பரப்புங்கள். அன்பினையே அறுவடை செய்யுங்கள். அன்பைவிட மேலான மதம் வேறெதுவும் இல்லை.
அன்பின் வியாபகமே கடவுளிடம் நம்மைச் சேர்க்கவல்லது.
* நம் முதல்பணி, நம் கடமையை
அறிவதே. அது வெற்றி தருமா, தோல்வியில் முடியுமா என்று சிந்தித்துக் கொண்டே இருக்கக்
கூடாது. வெற்றி தோல்வியை கடவுளிடம் விட்டுவிட வேண்டும்.இம்மனப் பான்மையை வளர்த்துக்
கொண் டால் வெற்றி தோல்விகள் நம்மை பாதிக்காது.

அருமை