ஹாக்கி இந்தியா-21, நேபாளம்-0 *தெற்காசிய ஹாக்கியில் அபாரம்

தெற்காசிய விளையாட்டு ஹாக்கி
போட்டியில் இந்திய அணி, நேபாளத்தை 21-0 என்ற கோல் கணக்கில் சூப்பராக
வீழ்த்தியது. இந்தியா சார்பில் கேப்டன் அஜிதேஷ் ராய் அதிகபட்சமாக 5 கோல்
அடித்தார்.
வங்கதேச தலைநகர் தாகாவில் 11வது தெற்காசிய விளையாட்டு
போட்டி நடக்கிறது. நேற்று தாகாவில் உள்ள மவுலானா பஷானி மைதானத்தில் நடந்த
ஹாக்கி லீக் போட்டியில் இரண்டாம் தர இந்திய அணி, நேபாளத்தை சந்தித்தது.
சுமார் 10 ஆண்டுகளுக்கு பின் சர்வதேச போட்டியில் பங்கேற்கும் நேபாளம் அணி,
அனுபவமின்றி காட்சி அளித்தது.
இந்தியா ஆதிக்கம்:
ஆரம்பம்
முதலே இந்திய வீரர்கள் அசத்தலாக ஆடினர். முதல் பாதி நேரமான 35
நிமிடங்களில் நமது வீரர்கள் 10 கோல் அடித்தனர். இதற்கு நேபாளம் அணியால்
பதிலடி கொடுக்க முடியவில்லை. செயற்கை இழையிலான ஆடுகளத்தில் முதல் முறையாக
ஆடும் இவர்கள், தொடர்ந்து திணறினர்.
பின் இரண்டாவது பாதியிலும்
ஆதிக்கம் செலுத்திய நம்மவர்கள், மேலும் 11 கோல்கள் அடிக்க, நேபாள
கோல்கீப்பர் சந்தர் சிங் தலால் நிலைமை பரிதாபமாக இருந்தது. இந்திய கேப்டன்
அஜிதேஷ் ராய் 5 கோல் (15, 58, 59, 66, 68வது நிமிடம்) அடித்து அசத்தினார்.
யுவராஜ் வால்மிகி(4, 9, 64), முகமது அமிர் கான்(7, 20, 57) தலா 3 கோல்
அடித்தனர். பிரமோத் குமார், ரகுநாத், ஹம்சா முஜ்தபா தலா 2 கோல் அடித்தனர்.
இவர்களை தவிர பெல்சாஜர், இன்னசன்ட், ரோஷன் மின்ஸ், தரம்விர் சிங் தலா ஒரு
கோல் அடிக்க, இந்திய அணி 21-0 என்ற கோல் கணக்கில் வெற்று பெற்று
சாதித்தது.
ஹாக்கி எழுச்சி:
இப்போட்டியில்
இந்திய வீரர்கள் கோல் மழை பொழிய, அணியின் பயிற்சியாளர் கிளாரன்ஸ் லோபா
இன்ப அதிர்ச்சி அடைந்தார். ஆட்ட நாயகனாக தேர்வு செய்யப்பட்ட ரோஷன் மின்ஸ்,
எத்தனை கோல் அடித்தார் என்பதை கூட அவரால் சொல்ல இயலவில்லை. இது பற்றிய
விபரத்தை மற்ற வீரர்களிடம் கேட்டு, பதில் அளிக்க வேண்டிய நிலைமைக்கு
தள்ளப்பட்டார். சீனியர் வீரர்களின் சம்பள பிரச்னையால் பாதிக்கப்பட்ட
இந்திய ஹாக்கி, தற்போதைய இளம் வீரர்களின் அபார ஆட்டத்தால் எழுச்சி
கண்டுள்ளது.
"ரவுண்ட்-ராபின்' முறையிலான மற்றொரு லீக் போட்டியில் வங்கதேச அணி, இலங்கையை 3-1 என்ற கோல் கணக்கில் வீழ்த்தியது.
முதல் தங்கம்
தெற்காசிய
விளையாட்டு பெண்கள் சைக்கிள் பந்தயம் மூலம், இந்தியா முதல் பதக்கத்தை
பெற்றது. ராமேஸ்வரி தேவி, சுசித்ரா தேவி கொன்சம், மகிதா மோகன், ரெஜனி
ஆகியோர் அடங்கிய குழுவினர், 30 கி.மீ., தூரத்தை 44 நிமிடங்கள், 22.15
வினாடிகளில் கடந்து முதல் தங்கப்பதக்கத்தை பெற்று தந்தனர். பாகிஸ்தான்
மற்றும் இலங்கை குழுவினர் முறையே வெள்ளி, வெண்கலம் வென்றனர்.

இந்தியா எப்பவுமே வெற்றிக்காக மிகவும் பாடுபடும்......

ஒரு புள்ளப் பூச்சிய இப்படியா போட்டு அடிக்கிறது!!! நேப்பாள் காரனுக ரொம்ப நல்லவங்கடா ன்னு சொல்லிக்கிட்டே விளையாடியிருப்பார்கள்!!!

யாரா இருந்தா என்ன ஜெயிச்சோம்ல அதான் நமக்கு வேனும்