புலிகள் தீவிரவாத இயக்கம் அல்ல என்று கூறவில்லை : கருணாநிதி

இளவரசன் · இளவரசன் Mon Apr 20, 2009 7:10 pm

புதுடெல்லி / சென்னை ( ஏஜென்சி), திங்கள்கிழமை, 20 ஏப்ரல் 2009 ( 12:18 IST )

விடுதலைப் புலிகள் இயக்கத்தை தீவிரவாத இயக்கம் அல்ல என்று தாம் ஒருபோதும் கூறவில்லை என்று முதலமைச்சர் கருணாநிதி பல்டி அடித்துள்ளார்.

இது தொடர்பாக அவர் இன்று கூறியிருப்பதாவது :

விடுதலைப்புலிகள் இயக்கம் தீவிரவாத இயக்கம் அல்ல என்று நான் ஒருபோதும் கூறவில்லை.எல்டிடிஇ ஒரு தீவிரவாத இயக்கமாக தொடங்கப்படவிடவில்லை.ஆனால் அந்த இயக்கம் பின்னர் தீவிரவாத இயக்கமாக மாறிவிட்டது என்றுதான் கூறினேன்.

ராஜீவ் காந்தியை படுகொலை செய்தமைக்காக விடுதலைப் புலிகளை நாம் மன்னிக்க முடியாது.ஸ்ரீபெரும்புதூரை நாம் மறக்க இயலாது " என்று கருணாநிதி கூறியுள்ளார்.

முன்னதாக நேற்று தனியார் ஆங்கில தொலைக்காட்சி ஒன்றுக்கு பேட்டியளித்த கருணாநிதி, "பிரபாகரன் எனது நல்ல நண்பர்'' என்று கூறியிருந்தார்.

பேட்டியின் போது அருகில் இருந்த மா‌நில‌‌ங்களவை உறு‌ப்‌பின‌ர் கனிமொ‌ழி, "பிரபாகரனை நீங்கள் தீவிரவாதியாக பார்க்கிறீர்களா?'' என்று கேட்டதற்கு; "நான் அப்படி பார்க்கவில்லை'' என்றா‌ர் கருணாநிதி.

பிரபாகரனின் குழுவில் உள்ளவர்களில் சிலர் தீவிரவாதத்தில் சம்பந்தப்பட்டு இருக்கலாம் என்றும், அதற்கு பிரபாகரனை குற்றம் சொல்ல முடியாது என்றும் கருணாநிதி கூறினார்.

கருணாநிதியின் இந்த பேட்டி குறித்து பரபரப்பாக பேசப்பட்ட நிலையில், கருணாநிதியின் கருத்தை காங்கிரஸ் மேலிடம் நிராகரித்தது.இது குறித்து காங்கிரஸ் கட்சியின் மூத்த தலைவர்களில் ஒருவரும், மத்திய அமைச்சருமான கபில்சிபல் கூறுகையில், " மத்திய அரசைப் பொறுத்தவரையில், விடுதலைப் புலிகள் இயக்கம் ஒரு தீவிரவாத இயக்கம். அதன் தலைவர் பிரபாகரன் ஒரு தீவிரவாதி.

ராஜீவ் காந்தி படுகொலைக்கு விடுதலைப் புலிகள் இயக்கமே காரணம் என காங்கிரஸ் கருதுகிறது. பிரபாகரன் பிடிபட்டால் அவரை இந்தியாவிடம் ஒப்படைக்க வேண்டும் என இலங்கை அரசை வலியுறுத்துகிறோம்.

பிரபாகரன் தீவிரவாதி இல்லை என்று முதல்வர் கருணாநிதி கூறியிருப்பது அவரது தனிப்பட்ட கருத்து " என்றார்.

காங்கிரசின் இந்த கருத்தை தொடர்ந்தே கருணாநிதி அவசரமாக இன்று மறுத்ததாக தெரிகிறது.

sudhakaran · sudhakaran Tue Apr 21, 2009 6:08 pm

தேர்தல் நெருங்க நெருங்க பயத்தில் என்ன பேசுகிறோம் என்பதறியாமல் உளருகிறார்.......எப்படியாவது மக்களை ஏமாற்றி ஜெய்த்துவிடலாம் என நினைக்கிறார் கலைஞர்.....மக்களே நல்ல பாடம் புகட்டுங்கள்

புலிகள் தீவிரவாத இயக்கம் அல்ல என்று கூறவில்லை : கருணாநிதி

புலிகள் தீவிரவாத இயக்கம் அல்ல என்று கூறவில்லை : கருணாநிதி

Re: புலிகள் தீவிரவாத இயக்கம் அல்ல என்று கூறவில்லை : கருணாநிதி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக