தேன் இருக்க கவலை எதற்கு?

**சிவா** · **சிவா** Sun 5 Feb 2023 - 17:13

* தேனில் ஊற வைத்த நெல்லிக்காயை, தினமும் ஒன்று வீதம் சாப்பிட்டு வர, நுரையீரல், இதயம் பலப்படும்

* தினமும் காலையில் எழுந்தவுடன், வெதுவெதுப்பான நீரில் எலுமிச்சை சாறுடன் தேன் கலந்து குடித்தால், உடலில் தேங்கியுள்ள, 'டாக்ஸின்'கள் - நச்சுப் பொருட்கள் வெளியேற்றப்பட்டு, உடல் புத்துணர்ச்சியுடன் இருக்கும்

* குளிர் காலத்தில் உணவில் சர்க்கரையின் அளவை குறைத்து, தேனை சேர்த்துக் கொண்டால், வறட்டு இருமல், தொண்டைப் புண் போன்றவை ஏற்படாது

* கடலை மாவுடன் தேன் சேர்த்து குழைத்து முகத்தில் தடவி, காய்ந்ததும் கழுவவும். இதுபோல், மூன்று நான்கு முறை செய்ய, வியக்கத்தக்க மாற்றம் அமையும்

* நன்னாரி வேரை பொடியாக்கி தேனில் கலந்து, தினமும் சாப்பிட்டு வர, மஞ்சள் காமாலை குறையும்

* நெல்லிக்காய், ஏலக்காய் இவற்றை நிழலில் காய வைத்து பொடி செய்து தேன் கலந்து சாப்பிட, இருமல் நீங்கி விடும்

* வாழைத்தண்டை உலர்த்தி, பொடி செய்து தேன் கலந்து சாப்பிட்டு வர, காமாலை நோய் குணமாகும்

* அத்திப்பழத்துடன் தேன், சிறிதளவு உப்பு சேர்த்து சாப்பிட்டு வந்தால், கருச்சிதைவை தடுக்கலாம்

* பால் புகட்டும் தாய்மார்கள், தினமும் மூன்று வேளை பசும்பாலில் தேனும், நான்கு பூண்டு பற்களும் சேர்த்து பருகி வர, தாய்ப்பால் தாராளமாக சுரக்கும்

* வெந்நீரில், நான்கு மிளகு, சிறிது சீரகம் சேர்த்து கஷாயம் செய்து, தேன் கலந்து குடித்து வர தொண்டைக்கட்டு குணமாகும்

* இஞ்சி சாறு, எலுமிச்சை சாறு மற்றும் தேன் கலந்து சாப்பிட்டு வர, மார்பு வலி குணமாகும்

* சீரகம், திப்பிலி, 20 கிராம் எடுத்து, நன்றாக அரைத்து தேனில் கலந்து உட்கொண்டால், விக்கல் உடனே நின்று விடும்

* இஞ்சியை நறுக்கி தேனில் ஊற வைத்து, 48 நாட்கள் சாப்பிட்டு வர, உடலில் நோய் எதிர்ப்பு சக்தி அதிகரிக்கும்

* காலையில் வெறும் வயிற்றில் ஒரு தேக்கரண்டி தேனும், அதே அளவு இஞ்சி சாறும் கலந்து சாப்பிட்டு வர, கை, கால் நடுக்கம் கட்டுப்படும்

* பாலில் தேன் சேர்த்து, வளரும் குழந்தைகளுக்கு கொடுத்து வந்தால், அவர்களுடைய உடல் வளர்ச்சி சீராக இருக்கும்.

- எஸ். சீதாலட்சுமி
வாரமலர்

**T.N.Balasubramanian** · **T.N.Balasubramanian** Sun 5 Feb 2023 - 20:22

தேனின் பலாபலன்களை கண்டு மகிழ்ந்தேன்
எல்லா வித பொருள்களுக்கும் ஒரு முடிவு தேதி (expiry date ) உண்டு.
தேனுக்கு மட்டும் கிடையாது.

Code:: தேனுடன் நெய் கலந்து உண்ணுதல் விஷம் என பராபரியாக காதில் விழுந்த செய்தியும் உண்டு. இது உண்மைதானா ? தெரிந்தவர் கூறலாம்.

**சிவா** · **சிவா** Mon 6 Feb 2023 - 2:05

T.N.Balasubramanian wrote:
Code:
தேனுடன் நெய் கலந்து உண்ணுதல் விஷம் என பராபரியாக காதில் விழுந்த செய்தியும் உண்டு. இது உண்மைதானா ? தெரிந்தவர் கூறலாம்.

எதோடு எதைச் சேர்த்து சாப்பிடக் கூடாது?

* தயிருடன் கீரையை சேர்த்து சாப்பிடக் கூடாது. இரண்டுமே செரிமானமாக அதிக நேரம் எடுத்துக்கொள்ளும். தூங்கச் செல்வதற்கு முன்னரும் கீரை, தயிரை உணவோடு சேர்த்துக்கொள்ளக் கூடாது. அதேபோல கீரையை அதிக நேரம் வேகவைக்கக் கூடாது. சமைத்த மூன்று மணி நேரத்துக்குள் சாப்பிட்டுவிட வேண்டும். இல்லையென்றால், அதிலுள்ள சத்துகள் வீணாகி விடும்; செரிமானமும் கடினமாகும்.

* வெண்கலப் பாத்திரத்தை நெய் வைக்கப் பயன்படுத்தக் கூடாது. நெய்யை உருக்காமல் சாப்பிடக் கூடாது. சாப்பிடுவதற்கு முன்னர் சூடுபடுத்தி, எண்ணெய் மாதிரியாக்கித்தான் பயன்படுத்த வேண்டும் அல்லது சூடான உணவில் சேர்த்துச் சாப்பிட வேண்டும். அப்படிச் சாப்பிடும்போது நெய்யும் எளிதில் செரிமானமாகும், உணவு எளிதாக செரிமானமாகவும் உதவும்.

* தேனையும் நெய்யையும் ஒன்றாகக் கலந்து சாப்பிடக் கூடாது. தேனை சூடான உணவுடன் சேர்த்தோ, சூடு செய்தோ சாப்பிடக் கூடாது. அப்படிச் சாப்பிட்டால் அதிலுள்ள சத்துகள் கிடைக்காது.

* பழங்களைத் தனியாகத்தான் சாப்பிட வேண்டும். உணவோடு சேர்த்துச் சாப்பிடக் கூடாது. வாழைப்பழம் சாப்பிடும்போது தயிர், மோர் சேர்த்துக் கொள்ளக் கூடாது. உணவுக்குப் பின்னர் வாழைப்பழம் சாப்பிடலாம். வெறும் வயிற்றிலோ, பசியாக இருக்கும்போதோ வாழைப்பழம் சாப்பிடக் கூடாது.

* மீன், கருவாடு சாப்பிடும்போது தயிர், மோர் சேர்த்துச் சாப்பிடக் கூடாது. மீனுடன் பால் சேர்த்து உட்கொண்டால் வெண்புள்ளிகள் வரும் வாய்ப்புகள் உண்டு. எனவே இரண்டையும் சேர்த்து சாப்பிடக் கூடாது.

* கரும்பு தின்றவுடன் தண்ணீர் குடிக்கக் கூடாது. அதேபோல, ஸ்வீட் சாப்பிட்டவுடனும் தண்ணீர் குடிக்கக் கூடாது. வாய் கொப்பளிக்கலாம் அல்லது வெந்நீர் குடிக்கலாம். ஏனென்றால், இனிப்பு குளிர்ச்சியான உணவு; இதனுடன் குளிர்ச்சியான தண்ணீர் சேரும்போது ஜலதோஷம் ஏற்பட வாய்ப்புள்ளது.

* கோதுமையை நல்லெண்ணெயுடன் சேர்த்து சமைத்துச் சாப்பிடக் கூடாது.

* பசலைக்கீரையுடன் எள் சேர்த்து சமைத்துச் சாப்பிடக் கூடாது.

* வெற்றிலை போடும்போது, எண்ணெய் சேர்த்துக்கொள்ளக் கூடாது.

* சாப்பிட்டவுடன் குளிக்கக் கூடாது. மேலும், உடற்பயிற்சி செய்தல், நீந்துதல், சைக்கிள் ஓட்டுதல் போன்ற உடலுழைப்பு உள்ள வேலையை சாப்பிட்ட பின்னர் சுமார் ஒரு மணி நேரம் வரை செய்யக் கூடாது. இது சாப்பிட்ட உணவின் செரிமானத்தைப் பாதிக்கும்.

மேலும், உளுத்தம் பருப்பு, முள்ளங்கி, பால், தேன், துவரம் பருப்பு, முளைகட்டிய பருப்பு வகைகள் ஆகியவற்றில் ஏதேனும் ஒன்றையோ, பலவற்றையோ இறைச்சியுடன் சேர்த்து சமைத்தாலும், சேர்த்து உண்டாலும் உணவு நஞ்சாகும். அதேபோல, உளுந்தும் முள்ளங்கியும் சேர்ந்தாலும் உணவு நஞ்சாகும்" என்கிறார் சித்த மருத்துவர் முத்துலட்சுமி.