மாலைக்கண் நோய் - nyctalopia

மாலைக்கண் நோய்க்கு ஆரம்பத்திலேயே சிகிச்சை செய்யாமல் இருந்தால் பார்வையை முழுவதுமாக இழக்க நேரிடலாம். மாலைக்கண் நோய் ஏற்படுவதற்கு பல காரணங்கள் உள்ளன. அவை வைட்டமின்-ஏ குறைவினாலும் மற்றும் ரெட்டினைட்டிஸ் மிக்மென்ட்டோசா (Retinitis pigmentosa) போன்ற கண் நோய்களினாலும் வருவதாகக் கருதப்படுகிறது.

நம் கண்கள் நுண்மையான மண்டலமாகக் கருதப்படுவதோடு மட்டுமின்றி, அதனை ஒளிப்படக் கருவிக்கு ஈடாக கருதலாம். உருவத்திலிருந்து வரும் ஒளியானது கண்கள் முன்பு உள்ள ஒளி ஊடுருவக் கூடிய விழி வெண்படலம் வழியாக செல்கிறது. பிறகு கண்ணாடி வில்லையில் நுழைந்து, நரம்பு மண்டலமாக கருதப்படும் விழித்திரையின் மேல் விழுகிறது. விழித்திரையிலிருந்து வரும் உருவம், நரம்பு வழியாக சென்று மூளையை அடைந்து பார்வை கிடைக்க வழியை ஏற்படுத்துகிறது. விழித்திரையில் பத்து சிறு சிறு அடுக்குகள் உள்ளன. அதில் ஒரு அடுக்கில் மட்டும் இரண்டு முக்கிய செல்கள் உள்ளன.

அந்த இரு செல்கள் தண்டுகள் மற்றும் கம்பிகள் ஆகும். உருவமும், ஒளியும் விழித்திரையின் மேல் விழுந்த பிறகு வர்ணப் பொருளாகக் கருதப்படும் ரொடோப்ஸின் மற்றும் ஐயோடாப்ஸின் இராசாயன மாறுதலால் ராட்ஸ் மற்றும் கோன் செல்களில் பல மாறுதல்கள் ஏற்படுகின்றன. ராட்ஸ் செல்கள் இரவு நேரத்திலும், கோன் செல்கள் பகல் நேரத்திலும் பார்க்க உதவுகிறது. இந்த, ராட்ஸ் செல்களில் ஏதேனும் குறை இருந்தால் மாலைக் கண் நோய் உண்டாக வாய்ப்பு இருக்கிறது. ராட்ஸ் செல்களுக்கு வைட்டமின்-ஏ குறைவினாலும், ரெட்டினைட்டிஸ் பிக்மென்டோஸா என்ற நோயாலும் குறை ஏற்பட வாய்ப்புள்ளது.

நமது உறுப்புகளுக்கு வைட்டமின் -ஏ என்பது ஒரு முக்கிய சத்துப் பொரு ளாகும். இந்த வைட்டமின்-ஏ விலங்குகளில் ரெட்டினாலகாவும், தாவரங்களில் கரோட்டினாகவும் காணப்படுகிறது. தாவரங்களில் காணப்படும் கரோட்டினை உணவு வழியாக உட்கொள்ளும் பொழுது, அது குடலில் சென்று ரெட்டினாலாக மாறுகிறது. ரெட்டினால் என்ற வைட்டமின்-ஏ ரொடோப்ஸின் என்ற வர்ணப் பொருளை உற்பத்தி செய்து, இரவு நேரத்தில் கண் பார்வை தெரிய வழி வகுக்கிறது. ரொடோப்ஸினில் ஏற்படும் இராசாயன மாறுதல்கள், விழித்திரையை கொண்டு, பார்வையானது நரம்பு மூலமாக மூளையை சென்று அடைகிறது. வலுவான தோல்கள் எலும்பு வளர்ச்சி மற்றும் தொற்று நோய் கிருமிகளிலிருந்து பாதுகாப்பு பெறுவதற்கு வைட்டமின்-ஏ மிகவும் தேவைப்படுகிறது.

இருட்டிய அறையில், பகல் நேரத்திலும், இரவு நேரத்திலும் பார்வை மங்கலாக இருப்பது வைட்ட மின்-ஏ குறைவின் ஆரம்ப நிலையாக கருதப்படும். கண்ணில் ஒளி ஊடுருவக்கூடிய மெல்லிய அடுக்கான வெள்ளைப் பகுதி உலர்ந்து, மண் கலராக மாறி விடுகிறது. பிறகு விழி வெண்படலத்தின் அருகில் முக்கோண முத்துக்கள் வர்ணமாக வெள்ளை, நிறம் பகுதியில் தோன்றுகிறது. இதனால், விழி வெண்படல மானது ஒளி ஊடுருவுகின்ற தன்மையை இழந்து விடுகிறது. இந்த விழி வெண்படலமானது ஒளி ஊடுருவுகின்ற தன்மையை இழந்து விடுகிறது. இந்த விழி வெண்படலம் சில சமயங்களில் உருகி புண்ணாகி அல்லது துவாரமாகியும் விடுவதுண்டு.

இதற்கு,சிகிச்சை செய்து சரி செய்தாலும் விழி வெண்படலத்தில் நிரந்தரமாக வெள்ளை கலரில் பூ ஒன்று காணப்படும். இவையெல்லாம் சேர்ந்து பார்வை இழப்பை ஏற்படுத்த வழி செய்துவிடுகிறது. இதனால், உடம்புத் தோல் தனது மிருது தன்மையை இழந்து கனமாவதோடு மட்டுமின்றி, பசியின்மை, வளர்ச்சியைத் தடுத்து நிறுத்தல் போன்றவற்றையும் ஏற்படுத்துகிறது.

வைட்டமின்-ஏ குறைவினால் ஏற்படும் பார்வையிழப்பை ஈடுசெய்ய மக்கள் வைட்டமின்-ஏ அடங்கிய உணவுப் பொருட்களை நிறைய உட்கொள்ள வேண்டும். பச்சைக் கீரைகள், பச்சை காய்கறிகள் நிறைய உட் கொள்ள வேண்டும். பச்சைக் கீரைகள், பச்சை காய்கறிகள் இவைகளில் வைட்டமின்-ஏ அதிகமாக இருக்கிறது. இவையெல்லாம் வருடம் முழுவதும் இயற்கையாகவே கிடைக்கிறது.