இதய அடைப்பை நீக்க அரிய பரிசோதனை

இதயப் பரிசோதனைகளில் பல பரிசோதனைகள் உண்டு. அந்த காலத்தில் 50 ஆண்டுகளுக்கு முன், ஸ்டெதஸ்கோப் மட்டும் டாக்டரிடம் இருந்தது. அதன்பிறகு இதய மின் அலை வரைபடம் என்ற இ.சி.ஜி., வந்தது. அப்போது ஸ்டெதஸ்கோப் வைத்திருப்பவர்கள் இதய நோய் நிபுணர்களாக கருதப்பட்டனர். பிறகு இ.சி.ஜி., வைத்திருப்பவர்கள் இதய நோய் நிபுணர்களாக கருதப்பட்டனர். அதன்பிறகு எம்.டி., பொது மருத்துவம் படித்தவர்கள் இதய நோய் நிபுணர்களாக கருதப்பட்டனர். 35 ஆண்டுகளுக்கு முன், டி.எம்., என்ற இதய நோய் சிறப்பு பட்டப்படிப்பு ஆரம்பிக்கப்பட்டு, இதய நோய் துறையில் இ.சி.ஜி., இதில் பல பிரிவுகள் உள்ளன.


தேங்காய் உடைத்தால்...



இது தேங்காயை உடைத்தால் உள்ளே என்ன தெரியும் அதுபோல இதயத்தின் எல்லா பகுதிகளையும் காண் பிக்கும் பரிசோதனை. இந்த பரிசோதனைகளுக்கு பிறகு இதய தசைகளுக்கு ரத்தத்தை எடுத்துச் செல்லும் கரோனரி ரத்தக்குழாய்கள் மற்றும் நான்கு அறைகள் நான்கு வால்வுகள் கொண்ட இதய உட்புறத்தில் ஓடும் ரத்த ஓட்டம், அதன் அழுத்தம் இவைகளைக் கண்டறிய வேண்டியதற்கு ஆஞ்சியோகிராம் என்று பரிசோதனைக்கு பெயர் உண்டு.ஆஞ்சியோகிராமில் இதய உள்ளறைகளில் பிளாஸ்டிக் குழாய்களை விட்டு மருந்து செலுத்தி சி.டி., படம் பிடிப்பதற்கு ஆஞ்சியோகிராம் என்று பெயர். இதை வில்லியம் கிராஸ்மேன் என்பவர் கண்டுபிடித்தார். தனக்கு தானே கையில் ஆஞ்சியோகிராம் செய்து கொண்டார். இதற்கு பெயர் இதய ஊடுருவல் பரிசோதனை எனப்படும்.


பலூன் ஆஞ்சியோ


ஊடுருவல் பரிசோதனையில் முக்கியமான பரிசோதனை கரோனரி ஆஞ்சியோகிராம். இதயத்திற்கு ரத்தத்தை எடுத்துச் செல்லும் மூன்று ரத்தக் குழாய்களின் பரிசோதனை தான். இதில் மூன்று ரத்தக் குழாயிலுள்ள அடைப்பை கண்டறியலாம். அதன்பிறகு தான் அறுவை சிகிச் சையா? அல்லது பலூன் ஆஞ்சியோ பிளாஸ்டியா என்று தீர்மானிக்க முடியும்.


பலூன் ஆஞ்சியோ பிளாஸ்டி பிறந்த கதை இது தான்


ஆன்டிரியாஸ் ரோலன்டு இரன்டிக் (1939-1985) இவர் ஜெர்மனை சேர்ந்த எக்ஸ்-ரே நிபுணர். 1977ல் இவர், சிறுநீரகத் திற்கு ரத்தத்தை எடுத்துச் செல்லும் ரத்தக்குழாய் அடைப்பை கண்டறிந்து, அதை பலூன் மூலம் அடைப்பை நீக்கினர். அதன் பிறகு இதயத்திற்கு ரத்தத்தை எடுத்துச் செல்லும் கரோனரி ரத்தக்குழாயின் அடைப்பை நீக்கி சாதனைப் புரிந்தார்.இது நமது அரசியல்வாதிகள் கள்ளப் பணத்தை பதுக்கி வைத்துள்ள சுவிட்சர் லாந்து நாட்டிலுள்ள ஜூரிஸ் நகரில், 1977ம் ஆண்டு முதல் செய்தார்.இதை பிரபலப்படுத்த ஐரோப்பா, அமெரிக்கா முதலிய நாடுகளுக்கு சென்று இதை செய்து காட்டி பலத்த எதிர்ப்புகளுக்கு இடையில் இதை ஒத்துக்கொள்ள வைத்து, 1980களில் பலரால் ஏற்கப்பட்டு வெறும் பலூன் ஆஞ்சியோ பிளாஸ்டி மட்டும் செய்யத் தொடங்கினர்.



பலன் என்ன?


வெறும் பலூன் ஆஞ்சியோ பிளாஸ்டியின் அனுகூலம். அடைப்பு நீக்கப்பட்டு விடுகிறது. விளைவு, அடைப்பு நீக்கப்பட்ட பிறகு 40 சதவீதம் திரும்பவும் திடீர் அடைப்பு ஏற்பட்டு விடுவதுண்டு. இது ஒரு சோதனையாக இருந்தது. உடனடியாக ரத்தக்குழாய் சுருங்கி மூடுவதற்கு என்ன செய்ய வேண்டுமென்று ஆராய்ச்சி செய்து ஸ்டென்ட் எனப்படும் உலோகத்தில் செய் யப்பட்ட பால்பாயின்ட் பென்னிலுள்ள காயில் போல இருக்கும். ஸ்டென் டை பலூன் மூலம் ரத்தக் குழாயிலுள்ள அடைப்பு பகுதியில் வைத்து விட வேண்டும். இதனால் திடீர் அடைப்பு ஏற்படாது. மேலும் மற்ற விளைவு களான ஸ்டென்டில் ரத்தம் உறைவது போன்றவைகள் நிகழாமல் பார்த்துக் கொள்ள வேண்டும். அதற்கென்று தனியாக பல மருந்துகள் உள்ளன.


- டாக்டர் எஸ்.எஸ். அர்த்தநாரி, இதய சிகிச்சை நிபுணர், சென்னை.