குழந்தைகள்

ஐயா,
வணக்கம்.
நான் நமிழநம்பி.

தொழினுட்பம் படித்துப் பணியாற்றியவன்.

தமிழில் முதுகலைப் பட்டந்தாங்கி.

இதழியல் மக்கள் தொடர்பியல் படித்திருக்கிறேன்.

தமிழில் கட்டுரைகள், மரபுப்பாடல்கள் எழுதி வருகிறேன்.
மின்னிதழ்களான 'திண்ணை' , 'பதிவுகள்', 'கீற்று' போன்றவற்றில்
என் கட்டுரைகளும் பாடல்களும் வெளிவந்துள்ளன.

புதுச்சேரியிலிருந்து வெளிவரும் தமிழிலக்கண இலக்கியத் திங்களிதழ்களான
'நற்றமிழ்', 'தெளிதமிழ்' இதழ்களிலும், சென்னையிலிருந்து வெளிவரும் தூயதமிழ்த்
திங்களிதழான 'தென்மொழி'யிலும் என் பாடல்களும் கட்டுரைகளும் இடம்பெற்றுள்ளன.

முனைவர் ஆபிரகாம் தொ.கோவூரின் உண்மைக் கதைகளையும் கட்டுரைகளையும் மொழிபெயர்த்து
இருக்கிறேன். அவை மின்னிதழ்களிலும் அச்சிதழ்களிலும் வந்துள்ளன.

மரபுப்பாடல் எழுத விரும்புவோர்க்குப் பயிற்சி தந்து வருகிறேன்.

தொடர்ந்து வலைப்பதிவிலும் எழுதி வருகிறேன்.

என் வலை : http://thamizhanambi.blogspot.com

ஈகரை நடத்தும் கவிதைப் போட்டிக்குக் குழந்தைகள் என்ற பிரிவிற்குப் 'பையனும் பறவையும்!' என்ற ஓர் பாடலை மட்டும் விடுக்கின்றேன்.

பாடலைக் கீழே தந்திருக்கிறேன்.

நன்றி.

அன்பன்,
தமிழநம்பி.

--------------------------------------------------------------------------------------------------------

பையனும் பறவையும்!

- தமிழநம்பி -

வெள்ளை நிறத்தில் மின்னிடும்

கொள்ளை அழகுப் பறவையே!

எங்கே பறந்து போகிறாய்? – நீ

ஏனோ வேகம் பறக்கிறாய்?

நீண்ட தூரம் போகிறேன் - நான்

நீந்தி விரைந்து பறக்கிறேன்!

சிறிய பிள்ளை நீஉனக்குச்

செய்தி சொன்னால் புரியுமா?

எந்த நாடு போகிறாய் ? - நீ

எந்த இடத்தில் இறங்குவாய்?

அந்தச் செய்தி கூறினால்

அறிந்து கொள்ள முடியுமே!

பிரான்சுநாடு போகிறேன் - நான்

பெருமை யாகப் பறக்கிறேன்!

பிரான்சுநாடு போய் நீயும்

இறங்கப் போவது எங்கேயோ?

இறங்கி அங்கு மகிழ்வுடன்

யாரைப் பார்க்கப் போகிறாய்?

பாரீசிலே அத்தைப் பையன்

செம்மல் பார்க்கப் போகிறேன்!

பாதி நேரம் ஆனதால்

விரைந்து பறந்து போகிறேன்!

அத்தைப் பையன் அழகனா?

அவனுக் குன்னைப் பிடிக்குமா?

சின்னப் பையன் செம்மலின்

சிரிக்கும் அழகு பார்க்கவே

சிறகு விரித்துப் பறக்கிறேன்!

சீறிப் பாய்ந்து போகிறேன்!

செல்லச் செம்மல் பார்த்து நீ

சொல்லப் போவது என்னவோ?

செம்மலுக்குப் பிறந்தநாள்!

வாழ்த்துச் சொல்லப் போகிறேன்!

வாழ்த்தித் திரும்பப் போகிறேன்;

வழிவிடுங்கள், பறக்கிறேன்!

-------------------------------

குழந்தைகள்

குழந்தைகள்

குழந்தைகள் :: Comments