சம்மதம்.....

**Aathira** · **Aathira** Wed Feb 17, 2010 12:30 am

First topic message reminder :

சம்மதம்.....

அந்திவானம் நீலநிறம்
அதிகாலை சிவப்பு நிறம்
மத்தியிலே வெள்ளை நிறம்
மலைமுகிலோ கருப்பு நிறம்
ஆனாலும் வானம் ஒன்று!!

இந்தியனில் கருப்பனுண்டு
இளஞ்சிவப்பு வெள்ளையுண்டு
இனிமையுடன் பழகுவதில்
இருப்பதள்ளி கொடுப்பதிலும்
எவனுண்டு வையந்தன்னில்
இந்தியனுக் கீடுசொல்ல!!

பாடும்மொழிதான் மாறுபடும்
பாட்டின் இசையோ ஒன்றேதான்
மொழியால் நிறத்தால் மாறிடினும்
மாறா ஒற்றுமை யுடையவனே
இமயம் குமரி இடைப்பட்ட
இடந்தனில் வாழ்ந்திடும் இந்தியனே!!

புத்தன் ஏசு நபியன்னல்
ஆழ்வார் சைவ நாயன்மாரென
நித்தம் இறைவனை கரம்கூப்பி
தொழுதிடும் மதங்கள் பலவுண்டு
நல்மார்க்கம் கூறும் எம்மதமும்
சம்மதம் என்பவன் இந்தியனே!!

ஆதிரா

கலைவேந்தன் · கலைவேந்தன் Thu Feb 18, 2010 12:26 am

எப்படி ஏழுவண்ணங்கள் பலவிதமாய்த் தெரிந்தாலும் எல்லாம் இணைந்து வெள்ளைநிறமாகி வானவில்வியப்பூட்டுகிறதோ...

எப்படி பலவண்ணச் சிறகுகள் இருந்தாலும் மயில் அதன் நடனத்தால் நம்மை ஆட்கொள்ளுகிறதோ...

எப்படி பலவண்ணப்பூக்கள் இணைத்து மாலையானாலும் இறைவன் கழுத்தில் ஒன்றிணைந்து அழகூட்டுகிறதோ...

அப்படியே எண்ணங்களாலும் வண்ணங்களாலும் பலவிதப்பட்டு இருந்தாலும் ஒற்றுமை சின்னத்தால் ஒருங்கிணைந்து இந்தியா பெருமை கொள்கிறது என்பதை அழகான வரிகளில் எடுத்துரைத்த ஆதிராவுக்கு நன்றியும் பாராட்டும் வாழ்த்துகளும்...! சம்மதம்..... - Page 3 677196

**Aathira** · **Aathira** Thu Feb 18, 2010 12:30 am

மிக்க நன்றி சபீர் சம்மதம்..... - Page 3 154550

அன்புடன்
ஆதிரா

srinihasan · srinihasan Thu Feb 18, 2010 12:37 am

உங்கள் கவி அழகு. மிக்க மகிழ்ச்சி ஒற்றுமையை நிலைநாட்டியதில்.

//மலைமுகிலோ கருப்பு நிறம்
ஆனாலும் வானம் ஒன்று!!

கார்முகில் தெரியும். ஆனால் இங்கு மலைமுகில். மலைமுகில் அதிகம் கையாளபடாத சொல்... அருமை...

**Aathira** · **Aathira** Thu Feb 18, 2010 12:40 am

மிக்க நன்றி ஸ்ரிநிஹாசன் சம்மதம்..... - Page 3 154550

அன்புடன்
ஆதிரா

கலைவேந்தன் · கலைவேந்தன் Thu Feb 18, 2010 1:13 am

ஹூம்... என்னம்மா என் மேல் கோபம்...?

என் பாராட்டு பிடிக்க்லையோ...? சோகம்

**Aathira** · **Aathira** Thu Feb 18, 2010 1:23 am

முதலில் உங்களுக்குத்தான் பதில் அனுப்பினேன். என் பதிவு ஆகவில்லை என்று தெரியவில்லை. அதே மீண்டும் அனுப்புகிறேன்.

கவிதைப் போட்டியில் வெற்றி பெற்றமைக்கு என் மனமார்ந்த வாழ்த்துகள்.

கனிவான உங்கள் பாராட்டு மொழிக்கு நெஞ்சார்ந்த அன்பும் நன்றியும்.

அன்புடன்

ஆதிரா

கலைவேந்தன் · கலைவேந்தன் Thu Feb 18, 2010 1:26 am

உங்களுக்கும் பாராட்டுக்கள் ஆதிரா...

உங்கள் அருமையான வாமனம் கவிதை பதியப்படும் போதே நினைத்தேன்...

அதன் வரிகள் செப்பனிடப்பட்டபின் புதுப்பொலிவாய் அழகுடன் விளங்கிய அந்த கவிதை எனக்கு மிகவும் பிடித்துப்போனது..

அதுவே தேர்ந்தெடுக்கப்பட்டது கண்டு அகமகிழ்ந்தேன்...

பாராட்டுக்கள்.

நன்றி ஆதிரா....

**Aathira** · **Aathira** Thu Feb 18, 2010 1:39 am

அதில் உங்களுக்கும் பங்கு உண்டு கலை. இதை நான் நன்றியுடன் கூறுகிறேன்.
நான் ஏதாவது கவிதை எழுதியவுடன் உங்கள் மறுமொழியை உடனே எதிர்பார்ப்பேன். (நிறை குறை இரண்டுக்கும்தான்)
இன்னும் சொல்லப்போனால் கொடு கவிதையை நீங்கள் பார்க்காதது எனக்கு வருத்தமாக
இருந்தது. பின்பு உங்கள் நீண்ட விமர்சனம் மகிழ்வூட்டியது. மீண்டும்
நன்றியும் அன்பும். சம்மதம்..... - Page 3 154550

ஆதிரா.

கலைவேந்தன் · கலைவேந்தன் Thu Feb 18, 2010 1:47 am

Aathira wrote:அதில் உங்களுக்கும் பங்கு உண்டு கலை. இதை நான் நன்றியுடன் கூறுகிறேன்.
நான் ஏதாவது கவிதை எழுதியவுடன் உங்கள் மறுமொழியை உடனே எதிர்பார்ப்பேன். (நிறை குறை இரண்டுக்கும்தான்)
இன்னும் சொல்லப்போனால் கொடு கவிதையை நீங்கள் பார்க்காதது எனக்கு வருத்தமாக
இருந்தது. பின்பு உங்கள் நீண்ட விமர்சனம் மகிழ்வூட்டியது. மீண்டும்
நன்றியும் அன்பும்.

ஆதிரா.

நன்றி ஆதிரா...

எனக்கு என் பணியிலும் நிறைய நேரம் ஒதுக்கவேண்டியுள்ளது. என் பணிகளில் ஒன்று ஆன்லைனில் சில நிர்வாக வேலைகள் எங்கள் பள்ளிக்காக செய்வது. ஆக என் பணிகளுக்கிடையில் ஈகரையை திறந்து வைத்துக்கொண்டு அவ்வப்போது பதிவிடுகிறேன்.

உங்கள் கவிதை பதியப்படும் போது எனக்கு தெரியாமல் போய்விடுகிறது ஆதிரா..

Sponsored content · Sponsored content

சம்மதம்.....

சம்மதம்.....

Re: சம்மதம்.....

Re: சம்மதம்.....

Re: சம்மதம்.....

Re: சம்மதம்.....

Re: சம்மதம்.....

Re: சம்மதம்.....

Re: சம்மதம்.....

Re: சம்மதம்.....

Re: சம்மதம்.....

Re: சம்மதம்.....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக