முத்தான பத்து தளங்கள் .

கம்ப்யூட்டரைப் பயன்படுத்துவதற்கான அளப்பரிய குறிப்புகளை நாங்கள் நினைவில் கொள்ள முடியவில்லை. எனவே எளிய முறையில் இந்தக் குறிப்புகளைத் தரும் தள முகவரிகளைத் தருமாறு பல வாசகர்கள் கேட்டுள்ளனர். அத்துடன் நவீன தொழில் நுட்ப கருவிகள் குறித்த தளங்களுக்கான முகவரிகளையாவது தாருங்கள் எனப் பலர் கேட்டுள்ளனர். பல தளங்கள் இருந்தாலும், வாசகர்களின் தேவைகளின் அடிப்படையில் பத்து தளங்களின் முகவரிகள் இங்கு தரப்படுகின்றன. அத்துடன் அவை குறித்த சுருக்கமான தகவல்களும் உள்ளன.


1.www.quotedb.com நீங்கள் சிறந்த பேச்சாளர் ஆக வேண்டுமா? உங்கள் உரை வீச்சுகளில் அடிக்கடி பல பெரிய அறிஞர்கள் மற்றும் பெரிய தலைவர்களின் கூற்றுக்களை கோடிட்டுக் காட்ட வேண்டுமா! அப்படி யானால் அதற்கான சிறந்த தளம் இதுதான். 60 வகை பொருள்களில் ஏறத்தாழ 4,000 புகழ் பெற்ற மேற்கோள் உரைகள் உள்ளன. சிறந்த பேராசிரியராக, மாணவர்களிடத்தில் நற்பெயர் விரும்பும் ஆசிரியர்களுக்கும் இது உகந்த தளம்.
2. ww.photonhead.com டிஜிட்டல் கேமரா வாங்கிப் பயன்படுத்தாத வாசகர்கள் மிகவும் குறைவு என்றே கூறலாம். எளிதாக சிறுவர்கள் கூட இவற்றைக் கையாளத் தொடங்கிவிட்டனர். ஆனால் முழுமையாக அதன் வசதிகளைப் பயன்படுத்துகின்றனரா என்றால், இல்லை என்றே கூற வேண்டும். டிஜிட்டல் கேமராவின் வசதிகள் என்ன? எதனைப் பயன்படுத்தினால் என்ன கிடைக்கும் என்று விலாவாரியாகத் தரும் தளம் இது. அபெர்ச்சர், ஸ்பீட், ரெட் ஐ எனப் பல விஷயங்கள் குறித்து இங்கு தகவல்கள் தரப்படுகின்றன. குழந்தைக்குச் சொல்லிக் கொடுப்பது போன்ற பல டுடோரியல்கள் உள்ளன. சிமுலேட்டர் முறையில் ஒரு கேமரா ஆன்லைனிலேயே தரப்பட்டு எப்படி இயக்குவது என்பதைச் சொல்லிக் கொடுக்கிறது. ஆனால் கொஞ்சம் பழமையானது போல சில விஷயங்கள் இருக்கின்றன. நவீன தொழில் நுட்பம் தான் எனக்கு வேண்டும் என எண்ணுபவர்கள் www.slrgear.com என்ற தளத்திற்குச் செல்லலாம்.


3. www.downloadsquad.com சாப்ட்வேர் மற்றும் வெப் புரோகிராம்களில் அவ்வப்போது ஏற்படும் மாற்றங்கள் குறித்து இந்த தளத்தில் தகவல்கள் அப்டேட் செய்யப்படும். மிகவும் பயனுள்ள தகவல்களைத் தருவதுடன் வேடிக்கையாகவும் சில சமயம் செய்திகளைத் தரும்.


4. www.stopbadware.org இது பக்கத்துவீட்டு காவல்காரன் போல செயல்படுகிறது. ஏதேனும் மோசமான விளைவுகளைத் தருவதற்கென்றே உருவாக்கப்படும் தளங்கள் குறித்த தகவல்களைத் தருகிறது. இது போன்ற தளங்களால் பாதிக்கப்பட்டவர்களிடமிருந்து வரும் தகவல்களைத் திரட்டி அவற்றின் அடிப்படையில் மோசமான தளங்கள் மற்றும் புரோகிராம்களின் பட்டியலை அளிக்கிறது.


5.www.techcrunch.com இன்டர்நெட் வெப்சைட் குறித்த செய்திகள் மற்றும் ஆய்வுகள் குறித்த தகவல்களைத் தருகிறது. குறிப்பாக வெப்2.0 குறித்த அண்மைக் காலத்திய செய்திகள் ஏராளம்.


6.www.gmailtips.com : கூகுள் மெயில் பயன்படுத்துபவர்களுக்கான தகவல் களஞ்சியம். அதிகமான எண்ணிக்கையில் குறிப்புகள்,டிப்ஸ் மற்றும் ட்ரிக்ஸ் தரப்பட்டுள்ளன.


7.www.thegreenbutton.com விண்டோஸ் மீடியா சென்டர் எடிஷன் குறித்த அனைத்து தகவல்களுக்கும் இந்த கிரீன் பட்டன் தளம் உதவிடும். லேட்டஸ் அப்டேட் பைல்களைத் தருவதோடு, டவுண்லோட் செய்திட சில புரோகிராம்களையும் தருகிறது.


8. www.tweakguides.com உங்கள் சிஸ்டத்தை ட்யூன் செய்து அதன் திறனை அதிகப்படுத்த வேண்டுமா? இதுதான் நீங்கள் செல்ல வேண்டிய தளம். விளையாட்டுகள், பிரவுசர்கள், டிரைவர்கள் என அனைத்தையும் இந்த தளம் மூலம் மேம்படுத்தி கம்ப்யூட்டர் இயக்கத்தை புதுப்பிக்கலாம்.


9.www.ilounge.com இதனுடைய பெயர் தெரிவிப்பது போல இது ஐ–பாட் மற்றும் ஐ–ட்யூன் ஆகியன குறித்த தகவல்களைத் தரும் தளம். இந்த இரண்டு குறித்து உங்களுக்கு என்ன உதவி வேண்டுமானாலும் இங்கு கிடைக்கும். எப்படி பயன்படுத்துவது என்ற டுடோரியல் தகவல்கள் மிகவும் பயனுள்ளன. இந்த இரண்டைப் பொறுத்தவரை இந்த தளத்தை ஒரு கடல் எனலாம். இதில் ஐ–பாட் 2.2 வழிகாட்டி இபுக்காக உள்ளது. இதில் 202 பக்க தகவல்கள் ஐ – பாட் குறித்து உள்ளன.


10.www.goaskalice.com அமெரிக்க கொலம்பியா பல்கலைக் கழகம் நடத்தும் மெடிக்கல் இணைய தளம். சிலர் கேட்க கூச்சப்படும் கேள்விகளைத் தாங்கள் யாரென்று காட்டிக் கொள்ளாமல் இங்கு கேள்விகளை இடலாம். சரியான முறையான பதில் கிடைக்கும்.



உயரும் கம்ப்யூட்டர் இறக்குமதி


இந்தியாவில் கம்ப்யூட்டர் தயாரிப்பவர்கள் சென்ற ஏப்ரல் – ஜூன் காலாண்டில் 17 லட்சத்து 60 ஆயிரம் கம்ப்யூட்டர்களை (லேப்டாப் மற்றும் பெர்சனல் கம்ப்யூட்டர்கள் உட்பட) இறக்குமதி செய்துள்ளதாக ஐ.டி.சி. இந்தியா ஆய்வு மையம் தெரிவித்துள்ளது. இது முந்தைய காலாண்டைக் காட்டிலும் 5.2% கூடுதலாகும். இருப்பினும் சென்ற ஆண்டு இதே காலத்தில் இறக்குமதியான கம்ப்யூட்டர்களைக் காட்டிலும் இது குறைவுதான். இந்த அறிவிப்பு கம்ப்யூட்டர் களை சில்லரை வர்த்தகத்தில் விற்பனை செய்பவர்கள் அவற்றைத் தயாரிப்பவர்களிடம் பெறும் எண்ணிக்கையின் அடிப்படையில் வெளியாகியுள்ளது.


மொத்த கம்ப்யூட்டர் விற்பனையில், எச்.பி. நிறுவனம் 17.8% பங்குடன் முதல் இடத்தில் உள்ளது. ஏப்ரல் முதல் ஜூன் வரையிலான காலத்தில் தனி நபர்களிடமிருந்தும் கல்வி நிறுவனங்களிடமிருந்தும் அதிகமான எண்ணிக்கையில் டிமாண்ட் இருந்ததாகவும் தெரிவிக்கப் பட்டுள்ளது. பெர்சனல் கம்ப்யூட்டர் விற்பனையைக் காட்டிலும், லேப் டாப் கம்ப்யூட்டர்கள் விற்பனை அதிகம் உயர்ந்துள்ளது. வரும் காலாண்டில் இந்த பிரிவில் புதிய பல நிறுவனங்கள் இறங்க உள்ளன. மேலும் அக்டோபரில் விண்டோஸ் 7 தொகுப்பு அறிமுகம் ஆக இருப்பதால், கம்ப்யூட்டர் விற்பனை எதிர்பார்த்ததைக் காட்டிலும் அதிகம் இருக்கும் என்று எதிர்பார்க்கப்படுகிறது.

Gud@

இதுல ஒரு தளங்கள் கூட நான் போனதில்லை

இளமாறன் wrote:இதுல ஒரு தளங்கள் கூட நான் போனதில்லை

சொல்லவே இல்லை

Appukutty wrote:

இளமாறன் wrote:இதுல ஒரு தளங்கள் கூட நான் போனதில்லை

சொல்லவே இல்லை

ஏன் நீங்க தினமும் செல்வீர்களா?

இளமாறன் wrote:

Appukutty wrote:

இளமாறன் wrote:இதுல ஒரு தளங்கள் கூட நான் போனதில்லை

சொல்லவே இல்லை

ஏன் நீங்க தினமும் செல்வீர்களா?

சும்மா தமாசுக்கு கண்ணா

அதானே பார்த்தேன்... அவ்வ்ளவு ஃபேமஸ் தளங்களை நாம தான் பார்க்காம விட்டுட்டோமோ

இளமாறன் wrote:அதானே பார்த்தேன்... அவ்வ்ளவு ஃபேமஸ் தளங்களை நாம தான் பார்க்காம விட்டுட்டோமோ

இப்போ சந்தோசமா